الموضوع: استفسارعن النوبيرا

جزاكم الله كل خير وخاصة المهندس سمير ماشاء الله عليه ما يبخل على اى حد

لى عتاب عندك بسيط يا أخى

وأرجو من جميع الأخوه بلا أستثناء
عند طرح المواضيع
لايذكرون أسم عضو بعينه

وذلك من أجل لم الشمل ( داخل القسم )

وعدم ترك الفرصه للنزعات الشيطانيه باللعب بنا
لأننا بشر وضعاف أمامه
وقانا الله وأياكم وسوسته وشروره وحمانا من نزعاته

فأنا مثلى مثل أى عضو فى هذا القسم

وكلنا بنشوف كل المواضيع المطروحه
واللى بيعرف حاجه بيقولها

_________________________

فلقد نسيت ذكر أسم أفضل عضو عندنا فى قسم الدايو

ألا وهو
أخى الفاضل والحبيب الى قلبى

سيادة المستشار / محمد ممدوح

فهو نعم الرجل ونعم العقل المصرى فى التفكير فى الأمور الهندسيه

وبالفعل لقد أستفدت الكثير من وجودى معه فى نايل موتورز

ولو كان هو غير موجود فى نايل موتورز

كنت حقول لنايل موتورز

السلام عليكم

لأنه بصراحه ............
هو المارش الكهربائى لى شخصيا
فى تنشيط الفكر الهندسى لدى

_______________________________

أرجو من الجميع عدم ذكر أسماء محدده موجه لها المواضيع وتخصيص أسم محدد بعينه
سواء أنا أو غيرى
لأننا كلنا هنا أخوات ...........وبنفكر مع بعض .....ولازم نحب أو نحاول نحب بعض


_________________________________________

وجارى متابعة موضوع حضرتك مع الزملاء

مشكور اخى م سمير على الرد السريع :)
وكلنا هنا واحد واخى الغالى محمد ممدوح لا احد يقدر ان ينكر فضلة فى المنتدى عامة وخاصة فى قسم الدايو وانا لم اطلب منه اى شىء نهائى واتاخر عليا بالرد سواء داخل موضوع او خارجة فاله كل الشكر والتقدير والاحترام وهو من اساسيات القسم

ولكنى انا لم اقصد اى شىء من اللى انت قلته :) غير لما راجعت بعض المشاركات ليك وليه فى بعض المواضيع ولم اعرف ان هناك اى حساسيات فى التعامل بين الاعضاء :)

اتمنى اذا كان الموضوع فيه شىء خارج عن السياق العام او يسبب اى ضيق شخصى لاى شخص يتم حذف الكلام اللغير لائق وهذا الرد ايضا :)

وجزاكم الله كل خير اولا واخيرا

اتمنى اذا كان الموضوع فيه شىء خارج عن السياق العام او يسبب اى ضيق شخصى لاى شخص يتم حذف الكلام اللغير لائق وهذا الرد ايضا :)

مفيش ضيق ولا حاجه يا أخى
كلنا أخوات

وبأذن الله

سنتغلب على الشيطان لو حاول التفرقه بيننا
باللجوء الى الله
مع الأستعاذه من همز الشيطان ولمزه

المشاركة الأصلية كتبت بواسطة mmamdouh

اخبار الفتيس معاك ايه بعد 188 الف كيلو شغل؟؟

mmamdouh

بسم الله ماشاء الله مش فيه اى حاجة وعمرى ما عملت فيه اى حاجة غير اكشف على الزيت كل فترة لما اجى اغير زيت العربية ومش غيرت زيت فتيس خالص لغاية دلوقتى

ولما روحت التوكيل اخر مرة المهندس اللى هناك قالى مش تعمل فيه اى حاجة ولا تغير زيت ليه
بس هو مش مضايقنى فى اى حاجة الحمد لله
لكن ساعات بحس بنتشة عند الغيار لو كنت مزود شويه وشيلت رجلى مرة واحده

انا مبسوط انك دخلت الموضوع :) والله ربنا يبارك فيكم كلكم

المشاركة الأصلية كتبت بواسطة mrsailor

* انا العربية بترتل وهى واقفة او فى السلانسية
بس وهى واقفة بتبان اكتر يعنى تلاقى صوت الموتور على سنة كده وبعد كده رجع عادى وهكذا وبتبان اكتر لو مشغل التكيف والعربية بيبقى فيها رجة اعلى لو مشغل التكييف وانا واقف
ج: دا ممكن يكون ايديل عاوز يتنضف او سلك بوجيهات او بوبينة ضعيفة .. وممكن يكون فلتر بنزين عاوز يتنضف


* عندى فى دريسكيون العربية لما اكون واقف واجيب التارة يمين وشمال بسمع صوت خبطة كده كانت زمان بسيطة ودلوقت بقت باينة اوى
ج: ممكن يكون حشو اسكاترا او بيضة


* عندى الجنب اليمين شمال قدام العفشة بتاعته بتعمل صوت خبطة حديد فى حديد لو مطب جامد صغير يعنى لو بعدى من على شريط مترو ولا حاجة وماشى سريع شوية مش براحه بسمع صوت خبطه جامده فى الجنب ده
ج: ممكن يكون بيضة او كاوتش ياى مقطوع .. و ممكن تكون فى حاجة مش مربوطة فى العفشة او القنطرة


* عندى غطى التكيهات مرشح زيت والمفروض انه اتعمل فى التوكيل من 5 شهور ودلوقتى زى ما هو بينزل زيت برده وكمان نسبت الزيت بقت اقل من الميتدم فا مش ده من الغطا ولا فى حاجة تانية ومع العلم ان مش فى اى حاجة تانية عليها زيت نهائى
ج: ممكن تنضف جوان غطا التاكيهات كويس و المكان اللى بيبات فيه و تحط سيليكون عضم و تركبه و ان شاء الله الزيت حايقطع .. اما بالنسبة لنقصان الزيت ممكن يكون الموتور خفيف .. اكشف علية لان ترشيح الزيت من جوان غطاء التكيهات ما بيخليش الزيت ينقص بصورة ملحوظة لانة بيكون تبخير مش تسييل زيت

* بس ياريت تطمنا عملت ايه علشان لو فى معلومة جديدة كلنا نستفاد .. و ربنا يوفقك

تسلم ايدك على الرد على الموضوع
وتسلم على المعلومات
وباذن الله انا رايح النهاردة لواحد اسم الورشة بتاعته طنطاوى بيقولوا حلو اوى فى الحى السابع بس المشكلة انه شغال فى كل حاجة مش فى الكورى بس

وان شاء الله هاقولكم على اللى عملته بالضبط هناك بعد ما نشوف راى باقى الاخوة