الموضوع: محتار بين نيسان صني و الإلنترا

طبعا النترا افضل بكل المقاييس من حيث الشكل والسرعه والنعومه وتوفر قطع الغيار وسرعه اعاده البيع
وعلي عكس ذلك كله تجد الصني

المشاركة الأصلية كتبت بواسطة tarekabosdera

انا شايف من خلال تجربتي للصني مرة ومن خلال امتلاكي للالنتر
ان مفيش ولا نقطة واحدة تتفوق فيها الصني على الالنترا
التقفيل : الالنترا افضل بمراحل
قوة المحرك : فرق شاسع
وسع الصالون: الالنترا اوسع بكتير
العزل : فرق شاااااااااااسع على الطرق السريعة
الثبات : الالنترا افضل بفضل نظام التعليق المتطور جدا من الامام والخلف على عكس الصني اللي بتشعر بكل زلطة صغيرة في الشارع بالاضافة الى ان الباور بتاع الصني سيء جدا وخفيف جدا على السرعات العالية وتقيل جدا في السرعات المنخفضة وبيتأثر بتضاريس الطريق .
على عكس باور الالنترا كهربا متطور بيبقى خفيف على السرعات المنخفضة لسهولة الركن وخلافه وبيتقل تدريجيا مع السرعات العالية
التكييف جيد في الاتنين
محرك الالنترا متطور ذات تكنولوجيا cvvt المستخدمة في الكورولا والتي تعطي استجابة جيدة مع كل الظروف والتي توفر في استهلاك البنزين ( 230 كم / 20 لتر داخل المدينة) و ( 300كم/20 لتر ) في الطرق المفتوحة
هيونداي النترا حائزة على جائزة افضل سيارة في فئتها في امريكا لعام 2009 ( المركز الاول)
بس يفضل تجيبها اوتوماتك وتكون في ايرباج واي بي اس عشان لو لا قدر الله حصل حادث
واخيرا متنساش ان النيسان صني تقفيل مصري ....

كل مميزات الالنترا ده جميله بس لو حصل فيها مشكله او عيب صناعه وده وارد وحصل كتير.. التوكيل مش هيتعامل باحترام وهيتهربو من المسؤليه وهيوروله النجوم في عز الظهر.. وده بشهاده الاخوه الاعضاء مالكي بعض سيارات غبور واللي عاملين مواضيع كتير في قسم هيونداي..

بايجاز. الالنترا كويسه لكن تغور من وش غبوووور

الالنترا تتفوق فى كل شىء

لا دي و لا دي
خليك في السيراتو
لا دي ( الصني ) عشان التقفيل
و لا دي ( الالنترا ) عشان الفيس ليفت بتاع السنه الجايه ده غير انها مش ثابته من ورا