سؤال فى النوبيرا 2 الكورى

**AHMED1979** · 06-02-2008 07:23 AM

على فكرة انا عندى ورا الدركسيون فى مكان لكارت بس انا مش عارف دة بتاع اية
انت عندك فكرة الكارت دة بتاع اية ؟

**mummy_47** · 06-02-2008 11:46 AM

اه ده مكان فعلا للكروت الشخصية لكن مش بيشيل غير كارت واحد فقط وانا فتحت الحته ديه وملقيتش وراه اي حاجة..يعني مجرد فتحه للكارت...والف مبروك على السيارة يا باشا..وربنا يباركلك فيها..لكن ممكن اعرف جبتها بكام من بورسعيد..

**AHMED1979** · 06-02-2008 01:37 PM

انا جبتها بـ 29 الف من بور سعيد

**ads** · 09-03-2008 01:17 PM

انا جايب نفس العربيه primuim ومفهاش انزار فتح الباب وكنت عايز أسأل حضرتك عن معدل استهلاك البنزين عندك لانه عالى قوى عندى حوالى 170 كيلو فى الصفيحه ده نفس استهلاك عربيتك ولا اقل

**AHMED1979** · 10-03-2008 08:11 AM

تقريبا هو نفس الاستهلاك بتاعى بس انا مش متأكد أوى لان انا العربية كان الموتور عالى فأكيد كان سحب البنزين اكتر وبعدين العربيات الأتوماتيك بتستهلك بنزين اكتر من المانيول

**AHMED1979** · 10-03-2008 08:16 AM

لوسمحت ممكن تبعتلى الصور بتاعة عربيتك الى انت كنت حاطتها لان فى واحد صاحبى مش مصدق ان الطبلوة لونه بيج مع لون الفرش معلش هو طلب بايخ بس هو عايز ينزل بورسعيد وعايز يشوف شكل العربية

**ads** · 23-03-2008 11:12 AM

استاذ احمد 1979 حضرتك عملت اى حاجه فى الفتيس يعنى غيرت زيت او فلتر لانى سامع انى المفروض اغير زيت وفلتر للفتيس ولان انا مش شايف مقاس للزيت اوطبه احط منها اوافضى منها ياريت تقولى انتى عملت ايه بالنسبه للفتيس وياريت لو حد تانى عنده نفس العربيه 1500 بريميوم االكورى الاوتوماتيك يقولنى تجربته فى الصيانه بتاعتها وبالذات صيانه الفتيس وانا سمعت ان فتسها كهرباء يعنى مش اى حد يعرف فيه فكنت عايز اعرف مدى صحه الكلام ده وشكراً