افيدونى افادكم الله

**Ayman-Ahmed** · 13-04-2010 09:43 PM

كنت عاوز مساعدة الاخوة الاعضاء مع مشاكل فيوزات فى عربية نيو اكسنت 2010:

-مركب وحدة رفع زجاج و الكهربائى مركبها جوة الباب اليمين ؟

امبارح كانت تالت مرة (الكاسيت-الادوميتر-الساعة-الانذار-السنتر-موشر البنزين) يفصلوا

الكهربائى غيرلى فيوز احمر وكله تمام(اول مرة) و ده كان عشم نوار(شارع دمشق و اشتغالة كبيرررررررة-بلاش منه خالص)

(تانى مرة)
غيرت نفس الفيوز و كله تمام

(تالت مرة)
كهربائى تانى قاللى العربية فيها قفلة(وهو بيشيك على الفيوزات حاجة شرزت زى صوت قفلة)ايه الحل؟ قاللى نغير الفيوز,جبتله فيوز بمبى و ركبنا و كله تمام.

هو رايه ان فى سلك مكشوف فى وحدة الرفع او عزله مش كويس؟ولازم نشيك عليها؟

طب لو كدة ليه كل مدة من شهر لشهر و نص حصل كدة.ليه مش على فترات اقل لو فعلا فى قفلة؟

ايه رايكوا اروح للركبلى وحدة الرفع؟ ولا اخلى اي كهربائى يشيكلى عليها؟

ولا استنى لما اروح التوكيل يشيكولى على الكهربا؟

علبة باكيت الفيوزات اشتريها منين من عند واحد محترم اخليها معايا للاحتياط؟ و هل بتيجى العلبة بكذا فيوز مختلف والعلب دى بانواع العربيات ولا كله ثابت؟

الف شكر مقدما لاي مساعدة

**بحري** · 14-04-2010 01:22 AM

الفيوزات لها أرقام مقاومة والمسألة مش ألوان
مش عارف حيكون إيه الموقف في التوكيل بسبب هذه التعديلات
الأفضل تروح لكهربائي بيفهم وهي غالبا قفله وده اللي بيخليها تضرب الفيوزات

**Ayman-Ahmed** · 19-04-2010 11:42 AM

المشاركة الأصلية كتبت بواسطة بحري

الفيوزات لها أرقام مقاومة والمسألة مش ألوان
مش عارف حيكون إيه الموقف في التوكيل بسبب هذه التعديلات
الأفضل تروح لكهربائي بيفهم وهي غالبا قفله وده اللي بيخليها تضرب الفيوزات

تمام يا استاذ بحرى انا كنت بقصد بالالوان ديه مقاومة 50 و 30 و هادور و اسال على كهربائى محترم و لو عندك ترشيح اكون شاكر ليك جدا و التوكيل عرف اننى مركب الوحدة وانا بعمل صيانة ال5000

**mada_76** · 19-04-2010 12:03 PM

السلام عليكم
انا رأيي انك ترجع تاني لنوار عشم .. ليه؟
اولا ان نوار عشم هو اللى مركب اجهزة الانذار في كل العربيات الهيونداي اللى موجودة في مصر . واكيد هو صادف عيوب زي دي كتير وعنده خبرة فيها .
ثانيا لان هو اللى مركبلك وحدة الرفع واكيد هايبقى عارف العيب فين لو في سلك عريان .
ثالثا جايز وانت بتغسل العربية في مياه جت على السلوك من ناحية القايم من جوه وده بيخلي الكهرباء تفصل لغاية لما المياه تنشف .

انا مركب عنده برده وحدة رفع وحصل معايا مرة واحدة بس لما غسلت العربية بتاع البنزينة بيييجي بالمسدس بتاع المياه ويقوم راشش القوايم من جوه وساعتها العربية مكانتش عايزة تدور وكان واضح انها قاطعه كهرباء سبتها لمدة ساعه والحمد لله دارت وماصدفتش مشكلة تاني مع وحدة الرفع .