البوجيهات طبعا مهمة جدا واى خلل فيها بيخلى الماتور مايشتغلش بالكفاءة بتاعتة المطلوبة ,دة غير انها عامل اساسى فى ان السيارة تغيب فى الدوارة ,وتنتش ,وتاكل بنزين
طرق اختيار البوجية المناسب:
1:السيارات نوعين :كاربراتير ,انجيكشن
وكل نظام فيهم بوجية معين ماينفعش يركبوا على بعض
والانجيكشن البوجية الخاص بيبقى مكتوب علية r ودة اللى تحطة فى الانجيكشن
2:لكل سيارة كود بوجية معين خاص بيها ودة هتلاقية فى كتالوج السيارة او تعرفة من التوكيل او من محل قطع الغيار "خاص بالانجيكشن"
3:البوجيهات :
تنقسم البوجيهات الى ثلاثة انواع
1:بوجيهات 1 شمعة ,2 شمعة,3 شمعة ,4 شمعة
اللى بيفرق بينهم هو مدى استجابة البوجية لحرق كمية الوقود يعنى كل ماعدد الشمعات زاد كل مالبنزين اتحرق احسن ,وبردة بيبقى عمر البوجية اطول
2:يوجد بوجيهات سن طويل وسن قصير
بوجيهات السن الطويل :افضل فى الحرق لانها بتخرج الشرارة بتاعتها فى اقرب نقطة ودة بيدى السيارة سحب افضل
"يفضل استخدامها مع المحركات زى الحالة الجيدة جدا" عشان لو البستم بيهرب زيت كدة هايجى على البوجية وهايقعد فترة قصيرة ويقطع
* بوجيهات السن القصير :ودية بتستخدم فى المواتير الخفيفة لانها بتهرب زيت فبنحاول اننا نبعد البوجية بقدر الامكان
بنسمع بقى عن حاجة اسمها كرسى للبوجية ودية الميكانكيى بيحطها للمواتير الخفيفة اوى او اقرب الى ماتكون مفوتة ,وصاحبها مش عايز يعملها عمرة دلوقتى وطبعا مش كل يوم هايجيب بوجية او يقطع منة وهو ماشى ,فالمكيانكيى بيعمل كرسى للبوجية بيتركب علية وبكدة يبقى الزيت مايقدرش يوصلة
افضل انواع البوجيهات :ngk يابانى اصلى ,denso بردة يابانى ,ماتجيبش غيره لانهم فعلا افضل الانواع
طبعا مش هنتكلم عن بوجيهات الاسبليت فاير عشان دول ليهم استخدا تانى
المفضلات