محتاج استشاره فى civic 97

**ahmed_khalil** · 13-04-2010 06:03 PM

السلام عليكم
اخوكم من قسم بيجو و محتاج رد على بعض الاستفسارات
انا قررت اجيب سيفيك 97 ان شاء الله و قريت كل المواضيع عنها فى المنتدى بس انا حابب اعرف كام حاجه كمان
الموتور ال 1500 اخباره ايه مع التكييف؟؟؟ و التكييف ضعيف ولا زى باقى اليابانى؟؟
هل فيه ميكانيكى هوندا شاطر فى المعادى او قريب من المعادى؟؟
انا دورت كتيير على اسعار قطع الغيار بس للاسف مالاقتش مواضيع عنها و محتاج اعرف اسعار قطع غيارها (امثله يعنى زى الفوانيس و الاكصدامات و الفلاتر و كده) ولو برضه حد يكون بيبعها فى المعادى
انا ناوى على exi aw lxi عشان الفلوس بس لو مالاقتش غير تكييف و باور و اوتوماتيك بس
العربيه هاتفرق ايه عن ال vti غير الموتور و الازاز و المرايات و فتحة السقف؟؟

انا عارف ان اسئلتى كتيير بس معلش استحملونى

**ahmed_khalil** · 14-04-2010 01:24 AM

ايه طيب امشى ؟؟ :d:d

**SAMEH_FOUAD** · 14-04-2010 02:54 AM

السيارة جميلة جدا وشبابية
بالنسبة لاسئلتك :
1:مش هتحس بتقل على الماتور زيها زى اى عربية مشغلى التكيف لان ماشاء الله الماتور قوى مايغرش انة 1500 بس بيخرج 110 حصان زى ال1600 الحالى ودية ميزة هوندا مواتير جبارة
والتكييف ماشاء الله علية لما تشترى ابقى جربة بنفسك
2:ميكانيكى دية بقى صعبة علية شوية بس عشان تظبط الهوندا صح وديها لحد فاهم فيها
3:الفوانيس الامامية يابانى اصلى ب280 جنية وتقليد ب180 جنية
او اغلى شوية بالنسبة للاتنين والخلفية ب300 جنية
الفلاتر فلتر البنزين اصلى ب200 جنية ,فلتر الهواء ب240 لو عادى لو اسبور ب150 جنية simota
الvti الاصلية بيبقى فيها ايرباج وabs بجانب الحاجات اللى حضرتك ذكرتها

**khaled_rafea** · 14-04-2010 01:47 PM

محمود هوندا اللى فى المعادى شاطر و محترم و يعرف ربنا, و عندك محل علاء حفنى عنده كل حاجتها فاتح فى صقر قريش, قطع غيارها متوفرة و مش غالية, و فعلا عربية محترمة, بس حاول تدور على الفى تى اى زى الاخوه ما قالولك

**zer0th** · 14-04-2010 03:32 PM

بص يا باشا انا عربيتى 2000 نفس الجيل lxi التكيف تلاجة الماتور سحبة زى ال 1600 الاكصدامات استيراد ب 300 فوانيس نفس نفس الكلام الوراية جديدة ب 200 مضروب طبعا الرفرف 170 طقم تيل 85 تركى فلتر هواء 95 مضروب 195 اصلى فلتر بنزين 55 فلتر زيت 45 مساعدين الطقم عامل 1200 طقم الدبرياج 600 و فى الحج مجدى الدسوقى بس دة فى الحرفيين بعيد عليك بس كانك سافرت بورسعيد ارخص واحد بتاع قطع غيار هوندا جديدة و موزع للفطيم هاتلاقى عندة كل حاجة لو استيراد يبقى بورسعيد

**ahmed_khalil** · 14-04-2010 04:53 PM

المشاركة الأصلية كتبت بواسطة zer0th

بص يا باشا انا عربيتى 2000 نفس الجيل lxi التكيف تلاجة الماتور سحبة زى ال 1600 الاكصدامات استيراد ب 300 فوانيس نفس نفس الكلام الوراية جديدة ب 200 مضروب طبعا الرفرف 170 طقم تيل 85 تركى فلتر هواء 95 مضروب 195 اصلى فلتر بنزين 55 فلتر زيت 45 مساعدين الطقم عامل 1200 طقم الدبرياج 600 و فى الحج مجدى الدسوقى بس دة فى الحرفيين بعيد عليك بس كانك سافرت بورسعيد ارخص واحد بتاع قطع غيار هوندا جديدة و موزع للفطيم هاتلاقى عندة كل حاجة لو استيراد يبقى بورسعيد

المشاركة الأصلية كتبت بواسطة khaled_rafea

محمود هوندا اللى فى المعادى شاطر و محترم و يعرف ربنا, و عندك محل علاء حفنى عنده كل حاجتها فاتح فى صقر قريش, قطع غيارها متوفرة و مش غالية, و فعلا عربية محترمة, بس حاول تدور على الفى تى اى زى الاخوه ما قالولك

المشاركة الأصلية كتبت بواسطة haythamkmal

العربية ممتاذة وتوكل على الله ، بس لو قدرت تجيب ال فى تى اى هيكون افضل كثير
الميكانيكى اللى فى المعادى اسمة محمود موجود فى مساكن الكويتية
اخوة شغال فى التوكيل اسمة محمد وبيشتغل معاة فى الورشة بعد الساعة 5
ودة تليفونة 0106408444

المشاركة الأصلية كتبت بواسطة semsem kane

السيارة جميلة جدا وشبابية
بالنسبة لاسئلتك :
1:مش هتحس بتقل على الماتور زيها زى اى عربية مشغلى التكيف لان ماشاء الله الماتور قوى مايغرش انة 1500 بس بيخرج 110 حصان زى ال1600 الحالى ودية ميزة هوندا مواتير جبارة
والتكييف ماشاء الله علية لما تشترى ابقى جربة بنفسك
2:ميكانيكى دية بقى صعبة علية شوية بس عشان تظبط الهوندا صح وديها لحد فاهم فيها
3:الفوانيس الامامية يابانى اصلى ب280 جنية وتقليد ب180 جنية
او اغلى شوية بالنسبة للاتنين والخلفية ب300 جنية
الفلاتر فلتر البنزين اصلى ب200 جنية ,فلتر الهواء ب240 لو عادى لو اسبور ب150 جنية simota
الvti الاصلية بيبقى فيها ايرباج وabs بجانب الحاجات اللى حضرتك ذكرتها

شكرااااااااااااا يا جماعه ربنا يكرمكوا و الله انا كنت متردد جدا بس خلاص هابتدى ادور ان شاء الله
ال vti نفسى فيها جدااا بس المشكله ان سعرها اغلى من ال lxi فا هايبقى صعب بس ان طبعا لو لقيت vti هاجيبها ان شاء الله
تانى مشكورين جدا لمساعدتكم