سلام الله عليكم ورحمته وبركاته
في جسم السيارة من عند الرفارف وبعض المناطق في الأبواب البارومة أكلت السيارة أكل
فأرجوكم هل من حل لوقف هذا الزحف الكاسح الذي سيدمر السيارة
هل من طلاء معين
أنجدونا
وجزاكم الله عني كل خير
سلام الله عليكم ورحمته وبركاته
في جسم السيارة من عند الرفارف وبعض المناطق في الأبواب البارومة أكلت السيارة أكل
فأرجوكم هل من حل لوقف هذا الزحف الكاسح الذي سيدمر السيارة
هل من طلاء معين
أنجدونا
وجزاكم الله عني كل خير
البارومة هى سرطان الصاج وعلاجها الصحيح هو نفس علاج السرطان، البتر، يجب ان يتم القطع من اخر حتة سليمة فى الصاج واستبدالها بقطع صاج سليمة يتم تشكليها على نفس شكل الجزء المقطوع ولحامها ثم اعادة الطلاء، وهى عملية سمكرة كاملة للسيارة وتستغرق قدر لا بأس به من الوقت والجهد، لكنها السبيل الوحيد لمنع وفاه السيارة بمرض سرطان الصاج
يا الله
جزاك الله خير أيها السبعاوي المخضرم
والله المستعان على هذه المشكلة
طيب ممكن تعليمات لمنع حدوثها في مناطق أخرى
أهم حاجة و أنت مثلا بتغسل العربية تنشفها كويس جداااااااا و المكان إلى فوق العجل دة ينشف جدا بعد الغسيل عشان البارومه بتسرح فيه أوى و العتب بتاع العربية يتنشف كويس و متعرضش العربية لمايا كتيرة فى الشتا لو فى جراج يكون أفضل و لو عندك كسوة للسيارة تبقى مشمع أو جلد أفضل عشان لو قماش المايا بتقعد فترة أطول و كمان خلى بالك تعرض العربية لشمس طويلة بتأثر برضة على قوة الصاج
وكمان الطين في الشتا ده بياكل الرفارف اكل
في بارومة سطحيه ممكن تيجي بالصنفرة
يعني في حد معين لتغلغل البارومة في الصاج اللي ممكن معاها يلزم البتر
صح يا شباب ؟
ولا مصطلح بارومة غير مصطلح صدأ؟؟؟
شوية تفصيل يا سبعاوي باشا لو تكرمت
بعض العربيات الحديثة معالجة ضد الصدأ ( البارومة )
افضل شئ يمكن عمله لمنع تغلغل البارومة فى الصاج حاليا هو غسلة جيدة لرفارف السيارة من الداخل ثم شراء 2 كيلو بيتومين والاتفاق مع بوهياجى سيارات لرش البيتومين على فجوات الرفارف وكل النقط الصدئة، والامتناع تماما عن غسيل السيارة بالخرطوم ، وفى الشتاء القادم غسلة او غسلتين لفجوات السيارة لازالة الطين، يعنى دى بعض المسكنات لابقاء السيارة واقفة على قدميها، لكن اذا كنت تنوى ابقاء السيارة معك لسنوات قادمة فلا محيص عن الجراحة
عربيات كتير بتنزل دلوقت الصاج بتاعها معالج ضدالصداء والمعالجة بتتم عن طريقين الاولي الفسفتة ودي بتتم بنقع جسم السيارة بعد التجميع في محلول بالكامل ويتم تجفيفه بالهواء قبل الدهان ودى الطريقة الشائعة في معظم صانعي السيارات والطريقة التانية اضافة الزنك للصاج وبيقال عليها الجلفنة وبتتم في بعض المصانع الاوروبية والامريكية وللعربيات الغالية شوية نسبيا ودى افضل لانها بتقاوم الصداء بطريقة افضل كتير عن السابقة وفيه بعض الصانعين بدأو باستخدام طرق تانية شأن اودي بدأت باستخدام الالومنيوم في الشاسية بالكامل امقاومتة الشديدة للصداء وخفة الوزن وصانعين تانيين زي رينو بدأو باستخدام البلاستيك في الاجزاء العرضة للصداء..طولت معلهش نيجي لافضل اسلوب لمقاومة البرومة في المحروسة واحنا عندنا نتفرد بالكم الهائل من الاتربة اللي بتتحول لطين لزج مع اي شوية مية واول خطوة في المقاومة النظافة ثم النظافة والمقصود المحافظة علي جسم السيارة خالي قدر الامكان من التراب والطين العالق بة الخطوة التانية استخدام الكارتيرات البلاستيك تحت الرفارف وعدم ازالتها لان اثناء تحرك السيارة العجل بيدور بسرعة عالية وما ادراك كم المقذوفات اللي بتخبط في جسم السيارة من حيث النوع والشكل والوزن وعلشان اقرب لك الصورة شوية برة فية اسلوب لازالة الدهان والصداء اسمة ساند بلاست اورش الرمل بضغط عالي لازالة البوية والصداء باستغلال خصائص الشكل الخادش لحبيبات الرمل في ازالة الدهان فتخيل من غير الكارتيرات تحت الرفارف شكلة اية غير بقي تجمعات الطيت الجميلة في الشاسية والمية واديلوا تفاعل ..بتبقي حاجة زي الفل ..بعد كدة استخدام الاندر كوت لدهان العربية من تحت وصبعا بعد ازالة تجمعات الطين والتاكد ام مافيش برومة تحت السطح المراد دهانة والمهم في الاندر كوت انة يكون القةدوام بتاعة زي الكاوتش او الربر يعني لوبقي لة فترة ونشف بيفلق ويربي برومة وبيبقي زي عدمة ..لازم يكون لين نسبيا ..فية مركبات قاتلة للصداء زى الرست ريموفر او الرست كيلر والوكساويل بس الحاجات دي بتيجي من الخارج ولسة فكر المستوردين في المحروسة ما وصلش للحاجات دي كذلك رجال الصناعة الطيبين محدش فكر يعمل الحاجات دى هنا وطبعا الحاجات دى بتوفر حماية اكيدة ضد البرومة و بتوقف البرومة حال تواجدها ..معلهش طولت بس حبيت اضيف حاجة يمكن تنفع