و انا ايد كلامك د / امير و انا كنت ذاكر ملاحظات صيانة دورة التبريد
و انا مع كل كلمه انتا قولتها و هى عربيه محترمه فعلا عن تجربه لفتره طويله
عرض للطباعة
على فكره فيه فليشيا في الخليج على فكره
لان شوفت واحده كانت بتتباع في الامارات
يا جماعة الله يبارك فيكم :ask: انا ماعممتش كلامي انا بقول ان دي اقتراحات مجدية و بتجيب نتيجه للي عايز يساعد على تبريد عربيته اكتر سواء للاسكودا او غيرها و بتنفع جدا الحاجات دي , و انا عن نفسي غير راضي عن مستوى سخزنة العربيه الفيليشيا حتى لو كان دة الطبيعي بتاعها , اصل انا اول واحد عارف ان الطبيعي بتاع العربيه دي هو 90 و لو حر اوي اوي اوي 95 و دي اقصى حاجة و دة لو كل حاجة تمام , طب انا راضي زمتكم دي درجه حراره ؟؟؟
هايجي حد يقولي اني عندي مشكله في العربيه , الاجابه هي لأ لأ لأ
انا عربيتي زي الفل و مظبط وش السلندر و بحط مياة خضرا و بنضف الرادياتير دايما
و عموما انا اكتشفت ان هو دة الطبيعي بتاعها مهما حصل و رضيت بالامر الواقع و متأقلم على كدة بس الاقتراحات دي للي عايز عربيته تنزل عن الطبيعي بتاعها بشوية و جاب نتيجة
انا يا جماعة قولت رأيي في حاجه بتعتبر احد اهم عيوب الفيليشيا و كل الناس عارفه كدة و انا مش بفتي و لا بتفلسف و الله و اكبر دليل يؤكد صحة كلامي اني قريت الكاتالوج بتاعها ( بالانجلش ) و لقيت ان وش السلندر مصنوع من مادة تناسب ظروف الجو في ألمانيا و التشيك و شمال اوروبا و المادة دي هي خليط من الالومنيوم و مادة تانيه مش فاكر اسمها بتساعد على الاحتفاظ بدرجه الحراره نوعا ما عشان زي مانتوا عارفين ان لو الموتور بارد جدا فدة برضه غلط زي السخونية الزايدة ماهي غلط برضه
فالاقتراحات اللي قولتها دي ماهي الا مساعده لجعل العربيه تنزل شوية عن معدلاتها الطبيعيه اللي هي اصلا مش طبيعيه و لا حاجه هو في حاجه اسمها عربيه درجه حرارتها 90 طول الوقت و نقول طبيعي ؟؟
سيارة فاشلة في السخونية بتاعتها دي و لا نقاش في الامر لانه واقع و عمرها ماهاتكون زي الكوري او الياباني و دة رأيي لان الياباني و الكوري اذكى من انهم ينزلوا للخليج و البلاد الحاره سياره مقرفه في سخونيتها عشان كدة بيتعاملوا بنظام السياره ذات المواصفات فا هاتلاقي عربيات مواصفات خليجي و امريكي و اوروبي و اللاتيني و اسيوي وكل عربيه مصنوعه بما يتناسب مع مناخ و طبيعه كل بلد
و شكرا
فعلا كتالوج الاوكتافيا بيقول درجة حرارة الموتور المثالية هى 90 بس متستناش انها توصل ل90 وبعد كدة تمشى مكتوب تدور وتمشى بعد 1دقيقة
انا مش عارف الفتي انتشر ليه
انا عايز اقول اخر عيب بيسبب السخونة في العربيه و هو ان الشبكة او الهواية اللي في مقدمة العربيه صغيره اوي و مش كافيه لتبريد الرادياتير و دة عيب تصنيع برضه و الدليل انهم عدلوه في الفيليشيا سنة 98 و عملوا الشبكة بتاعتها اكبر اللي هي اسمها وش اوكتافيا و لذلك العربيات الفيليشيا وش الاوكتافيا اقل سخونة من الموديلات اللي قبلها وفي ناس كتيرة بيشيلوا علامة الاسكودا اللي في النص دي و بيكبروا الهواية دي و منها تبقى بشكل رياضي ومنها تساعد اكتر على تهوية الرادياتير مش معنى كلامي انه يطلعلي واحد بيتفلسف كتير و يقولي اننا نعمل كدة , يا جماعه هي اقتراحات و بقولها و خلاص و بتجيب نتيجه مؤكدة و مجربه عن ناس كتير اعرفها و انا شخصيا عملت بعض الاقتراحات اللي فوق دي زي اني جبت مروحه اكبر من حيث عدد الريش فيها و اكيد فرقت معايا و برضه عملت الزرار اللي مش عاجبكو دة و للعلم بينقذني في كتير من الاوقات ( لما الترموستات تعطل في الطريق مثلا ) اللي عايز يجربها اوك مش عايز يبقى برضه اوك ( هو اجبار يعني ؟؟ ) و على فكرة كلامي مش فتي و انا بقرأ كتير اوي عن العربيه و مش بجيب من دماغي و عندي بدل الكتالوج 10 و بكل اللغات و بعرف انجليزي و ألماني
ملحوظة : انا يا استاذ كريزي لمبادا مش بفتي و في نفس الوقت انت عامل في عربيتك تعديل جميل و بيشرح موضوع الشبكه و الهوايه اللي بتساعد على تبريد الرادياتير و شكرا انك وفرت عليا اني اجيب صورة توضح كلامي بخصوص تعديل الشبكة الامامية
وعموما طالما انتوا شايفين ان الفيليشيا زي الياباني و رافضين تعترفوا ان من عيوبها انها بتسخن نسبيا عن غيرها من السيارات يبقى انا محقوق لكم و لو اقدر الغي الموضوع ياريت المشرفين يلغوه طالما و لا اقتراح عاجب الناس اللي بتهاجم دي مع ان الكلام اللي انا قولته دة هو اللي بيحصل في الحقيقه و مش كلام منتديات و خلاص و عموما انا قولت اقتراحات كتير و مش بقول ان الواحد ينفذهم كلهم و كل واحد يعمل اللي شايفه لمصلحه عربيته و حقكم عليا و الفيليشيا احسن عربيه في العالم و مصممة لكي تربح السباقات و أي خدمة
والله انت راجل زي العسل .. يا أخي كفاية إن إسمك على إسمي :POINTIy2[2]:
لعلمك مفيش أي تحامل عليك خالص..ولك جزيل الشكر على اهتمامك ومحاولة المساعدة لإخوانك
ولعملك الحلول اللي حضرتك قلتها دي أنا شايفها كويسة وتعتبر كنوع من الوقاية وأنا عن نفسي عايز أعمل المفتاح دا ..إيه المانع مفيش منه أي ضرر بالعكس دا ممكن ينفع في الطوارئ ودا وارد في أي عربية
نقطة الخلاف جت من إن الناس بتحاول تقولك إن في نقاط أساسية لو اتعملت يبقى هانجنب نفسنا مشاكل السخونة والعربية هاتبقى مظبوطة..وحضرتك بتشرح شوية إجراءات "احترازية" يبقى كده مفيش أي خلاف.