Air ionizer

**جندى مجند** · 19-01-2008 09:43 PM

حد يا جماعة يعرف محل اكسسوارات بيبيع air ionizer (جهاز لتنقية الهواء داخل السيارة بيعمل على الولاعة و لا يحتاج لأى شحن أو ملء) و سعره كام؟ أنا لقيت واحد صاحبى جايبه من برة و مركبه فى عربيته و بصراحة بيدى احساس ممتاز بنقاء الهواء داخل السيارة بعيداً عن عوادم السيارات و أى روائح كريهة ... الجهاز شكله زى اللى موجود فى اللينك دى:

http://www.amazon.com/IONFEEL-KS92A-...dp/B000FJQU0A/

**Karim_Monir** · 19-01-2008 11:25 PM

العربي عملته يا ابوحميد وكان تمنه حوالي 500 جنية
كانت ماركتة شارب وكانو بيقولو رائع
بس تفتكرة عملي في بلدنا وتلوثها
طب ده انت في عالبحر امال احنا نعمل ايه بنشم عادم اكتر من الاكسجين
غالبا بتلاقي جناح ليهم في المعرض لو عايز تتفرج عليه
سواء في معرض فورميلا الاهرام القادم
او سوق القاهرة الدولي في شهر 3

**Hossam_Hassan** · 20-01-2008 10:02 AM

شوف راديو شاك

**eng_mkhalaf** · 20-01-2008 01:26 PM

فى التوفيقية واحد وكان عامل 80 جنية بس صينى

**tarekkasaby** · 20-01-2008 03:15 PM

لو عايز نمرة شارب 19444 ممكن تكلمهم وتسال على سعره

**Karim_Monir** · 20-01-2008 03:59 PM

هو فعلا كتير عليه قوي
يا عم افتح الشباك ده انت عالبحر عدل شملك شوية يود
امال احنا هنا بنشم حاجات تقلب البطن ومحرمانا نفتح شبابك العربية سواء ريحة ولا صوت
تسلم يا حبي وهو اكتر من 500 تقريبا

**جندى مجند** · 24-01-2008 12:33 AM

لقيت امبارح فى راديو شيك air ionizer سعره 95 جنيه بس بصراحة قلقت منه عشان قريت كلام مش ظريف عن الـ ionizers فى ويكيبيديا:
http://en.wikipedia.org/wiki/Air_ion...ier_criticisms

و خصوصاً الكلام دة:

Even the best ionizers will produce a small amount of ozone, which is highly toxic (see below), and, ironically, can make asthma and other lung conditions worse, causing precisely the opposite of the desired effect when purchasing an air purifier. This can be mitigated to some degree by special devices designed to remove ozone.

فقررت أكتفى بالهواء الطبيعى لو ماشى على الكورنيش و بعادم السيارات فى باقى الشوارع :)

**Karim_Monir** · 24-01-2008 12:42 AM

ها ها
خلى المناعة تشتغل يا احمد باشا جنيدي
بكرة وانا في فورميلا هاشارلك عليه
--------
ندفع فلوس وربو كمان والعياذ بالله
لا ياعم العادم ارحم
لو سقعان افتح الهواية الخارجية وخلي مخرج الهواء ناحية الازاز القداماني اللي هيا اخر حاجة يمين
يبقي بعيد عنك وفي نفس الوقت هواء طبيعي وعمرة ما يعمل شبورة على الازاز من جوة ولا تكثف بخار