-
مساعدة في شراء 206
السلام عليكم
نويت اشتري 206 مو 2000 اوتوماتيك - 1400
هو عارضها علي 40 الف بس لسه هاروح اكشف عليها ان شاء الله
هو صراحة السعر مقلقني -- هو بيقول التكييف محتاج شحن
انا هاجيبها لمراتي تبدأ تمشي بيها
كنت عايز اعرف ايه الحاجات اللي ابص عليها واخللي بالي منها وانا رايح اتفرج علي العربية
هل فعلاً الاوتوماتيك بتاعها وحش
-
يا ترى ايه الاخبار ؟
اشتريتها ولا لا ؟
انا معايا 206 موديل 2004 اوتوماتيك 1400 برضه
هي كأول عربية ولواحدة تبقى ممتازة جدا وعملية وسهلة السواقة وثابتة ودي ميزة كويسة جدا للستات بالذات في الاول :d
اهم حاجة تكشف على الجير وتجرب تسوقها
لان لو فيه اي مشكلة في الجير او النقلات هتبان من اول مرة سواقة بشكل واضح جداااا ..
انا بصراحة اكتر حاجة قرفاني فيها هو موضوع النقلات ده
وال ار بي ام طبعا بيطلع لحد 4 وساعات 5 كمان
بس عموما المكيف كويس جدا جداااا
الثبات رائع
مجرد ما بتعدي ال 50 او ال 60 كده بتطييير وتمشي لوحدها
صاج حديد وماسكة نفسها جدا
هو بس موضوع الجير الاتوماتيك في تأخير النقلات ده مزعج جدا والشكوى دي سمعتها من واحدة صاحبتي برضه جابتها بعدي باسبوع
وعلى فكرة ان مش جايباها في مصر لربما يكون فيه اختلاف ..
وربنا يوفقك ان شاء الله
-
Content Relevant URLs by
vBSEO 3.6.0 PL2