السلام عليكم ..
لو سمحتوا يا جماعه انا كنت عاوز اعرف هل مسموح بدخول المصريين منطقه الأهرام و لا بقت ممنوعه ؟؟
و لو مسموح .. الرسوم قد ايه ؟؟
عرض للطباعة
السلام عليكم ..
لو سمحتوا يا جماعه انا كنت عاوز اعرف هل مسموح بدخول المصريين منطقه الأهرام و لا بقت ممنوعه ؟؟
و لو مسموح .. الرسوم قد ايه ؟؟
معلش يا باشا بس انا مش فاهمك اوي , انهي منطقة بظبط ؟؟
حضرتك ممكن تتمشاها من اي حتة لغاية لما تلمس حجر الهرم من غير ما حد يكلمك
و ايا كانت المنطقة دي , فاكيد مسموح دخول المصريين
الحاجة الوحيدة الفيها رسوم , هي و حضرتك داخل الهرم من جوة , بيتدخل بتذكرة , تقريبا ب٥ جنيه بس مش فاكر خالص
شكراا علي رد حضرتك
انا فعلا قصدي علي المنطقه الأثريه .. الهرم و أبو الهول و كده
أصل انا سمعت اشاعات بخصوص دخول المصريين بعد الشاب اللي طلع علي قمه الهرم .. انها بقت ممنوعه
ماينفعش حد يمنع!
بص انا كنت لسه هناك يوم الخميس الي فات
يعني قبل ما الواد دا يطلع ويحصل حاجة
بس عامة ماينفش يعملو حاجة زي كده طبعا
اما بالنسبة للرسوم علشان تدخل منطقة الهرم وابوالهول وكل دا بـ 2 جنيه
و بـ 1 جنيه للطلبة
اما الهرم من جوه فا مش عارف بالظبط
وعلي فكرة الجو هناك حلو اليومين دول قبل ما ندخل في الصيف
علشان طبعا في الصيف بتبقي صعبة اوي الشمس والصحرا
شوف حضرتك ... أنا رحت المنطقة الأثرية بتاعة الأهرامات سنة 2005 ... اللي أعرفه من وقتها - معرفش اتغير ولا لا - ان المنطقة عادي جدا ممكن تدخلها ... وممكن تدخل الهرم نفسه بس خلال الفترة من 8 - 11 صباحا مع منع التصوير عشان الفلاش وأثره على الآثار ( طبعا ماكانوش سمعوا عن غلق الفلاش في كاميرات التصوير ) ....
بالنسبة للرسوم كام فالحقيقة معرفش عشان مدفعناش رسوم واحنا داخلين ....
شكرااااا جداا يا جماعه علي الردود