حملة شبيك لبيك .... اقتراحات و افكار العملاء لخدمات افضل من دايهاتسو مصر

السلام عليكم و رحمة الله و بركاته

تم تنصيب أنسة مى مسئولة عن تسويق ما بعد البيع ... فالأول أحب ابارك لها على المنصب الجديد, ده الى جانب عملها كمسئولة عن خدمة العملاء

بناء على طلبها , تم فتح هذا الموضوع لأستقبال اقتراحات و افكار و تطلعات عملاء دايهاتسو سواء الحاليين او فى المستقبل القريب لخدمات افضل من وكيل دايهاتسو بمصر

و قالت لى بالحرف اسال اعضاء نايل موتورز "[OVERLINE]بيحلموا بأيه من وكيل دايهاتسو[/OVERLINE]" و طالما هى خدمة او حاجة من الممكن تنفيذها, هيتم فى اقرب فرصة

انا اتكلمت معاها على موضوع عربية الطوارى 24 ساعة تكون متاحة, و على ان الكول سنتر بيقفل بدرى الساعة 9 مساء

لو حد عنده اى افكار او اقتراحات, يتفضل يعرضها هنا و هما متابعين الموضوع بنفسهم

اما شبيك لبيك دى فهى من عندى انا, مش من عندهم ... بس حسيت انها تليق على التعبير بتاع "بيحلموا بإيه" :colsmil:

مبارك عليكي المنصب الجدي يا أستاذة مي
وربنا يباركلك فيه ان شاء الله
انا نفسي يتوسعوا في وجود مراكز صيانة من الوكيل نفسهم في مناطق الجمهورية
يعني واحد على الأقل للصعيد
وواحد على الأقل للدلتا
كده يعني
وهحاول افكر في شوية حاجات كده واقولها ان شاء الله
وشكرا يا معاذ على نقل الخبر

مبروك المنصب الجديد يا أنسة مي

مجرد اقتراح بوجدود قسم خاص بالسيارات القديمه نوعا مثل موديلات التسعينات وميكونش التركيز كله على العربيات الحديثه الموديل

اقتباس:

---

المشاركة الأصلية كتبت بواسطة wghazi

مبروك المنصب الجديد يا أنسة مي

مجرد اقتراح بوجدود قسم خاص بالسيارات القديمه نوعا مثل موديلات التسعينات وميكونش التركيز كله على العربيات الحديثه الموديل

---

فعلا
ممكن يزودوا اهتمامهم بالموديلات القديمة
وده هيرجع لهم بالإيجاب
لأن لما سوق المستعمل للموديلات القديمة يبقى ماسك نفسه ده هيرجع بالسمعة على كل الجديد للشركة
فممكن يعملوا عروض صيانة مجانية للموديلات القديمة مثلا كل فتره وبالمره الجديد كمان
يعلنوا عن وجود قطع غيار للموديلات القديمة ويجيبوا كمية منها

اولا مبروك ودايما من احسن الي احسن

1-انا بقترح حزمة من التعديلات ويارب تتاخد في الاعتبار

انا شايف ان التوكيل بيتعامل بأذدواجيه مع العميل ومع شركة التأمين في المقايسات بالاضافه الي المغالة الرهيبة في قطع الغيار

مثال

الاستاذ مادو معاه ماتريا اتعمله مقايسه بحوالي 80% من ثمن العربية جديده في حين ان اللي مفروض يتغير 20% من مكونات العربية

يعني الحاجه (فتيس -ايرباج - الخ) المصنع بيحطها في العربية بالخسارة!!!!!!!!!!!!

2- اسعار قطع الغيار لا تتناسب ابدا مع الفئة السعرية يعني عربية ب 75 الف مثلا تلاقي قطع غيارها اغلي من فئتها في السوق

3- عدم توافر قطع الغيار بشكل ملحوظ

4- مش كل مراكز الخدمه بترضي تركب قطع غيار من برا حتي الزيت

5- اقترح وجود خدمة صيانه ممتدة ليلا

انا اؤكد على موضوع سيارة اعطال الطوارئ اللى لازم كمان يكون معاها ونش فى حالة الاحتياج لنقل السيارة الى المركز..... و طبعا يكون فى سيارة تابعة لكل مركز صيانة مش واحدة بس تخدم المركزين

اولا الف مبروك

ثانيا
1- موضوع سيارة الطواريء دة شيء حيوي جداااااااااااااا
2- فيه حاجة تانيه ان ليه ميبقاش في خدمه لمكان العميل بمعني لو انا مش عارف اخد اجازة من شغلي او عندي قطعه عايزة تتغير ليه ميجيش حد يغيرها و تبقي برسم انتقال لان واحد زميلتنا هنا عربيتها اوبل كورسا كان عندها حاجة عايزة تتغير في العربيه اعتقد سنسور الكرنك و اتصلت بمنصور بعتلها واحد غيرها و كان حاجة ظريفه جدااااااااا و في نفس الوقت التوكيل بيكسب جامد منها برضة
3- موضوع توافر قطع الغيار و النظر بجديه شوية لاسعار العماله يعني انا مقتنع برأي الاخ ابو عبدالله في موضوع اسعار قطع الغيار انها مش غاليه اوي بس اسعار العماله غاليه جداااااااا يعني انا مركب سماعات في التوكيل سعرها 180 جنيه سعر تركيبها 70 جنيه

سالت علي الزجاج الامامي سعره 1300 جنيه ماشي لكن تركيبه 570 جنيه كتير اوي دي حاجة محتاجة نظرة جديه ليها

و الف مبروك مرة تانيه

قطع الغياااااااااار واسعار قطع الغييااااااااااااااار

السلام عليكم د معاذ
بالرغم من عدم تفاؤلي بموضوع تحقيق احلامنا بسبب المشاركات السابقة للاستاذه مي الا انه جهد واجب الشكر
اما بالنسبة للاحلام فارجوا من جميع الاصدقاء المشاركين ان يكون الكلام واقعي (بمعنى ... لو طلبنا 1000 مره تخفيض اسعار قطع الغيار فلن يتم الالتفات لمطالبنا للاسباب الواهيه المعروفه - اما لو اصرينا على تخفيض اسعار العماله فاعتقد انه من الممكن حدوث فرق)

الإقتراح الأول عربية طوارئ
الإقتراح التاني عربية طوارئ
بالنسبة للإقتراح التالت عربية طوارئ برضه .. و يا ريت الكول سنتر يبقي فيه حد يقدر يفيد في كيفية التصرف عند حدوث الطوارئ

بالمناسبة عجبني أوي بروشور الصيانات ده .. لو ينفع يتطبع كام نسخة للإكسسوارات زي الجنوط و الكاسيتات و السينسورز و كل الإكسسوارات الموجودة في التوكيل مع إمكانيات كل جهاز لو كاسيت مثلاَ أو باركنج سينسور و سعره و تتحط علي الترابيزات بتاعة الصالة زي بروشورات العربية كدة و الجرايد.

عربية طواريء طبعا أهم حاجة.

لو مش لاقيين طلبات مهمة , ممكن يجيبو PS3 بدل الPS2 ..:E_braces[1]:

معاذ عاش من شافاك وشاف مواضيعك,المنتدى مظلم من غيرك,بتغيب علينا كتييير لكن ديما بترجع تطل ومعك اشراقه امل :) كلام كبير اوى اللى بقوله ده:)
شكرا على الموضوع الجميل ده,اعتقد الحاجه اللى المفروض التوكيل يضيفها هى طبعا عربيه خدمه الطوارئ واسعار العماله زى ما قال معظم الاعضاء وفيه حاجه كمان معرفش هى موجوده ولا لاء وذلك لانى جديد العهد بعض الشئ بتوكيل دايهاتسو:

اولا ليه لما بيحصل تغيير لقطع الغيار فى الصيانات مش بنأخد القطع القديمه زى ما بيحصل فى بعض التوكيلات الاخرى؟
معرفش ممكن الخدمه دى تبقى موجوده ولا لاء؟اعتقد هتفرق مع اصحاب العربيات كتير

ثانيا اعتقد ان قسم اكسسوارات السيارات محتاج يتوسع عن كدا بكتير,سواء فى العبور او ابو رواش اللى موجود من كماليات محدود اوى,فيه حجات كتير ممكن تتضاف,انواع مختلفه من اجهزه الانزار,الروافع اللى موجوده فى التوكيل بالاسم وبس,الجى ام اللى ممنوع يتركب اصلا معرفش ليه وحجات تانيه كتيييير,اتمنى الاهتمام بالقسم ده فى التوكيل وطبعا مراعاه الاسعار واعتقد الحجات دى اسعارها مش هتكون زى اسعار قطع الغيار اليابانى,حرام اوى لما اروح اركب انذار ب 900 جنيه او كاركيت ب 1200 جنيه وده اقل فئه من فئات الكاركيت و... و ...الخ
اسعار الكماليات فعلا مبالغ فيها بدون سبب

تقبل مرورى وتحياتى

اقتباس:

---

المشاركة الأصلية كتبت بواسطة gmakram

اولا ليه لما بيحصل تغيير لقطع الغيار فى الصيانات مش بنأخد القطع القديمه زى ما بيحصل فى بعض التوكيلات الاخرى؟
معرفش ممكن الخدمه دى تبقى موجوده ولا لاء؟اعتقد هتفرق مع اصحاب العربيات كتير

---

لأ بيدوك القطع اللى اتغيرت يا باشا..... انا مغير فلتر هوا الصيانة اللى فاتت و لقيتهم حاطينه فى كرتونة الجديد اللى اتركب و حاطينه فى الشنطه.....

اقتباس:

---

المشاركة الأصلية كتبت بواسطة mahora

لأ بيدوك القطع اللى اتغيرت يا باشا..... انا مغير فلتر هوا الصيانة اللى فاتت و لقيتهم حاطينه فى كرتونة الجديد اللى اتركب و حاطينه فى الشنطه.....

---

انا عملت الصيانات بتاعتى كلها الخمسه والعاشره والخمسه عشر ومأخدتش اى قطع غيار واعتقد انى اتغيرلى فلتر بس مش متأكد

اقتباس:

---

المشاركة الأصلية كتبت بواسطة gmakram

انا عملت الصيانات بتاعتى كلها الخمسه والعاشره والخمسه عشر ومأخدتش اى قطع غيار واعتقد انى اتغيرلى فلتر بس مش متأكد

---

فى العشرين هيدوك فلتر الهوا..... انا اخدت الفلترالقديم فى صيانة العشرين

اقتباس:

---

المشاركة الأصلية كتبت بواسطة mahora

فى العشرين هيدوك فلتر الهوا..... انا اخدت الفلترالقديم فى صيانة العشرين

---

شكرا للتوضيح

السلام عليكم
مبارك عليكى يا استاذة مى وبالتوفيق ان شاء الله
اول حاجه اعادة النظر في الاسعار المباااااااااااااااااااال غ فيها جدا
تانى حاجه موضوع عربية الطوارىء فكره جميله قوى

هو فعلاَ كدة يا جورج يعني بتاخد القطع بس الصيانات اللي عملتها مكنش فيه قطع غيار

إلا لو عايز فلتر الزيت...lol

اقتباس:

---

المشاركة الأصلية كتبت بواسطة MoToRiZeR

هو فعلاَ كدة يا جورج يعني بتاخد القطع بس الصيانات اللي عملتها مكنش فيه قطع غيار

---

صدييييييييييييييييييقى عاش من شافاك ياراجل ده انا قلت انت الكيبورد عندك مبقاش فيه عربى علشان كدا مبقناش بنشوفك :36_6_3[1]:
شكرا يامحمود للتوضيح
:satelite:

اهم اقراح عندى ان الشركه تحترم العملاء الحاليين للتريوس
الى اشترو العربيه بسعر وبعدها بكام شهر نزلت شركتنا الحبيبه 10 الاف جنيه من سعرها


يعنى اما انها كانت مبالغه فى سعر العربيه او انها قللت الجوده للعربيات الجديده

انا اما اتكلمت مع انسة مى على حوار عربية الطوارىء كان الرد:

انهم فى خلال ال 4 سنين اللى فاتوا جالهم 4-5 مكالمات لعربيات واقفة و كان كلهم بطارية

فصعب انه يكون فى عربية مجهزة مع فنى مدرب و معدات و تقريبا الطلب قليل جدا

بس الفكرة الاحلى هى تواجد عربية للصيانات السريع خارج التوكيل

زى ما هيونداى كانت عاملة كده

اما بخصوص الكول سنتر ... فهما بيسجلوا كل الارقام اللى بتتصل حتى و هما مش شغالين ... ومفيش تقريبا اتصالات بره وقت من 9 صباحا ل 9 مساء علشان كده عملوا بالمواعيد دى

هو الموضوع ده علشان الاقتراحات الخاصة بتحسين الخدمات, مش للشكاوى

من سنة تقريبا كان مهندس احمد عبدالوهاب قال ان دايهاتسو هتبدأ: Daihatsu owners club

اللى بيبقى عباره عن كارت للتخفيضات لعملاء دايهاتسو فى اماكن مختلفة زى محلات ملابس, مطاعم, فنادق, الخ...

فهل فى امكانية لوجوده؟


الحاجة التانية الاهم:

دايهاتسو فى مصر عاملة جدول الصيانة لعربياتها كل 5 الاف كم .... و ده يعتبر حمل على الملاك خصوصا اللى بيعمل كم كتير بعربيته ان كل 5 الاف يروح التوكيل و يدفع عمالة ... و بعض الصيانات بتبقى بس check up على العربية

فى توكيلات زى رينو و هيونداى كانوا عاملين نظام صيانة عليك و صيانة علينا

بمعنى العميل الملتزم اللى بيعمل الصيانة الاهم زى مثلا ال 10, 20, 30, 40 الف كم ... بيتعمل له الصيانات اللى بينها مجانا (كأجر عمالة فقط) لكن لو فى اى قطعة غيار المفروض تتغير بيتحملها العميل

هل ممكن نشوف الموضوع ده فى دايهاتسو و يبقى تشجيع للعميل الملتزم بكل صياناته انه يفضل متابعها فى التوكيل حتى بعد انتهاء فترة الضمان

اقتباس:

---

المشاركة الأصلية كتبت بواسطة mahora

انا اؤكد على موضوع سيارة اعطال الطوارئ اللى لازم كمان يكون معاها ونش فى حالة الاحتياج لنقل السيارة الى المركز..... و طبعا يكون فى سيارة تابعة لكل مركز صيانة مش واحدة بس تخدم المركزين

---

مفيش توكيل عنده ونش

لكن اما كنت بتعامل مع وكيل فولكس فاجن كان فى حاجة كويسة

متفقين مع شركة اوناش ... ممكن تيجى تاخد العربية من تحت بيتك و تسيبها عندهم فى التوكيل فى اى يوم و اى وقت , و انت تبقى تدفع فاتورة الونش مع فاتورة الصيانة لعربيتك

لأن ساعات كتير ناس بتحصل لهم طوارىء و هما بره البيتو و مش عاملين حسابهم على فلوس الونش ... ده كان اوبشن ظريف

ها يا شباب مفيش افكار جديدة؟

مفيش أفكار جديدة بس لو نص اللي إنت قلته يا دكتور اتنفذ يبقى جميل قوي..