الموضوع: افيدوني اشتري نيو اكسنت ولا لا

المشاركة الأصلية كتبت بواسطة ابو فرح

الى الاستاذ محمود عينو انا شايف انك متحامل قوى على عربيات هيونداى عامه مع ان معاك النتر طب ياريت لو تبيعها وتريح نفسك من ارف غبور

الحكاية مش حكاية انى متحامل قوى على عربيات هيونداى لآلآ
الحكاية و ما فيها ان لما توكيل يستورد عربيات زيرو مش فرز اول يعنى فيها عيوب والعيوب بتاعتها موتور وجيربوكس كامل يبقى توكيل مش تمام ولما انا وحضرتك ندفعوا فيها دم قلبنا وعرقنا وشقانا اللى طافحين بيه الدم علشان نوفر لنا ولاولادنا حياة كريمة ووسيلة مواصلات تغنينا عن سؤال اللئيم وتطلع معيوبة يبقى حرام ومليون حرام والمحزن انها مش حالات فردية يعنى لما المهندسين فى التوكيل يشاوروا على 5 او6 عربيات موجودة عندهم وفيها نفس العيوب قال يعنى بيطمنوا اصحاب المشاكل انهم مش لوحدهم يبقى ده اسمه نصب ولا مش نصب
وبعدين مين قال لحضرتك ان انا بهوب ناحية التوكيل ولا حتى بعدى من الشارع بتاعه علشان حضرتك تقولى ابيعها وارتاح من قرف غبور
كل ما فى الموضوع انى بحط نفسى مطرح الناس اللى حظها وبختها طلع اسود واشتروا عربيات زيرو من التوكيل وطلعت معيوبة علشان لو انا مطرحهم كنت طبيت ساكت لاننا مش بنلاقى فلوسنا فى الارض ولا وارثينها لآ احنا طالع عينينا بيها فى اشغالنا
............................*
محمود عينو

قريبى عاوز يشتريها وخايف انها تكون زى الفيرنا

ياريت اللى عندة العربية يقولنا اية اخبارها معاه بكل امانة

لان قريبى محتار بينها وبين اللانوس

المشاركة الأصلية كتبت بواسطة abosara2010

السلام عليكم انا جديد هنا معاكم كنت عايز اعرف منكم رايكم
انا الاسبوع القادم ان شاء الله هشتري نيو اكسنت 2010 اتوماتيك الشكل العادى مش الرياضي
المشكلة اني اصبحت متردد بسبب المشاكل المعروضة هنا في المنتدي علي العربية دي اية رايكم اشتريها ولا لا او اية البديل
وهل 2011 الشكل الجديد هينزل وهينزل امتي

أفضل السيارات فى فئتها و كويس إنك هتجيبها اتوماتك لأن المانوال فيها مشاكل فى الدبرياج و كمان البلد بقت زحمه قوى.

الاوتوماتيك جميلة جدا والسحب حلو جدا التجميع سريع ومع التكييف مش هتحس بفرق فى السحب
اقتصادية جدا فى البنزين ولاحظ انها 1600 سى سى
انوار التابلوة جميلة الكاسيت صوتة حلو جدا
الكراسى مريحة
وربنا يوفقك

انا اتفرجت عليها من كام يوم
عربيه تقفيلها حلو و التابلوه بتاعها شيك
ضيقه شويه من ورا لكن شنطتها واسعه
فيها حاجتين خنقوني ان مراياتها مش كهربا و كمان سلك الانذار اللي ماشي على التابلوه فعلا توكيل مش محترم