حد جرب قبل كده يعلن في الوسيط او الأهرام.

**محمد محمد** · 13-04-2010 10:49 AM

السلام عليكم ورحمة الله وبركاته......
حد جرب قبل كده يعلن في الوسيط او الأهرام ايهما افضل وهل كان الأعلان في منه فايدة ولا محققش المطلوب ارجو اللى ليه تجربة يحكيها.

**Kareem_A** · 13-04-2010 11:09 AM

والدي لما كان بيبيع السكودا فورمان , عمل اعلان في الوسيط

و فعلا جاب نتيجة و ناس كتير اتصلت و باعها بالطريقة دي فعلا

و اظن ان الوسيط احسن , لانه جرنال اعلانات اساسا , البيفتحوا بيبقا بيدور على حاجة معينة

**e_amrawad** · 13-04-2010 11:32 AM

أنا جربت الوسيط لما كنت ببيع عربيتي ا ل 128 وطلعت وسيلة فعالة جداً جداً وبعت العربية قبل ما الاعلان ينزل بيوم عشان فية ناس بتفتح الويب سيت بتاع جريدة الوسيط من ع النت قبل ما الجريدة تتوزع.

بس نصيحة لو هتعمل اعلان فية لازم تجيب خط تيليفون جديد وبعد متبيع تقفل الخط دة عشان هيجيلك كمية تليفونات غير طبيعية لمدة اكثر من شهر بعد الاعلان وهتلاقي ناس بتتصل ف أوقات غريبة.

**A.Saad** · 13-04-2010 11:47 AM

انا عملت اعلان عن حاجة مالهاش دعوة بالعربيات
شوف ايه الاعلان اللى هتعمله الاول
بس لو اهرام خليك فى الجمعة
واسعار الاعلانات على موقعهم على النت

**mada_76** · 13-04-2010 12:17 PM

لو عربيات خليك في الوسيط
لان الاهرام كان زمان ليه شنة ورنة خصوصا العربيات بتاع الجمعه
انما حاليا الوسيط بصراحة
وممكن كمان على موقع كونتاكت وبيجيب نتيجة كويسة برده وعن تجربة وببلاش .

**بحري** · 13-04-2010 12:35 PM

الوسيط كويس والإعلان بينزل على النت في نفس اليوم لذلك بتلاقي تليفونات جاتلك قبل نزول العدد المطبوع وممكن كمان تبيع والعدد لسه منزلش
كمان بعدما غلوا أسعاره فالإعلانات بقى فيها جدية أكبر نوعا ما..زمان أول لما فتحوا وكانت الإعلانات مجانية لو كان في حد بيفكر يهرش وعاوز هراشة بالكهرباء كان بيحطلها إعلان

**chicobon** · 13-04-2010 01:43 PM

حسب المنتج الي هتعلن عنها يعني لو شقة او محل سعات مش بيجيب نتيجة يعني قبل كده عملنة اعلان بيع شقة في الوسيط و مجبتش نتيجة و برده جار لينا عمل و معرفش يبيع يعني الناس عايزة تشتري الحاجة بي بلاش و خلاص كله بيتصل و السلام يعني فعلا مليون واحد بيتصل بس دون نتيجة ربنا يسهلك و تعرف تبيع في اسرع وقت

**Ahmed A Rahman** · 13-04-2010 01:50 PM

بالضبط احنا كنا طالبين غفير للمزرعة

والناس قعدت تتصل بعد اكتر من شهر

عملنا قاعدة بيانات واخترنا اكفأ واحد !!!

بس لازم تشارك واحد معاك في الرد على المكالمات عشان حتكره نفسك بجد

ممكن يجيلك 100 مكالمة يوميا
يعني حوالي 500 دقيقة

يعني اكتر من 8 ساعات حيجيلك صداع نصفي والموبايل حيفصل كذا مرة