المشاركة الأصلية كتبت بواسطة mohabelnegm
هاقول لحضرتك حاجة مهمة و هى أنى دراستى ألأساسية فى مصرهى علم ألأثار بدراسات عليا و فى الجامعة هناك كنت بدرس لغة بالأضافة لدراسات مكملة فى التاريخ و الحضارة البولندية و كان فى دكاترة على اعلى مستوى من دول مختلفة فى أوروبا و منهم ألمان على فكرة و اللى كانوا بيشعروا بالخجل و ألأسف من الموضوع دة . المعسكرات دى فعلا موجودة و القتل فيها كان بشكل بشع و أصحح لحضرتك معلومة أن مفيش حاجة أسمها أفران الغاز : لأن فى:*غرف الغاز* و دى كانوا بيدخلوا فيها الناس بأعداد تصل ل 200شخص مع بعض و فى زى ماسورة من فوق وكانوا بيضخوا الغاز لداخل الالمكان دة لغاية لما الناس تتخنق. * المرحلة التانية بيخرجوا الجثث لمكان تانى و يبدأوا فى أخد الدهب و كل شىء له قيمة و حلق شعر الناس دى * ألأفران* و دى ماكانوش بيحتاجوا فيها لأى نوع من أنواع" البنزين" لأن بولندا كلها غابات و كانوا بيستخدموا الخشب الجاف فى الحرق داخل أفران مخصوصة.
بدون تفاصيل تانية...أنا عايز أقول لحضرتك أن مش لازم لأن دة عدوى أنى أكدب حاجة فعلا كانت موجودة, زى ما شرحت لحضرتك أن البولنديين هما اللى أحتفظوا بالمعسكرات دى مش اليهود و البولنديين هما اللى بيحكوا و هما اللى سجلوا حاجات كتيرة جدا "موثقة" لكل اللى كان بيحصل فى المعسكرات دى لأن دة جزء من تاريخ أسود للألمان اللى البولنديين زاقوا ألأمرين منهم.
اللى بيخلينا نخسر فى أى معركة سياسية أو أعلامية بنخشها أن أحنا بنهاجم لمجرد الهجوم و ننكر لمجرد ألأنكار بدون دليل دامغ على رأينا و طول الوقت نظرية المؤامرة هى اللى بتتحكم فينا .
شىء مهم جدا أن الواحد يدى لنفسه فرصة يحلل ألأمور حتى لو لعدوى بدون تحيز .