هل هذا عيب شائع فى الاكسنت 1300 مو 2006
الساده اعضاء المنتدى
تحيه طيبه منى لكم على هذا المنتدى الرائع .....
اما بعد فانا عندى عربيه هيونداى اكسنت 1300 مو 2006 الشكل القديم عمله 17000 ولسه من حوالى اسبوعين كده ابتديت اشم رائحة بنزين فى الملفات او لما اكون ماشى على سرعه عليا مثلا 80 و افرمل مش مره واحده طبعا لا علشان افادى حفره مثلا اشم برده هذه الرائحه و الغريبه ان رائحة البنزين هذه لا تظهر فى لصباح الباكر وانا رايح الشغل الساعه 6:30 انما تظهر وانا راجع الساعه الخامسه فى الاول افتكرت انى فى حاجه مسربه من دورة البنزين او طلمبة البنزين زى ما قرات من مشكلة الطلمبه فى منتدكم الموقر و بسرعه رحت على الميكانيكى بتاعى و قال لى ما فيش اى مشاكل فى دورة البنزين و قال لى ان ممكن يكون غطاء تنك البنزين يكون الجلده اللى فيه ضعفت و بتسرب رائحه البنزين رحت اشتريت غطاء تنك من واحد فى الحى السابع فى مدينة نصر و احتفظت بالاصلى فى البيت لكن مع الشمس و الحر الغطاء برده ضعف تقريبا رحت عملتله جوان علشان يبقى سمكه كويس برده بتظهر الريحه شويه و لما ملاء التنك على الاخر رجعت تانى الريحه الغريبه انى انا مكنتش بشم حاجه اول ماجبت العربيه و رغم انى كنت شايف ان غطاء التنك من الاول مصمم بطريقه خاطئه و شكله ضعيف
فرجاء ساعدونى برايكم لانى مش عاوز اروح لحد يفتيلى فى دورة البنزين او اروح لمستر غبور من السعه الثامنه صباحا و امشى الساعه الخامسه و يقول لى انه مفيش حاجه
فهل هذا عيب شائع فى الهيونداى الاكسنت ام ماذا و شكرا لكم
ورجاء يكون حد عنده عنواين ناس بتوع قطع غيار هيونداى كويسين و عندهم ذمه فى مدينة نصر و مصر الجديده
اهلا بك مع الاكسنت البطيخه
لا تقلق من كلمه(هل هذا عيب شائع فى الهيونداى الاكسنت ) لأن الاكسنت تجميع عمو غبور عمله ذي البطيخه لأما تطلع ارعه لأمه تمشي و السلام....(مع العلم انها كله ارعه) :lol:
انا معايا اكسنت ذي بتاعتك و ماقولكش علي كميه البلاوه اللي فيها.......بس في الاخر ريحت ديماغي لأنها هي مولوده كده قصدي متجمعه كده....عيب خلقي يووووه قصدي عيب مش هايتصلح من الاخراوصعب يتصلح ....بس في علم حضرتك ان كل محصول البطيخ مش كله ذي بعضه ...كل بطيخه عندها اللي ميكفيها ...يعني ممكن تلاقي بطيخه ارعه و ممكن تيكون بي نص لبه و ممكن تلاقيها بدل اللب اللي جوه في سوداني....فيه انواع كيتير
من الاخر 99%من الاكسنت المتجمعه عند عمو غبور معوقين ...فا متزعلش علي نصيبك