مستقبــل أسعــار سيــارات بروتـون فى مصـــر ... عاوزه ازاى ؟؟؟

**Ayman_52** · 13-04-2010 07:09 PM

-:: الســلام عليكـم ورحمـة الله وبركــاتـه ::-

ايــه اخبــار كل البروتونــاويــه ... ان شاء الله كل حاجه تمــام

.
.
.

دلوقتــى بسم الله ماشاء الله ... سيارات بروتــون بقيت الدفعات بتنزل محجوزه من التوكيل ... وماشاء الله يوم بعد يوم الناس بتقتنع بيهــا أكتــر

و -عز العرب- زى اى توكيل لما بيلاقى اقبال على الحاجه بتاعته بيرفع سعرها -وبداها مع الساجــا حاليـا -

.
.
.

فأنا كنت عاوز اعرف راى البروتونــاويه وكل محبى بروتون ... فى الفتره القادمــه

هـل تحـب ؟؟؟

- رفع سعر السياره 1000 : 3000 (مع وجود تخفيض عالسياره)

- ثبات سعرهــا (مع عدم وجود جنيـه واحد تخفيـض)

--------------------------------

يــاريت اعرف راى حضـراتـكم لان هتكلم فيه معاهم قريب ... وتصويتكم وارائكــم مهمه جدا

..
.
..

وانــا أسـف لقلة متابعتى فى الفتره الحاليــه ... ولى عوده قريبــا -ان شاء الله-

تحيــــــــــــــــــــات ـــــــــى

**ahmedfathy77** · 13-04-2010 07:28 PM

السلام عليكم ورحمة الله وبركاته

فينك يا ايمن واحشنى جدا والله ووحشنا مواضيعك .

هو بس انا عندى سؤال انت بتقول ان يا اما يزيد سعرها وينزل بتخفيض خاص او تثبت على سعرها الحالى فهل قصدك سعرها اللى هو 91000 قبل الخصم ولا سعرها بعد الخصم اللى اقل من كده؟

على العموم لو زى ما انا فهمت ان قصدك سعرها 91000 يبقى انا مع تثبيت السعر ده بدون زيادة يخصمها تانى التوكيل.
ليه؟
لان لو زاد سعرها وبقى 92000 الى 94000 وبعد كده يتخصم الفرق هيفضل الفرق ده فى ايد التوكيل شوية هينزله وشوية هيرفعه يعنى التوكيل هيتحكم فيه بشكل كبير انما لو سعرها ثبت على 91000 بدون زيادة ولا تخفيضات يبقى خلاص هو ده سعرها اللى هتثبت عليه لفترة طويلة بدون حركات من التوكيل.

يارب اكون وصلتنى الفكرة صح ووصلت رايى صح للناس

**mosho1985** · 13-04-2010 07:36 PM

وعليكم السلام ورحمة الله وبركاته ازيك ياباشا
اولا : انا عايز اسال حضرتك هو فعلا سعر الساجا زاد فى التوكيل؟
وطب بالنسبه ليا هل حيغلو عليا السعر مع انى كنت حاجز ايام السعر القديم؟
اما بالنسبه للموضوع بتاع حضرتك انا شايف ان من اهم مميزات البروتون هو ان سعرها معقول جدا بالنسبه لامكانيتها فمش من المعقول ان عز العرب يخسر ميزه زى دى عشان 1000 جنيه مثلا لانه ساعتها حيبدا يخش فى مقارنات مع وحوش تانيه بقالها سنين ماسكه السوق ولا ايهههههههههههه

**Nistelrooy** · 13-04-2010 09:38 PM

وعليكم السلام

لاء انا مش مع زيادتها لو زادت عن كدا

يبقي انا ازود احسن حبة صغيريين واجيب حاجة من فئية الفوق 100 الف ؟

وسعرها كدا كويس بالنسبة لخامتها وبعض العيوب الي فيها

**mo7hamedemad** · 13-04-2010 09:40 PM

المشاركة الأصلية كتبت بواسطة mosho1985

وعليكم السلام ورحمة الله وبركاته ازيك ياباشا
اولا : انا عايز اسال حضرتك هو فعلا سعر الساجا زاد فى التوكيل؟
وطب بالنسبه ليا هل حيغلو عليا السعر مع انى كنت حاجز ايام السعر القديم؟
اما بالنسبه للموضوع بتاع حضرتك انا شايف ان من اهم مميزات البروتون هو ان سعرها معقول جدا بالنسبه لامكانيتها فمش من المعقول ان عز العرب يخسر ميزه زى دى عشان 1000 جنيه مثلا لانه ساعتها حيبدا يخش فى مقارنات مع وحوش تانيه بقالها سنين ماسكه السوق ولا ايهههههههههههه

انا هرد بالنيابة عن ايمووووون حبييييبى فى النقطة دى
لو انت حاجز ع السعر القديم مبيغلاش عليك انما بيغلى على لسة هيحجز (انا سالت فى المعلومة دى فى فرع مدينة نصر وكان هذا الرد)
اتمنى اكون افدت حضرتك والف مبوك مقدما على سوسو انا عندى على فكرة اسود مانويل والحمد لله بعد ما جبتها ب 5 ايام سمعت الخبر دة

**mo7hamedemad** · 13-04-2010 09:45 PM

حبببببببببببييييييييييييي ب قلبى
وحشششششششتناااااااااااااا ا
انا شايف ان لما ازودها الف وادى تخفيض ميزدش عن الف يبقى ثباتها احسن عشان الناس الى متعرفش التخفيض
انما لو هزود مثلا الف وادى تخفيض الف ونص مثلا يبقى زيادتها كويس
بس انا شايف ان سبب من اسباب الى عرفتنى ع العربية هوة سعرها يبقى متزودتش وافضل ع سعرك والى عايز تخفيض يبقى يشترى من اى معرض

**Abo.Mayyam** · 14-04-2010 01:19 AM

أنا رأيى بقى يا أيمووون لاده ولاده

خليها زى ماهيا + الخصم وبلاش إستغلال بقى

**powerofhelll** · 14-04-2010 02:41 PM

الفتره دي اغلب الناس بتعمل تخفيض زي الفرنا و الالنترا و يزود السعر مش منطقي احسن حاجه يثبت السعر

**asas223** · 14-04-2010 03:08 PM

اولا الطبيعى والمفروض ان العربيات سعرها ينزل عندنا خصوصا مع بدأ تنفيذ اتفاقية الجات اللى ابتدت السنة دى وتبعها تخفيض اسعار الكثير من العربيات بنسب متفاوتة زى الصنى والالنترا والأوبترا مع انهم مش عربيات اوروبية بس كل دة سعره نزل اول السنة واما كنت بكلم الناس فى العجوزة واسألهم على سعر العربية كانوا بيقلولى 85 (مانيوال فول اوبشن) واما اقولهم اشمعنى انتوا اللى مخفضتوش يقوللولى حضرتك بس تعالى واحنا حنقوم بالواجب .. والواجب دة وصل ل 2500 جنية بالتليفون من غير ما اروح حتى .. انما تييجوا تقوللولى ان سعرها يزيد علشان عليها ضغط .. فاصلا استاذ عز العرب دة بيبعت يجيب العربيات بالعدد مش زى بقيت التوكيلات فالحكاية مش حكاية ضغط دى حكاية سياسة تسويقية فاشلة تقولك يا عم انا استنى ييجى يحجز عندى 50 واحد واما الكشف يخلص يروحوا يطلبوهم .. وانا متفق تماما مع الأستاذ اللى قال لو بروتون غليت وبقت مثلا بسعر السيراتو او الالانترا فابقوا قابلونى لو كان فى حد حيفكر فيها اصلا

**M.Osman** · 14-04-2010 03:36 PM

انا شايف ان اسعار سيارات بروتون كدا ممتازة جداً ... و يمكن لو زادت و لو حاجة بسيطة تفقد ميزتها التنافسية في السعر المنافس...
و ساعتها العميل هيدور على منافس تاني في الفئة دي .. سواء كوري او ياباني

مشاهدة نتائج الإستطلاع: مستقبــل أسعــار سيــارات بروتـون فى مصـــر ... عاوزه ازاى ؟؟؟

الموضوع: مستقبــل أسعــار سيــارات بروتـون فى مصـــر ... عاوزه ازاى ؟؟؟

LinkBack

أدوات الموضوع

عرض

مستقبــل أسعــار سيــارات بروتـون فى مصـــر ... عاوزه ازاى ؟؟؟ - انشر الموضوع فى :

-

-

-

-

المواضيع المتشابهه

صــور سيــارات سلطان الطرب الفنان جـورج وسوف

باقـى -4 أيــام- على نهـايه عرض تخفيـض سيــارات بروتـون

تجميــع لكــل بروشورز سيــارات بروتون -Proton Brochures-

صور من مصـــر

الكلمات الدلالية لهذا الموضوع

المفضلات

المفضلات

ضوابط المشاركة