ارجوكم المشاركة انا امامى لانسر 2001 المكواة اوتوماتيك و gen 2 2006 اوتوماتيك تنصحونى باية
عرض للطباعة
ارجوكم المشاركة انا امامى لانسر 2001 المكواة اوتوماتيك و gen 2 2006 اوتوماتيك تنصحونى باية
والله كل اللى هنا هايقولك لانسر
ولو عملت الموضوع ده فى قسم البروتون الكل هايقولك جين
شوف انت ايه احتياجاتك ؟
يابانى موديل 2001
ماليزى موديل 2006
عائليه وشبابيه
شبابيه فقط
قطع غيار مغرقه الدنيا وارخص
قطع غيار مقتصره على مستوردين معينين
كاربراتير
انجيكشن
الاتنين سهله الصيانه (ميكانيكا) بفارق ان التكنولوجيا اعلى فى الجين
اليابانى يكسب
يعنى لو حضرتك مكانى هتختار انهى
بصراحه رغم انى من عشاق اللانسر
هاختار الجين
بس مش عربيه العمر
هتاخد وقتها وهاخلع منها
انما لو هاقعدها فى ارابيزى يبقا لانسر
ممكن المشاركة اكتر ياجماعة
انا بصراحة مقلقانى فى الانسر ال 1300 سى سى و التكيف
بص ياباشا انا معايا بومه 2009 مانيوال 1300
ال 1300 سحبها كويس لا هوه وحش ولا هية بتشد...العادى يعنى
والميزة الجامدة فى ال 1300 استهلاك البنزين يكاد يكون معدوم...ودى ميزة لا يمكن اغفالها
التكييف اكيد بياثر عالسحب وده طبيعى لكن فى المانيوال بيبقى معقول مش هيخنقك يعنى
عامة ال 1300 عربية عائلية متكسفكش فى الاحمال والسفر والتكييف...والاهم من ده كلو موفرة جدا فى البنزين
لكن مهيش عربية تشد بيها مع حد ولا تفحت بيها...واحنا مش فى اوتو كروس ولا فى fast & furious :)
وانا الحمد لله مبسوط بعربيتى جدا وحتة استهلاك البنزين دى مبسوط منها جدا جدا جدا
فلو ملكش فى الشد والجرى واستخدامك عائلى هتريحك وتقضى احتياجاتك وتوفرلك فى البنزين
عايز عربية تجرى وتشد بيها يبقى الجين تو
طب الجين تو عملية اكتر ولا اللانسر و من حيث قطع الغيار والثبات
قطع الغيار اتذكرت
والثبات الاتنين جامدين جدا فى الثبات