مشكله (بسيطه ) فى لوجان2010 فول اوبشن ارجو الرد

السلام عليكم

ظهر عندى من 2 يوم مشكله فى السياره لمبه الاضاءه الخاصه بغلق الابواب لا تنطفى ابداااا

رغم التأكد من غلق جميع الابواب

وغير كده لما افتح العربيه بالمفتاح ( الاشاره ) العربيه مش بتدى الانوار الى كانت بتديه الاول عند الغلق او الفتح

صحيح بتتم عملهي غلق المسوجر للابواب لكن لمبات العربيه مش بتنور

هل فيه مشكله تستاهل انى اروح مركز الصيانه الى لسه جى من عنده من حوالى شهر صيانه 5000

ولا اى كهربائى ممكن يحل الموضوع ده انا من محافظه كفر الشيخ صعب اروح اسكندريه

انا ماعنديش خبره فى السيارات وانا بصيت على فيوزات العربيه بس ما عملتش اى حاجه ارجو نصيحه

اقتباس:

---

المشاركة الأصلية كتبت بواسطة shezo_egyption

السلام عليكم

ظهر عندى من 2 يوم مشكله فى السياره لمبه الاضاءه الخاصه بغلق الابواب لا تنطفى ابداااا

رغم التأكد من غلق جميع الابواب

وغير كده لما افتح العربيه بالمفتاح ( الاشاره ) العربيه مش بتدى الانوار الى كانت بتديه الاول عند الغلق او الفتح

صحيح بتتم عملهي غلق المسوجر للابواب لكن لمبات العربيه مش بتنور

هل فيه مشكله تستاهل انى اروح مركز الصيانه الى لسه جى من عنده من حوالى شهر صيانه 5000

ولا اى كهربائى ممكن يحل الموضوع ده انا من محافظه كفر الشيخ صعب اروح اسكندريه

انا ماعنديش خبره فى السيارات وانا بصيت على فيوزات العربيه بس ما عملتش اى حاجه ارجو نصيحه

---

لمبة الصالون تلات اختيارات واحدة تقفلها خالص و التلنية تفضل مشغلاها على طول و اللى فى النص بتبقى بتنور بس لما الباب يبقى مفتوح و تقفل لما يتقفل

اما الاشارات معرفش الصراحة

كدة في مشكلة
الأعراض ده كلها بتقول في مشكلة
الأشارات لما مابتنورش يبقي معناها ان في باب مفتوح وان اللمبة منورة ( أكيد مش قصدك بتاعة الصالون )
في مشكلة في السنتر بسيطة جدا هتروح التوكيل مش هياخدوا منك مليم
وممكن تروح لأي كهربائي هيعملهالك علي طول
بسيطة ان شاء الله

لا مش اقصد لمبه الصالون اقصد اللمبه الموجوده فى شاشه البنزين والعدادات الى شكلها عربيه مفتوحه الابواب

يعنى اوديها لكهرابائى خارج التوكيل مافيش مشكله لانى زى ماقولت عشان اروح التوكيل حروح اسكندريه وانا من كفر الشيخ

اقتباس:

---

المشاركة الأصلية كتبت بواسطة shezo_egyption

لا مش اقصد لمبه الصالون اقصد اللمبه الموجوده فى شاشه البنزين والعدادات الى شكلها عربيه مفتوحه الابواب

يعنى اوديها لكهرابائى خارج التوكيل مافيش مشكله لانى زى ماقولت عشان اروح التوكيل حروح اسكندريه وانا من كفر الشيخ

---

طلعت اوت منى دى معلش افتكرت لمبة الصالون
نصيحة لو انت متاكد ان كل البيبان مقفولة اصبر لغاية صيانة الخمسة
و ماتخليش صنايعى يلعب فى عربية زيرة و خصوصا رينو عشان وش هايقعد يجرب لغاية مايعرف المشكلة فين و ممكن يبوظ حاجة تانية(تجربة شخصية مع الاسبرانزا)لازم التوكيل فى اى عربية زيرو

اه مانا كنت اقصد اللمبه ده عشان كدة قلتلك ( اكيد مش قصدك لمبة الصالون )
اه ممكن توديها لأي كهربائي
بس بلاش الناس اللي بتفتي منهم خليك في واحد كويس عشان ممكن واحد يلعب في الضفيرة ويعمل ناصح ويخرجك من الضمان
احتمال العيب في الفيوسات
ادي شكل العلبة واللي متعلم بالأحمر هو اللي هيبقي فيه العيب
http://img708.imageshack.us/img708/5443/capture1lw.png
وده مكانه في العربية
http://img683.imageshack.us/img683/6463/captureve.png
ده غير اللي في الكبوت بس مش عارف اجيبلك صورة ليه

بص يا باشا اللينك ده فيه وحش من وحوش اللوجان كان عنده نفس المشكلة و حلها بطريقة كويسه فياريت تنفع معاك و تدعي لي . بس بعد ما تحلها ياريت تقول علشان بقية الوحوش يستفيدوا .
http://www.nilemotors.net/Nile/135098-a.html

الف شكر على الصوره وده فعلا الى عملته بس شلت الفيوز ونفس المشكله الغريب ان الى وقف عن العمل هو ان اشاره المفتاح ماعدتش بتقفل المسوجر خالص بتدى تكه لكن على الفاضى
لكن فضل اللمبه شغاله ان فيه باب مفتوح ولما ركب فيوز احتياطى نفس المشكله مسوجر بيقفل لكن لمب الاشارات مش بتشتغل + لمبه الابواب غير مغلقه

انتم خوفتونى من موضوع الخروج من الضمان دى
اشكركم على المحاوله
وادينى حسئل بره ان كان الموضوع بسيط يعملهه ماكنش يبقى باين لابديل عن مشوووووووووووووووووار الضمان
وبعدين ان روحت ضمان ال5000 كيلو من شهر فات

بكرر شكرى

ممكن السنسور بتاع أحد الابواب و غالبا باب السواق يكون بايظ

يا باشا ممكن يكوون شوية تراب عند القفل بتاع البيبان و بالتالي لما تقفل الدايرة بتاعة البيبان (الكهرباء) اللي بتدي العلامة بتبقى مش مقفولة علشان كدة بيدي بيان في التابلوه و موضوع الاشارات فده بيبقى امان علشان صاحب العربية يعرف ان فيه باب مش مقفول لما ينزل فبالتالي لما تبقى لمبة بيان الابواب منورة الاشارت مش هتنور و بما ان حضرتك بتقول ان كل البيبان مقفولة يعني مفيش مشكلة في السنتر بتاع البيبان و ان شاء الله ممكن تكون بس شوية تراب و خلاص

بس سؤال حضرتك اتأكدت ان الشنطة مقفولة كويس لأن كلوا على سنتر واحد و اللمبة دي يتنور حتى لو الشنطة مفتوحة

اقتباس:

---

بص يا باشا اللينك ده فيه وحش من وحوش اللوجان كان عنده نفس المشكلة و حلها بطريقة كويسه فياريت تنفع معاك و تدعي لي . بس بعد ما تحلها ياريت تقول علشان بقية الوحوش يستفيدوا .
http://www.nilemotors.net/Nile/135098-a.html (مشكلة بسيطة عندى فى اللوجان - حد ممكن يفيدنى)

---

انا لسة فاكر الموضوع ده حالا وداخل عشان اجيبهوله
اعتقد ان هو ده العيب اللي عندك
جرب الموضوع ده
وادي الرد علي السؤال من العضو
hamadamdph

اقتباس:

---

موجودة عندي من اول ما استلمت العربية

عملت صيانة ال 5 وال 10 وبرضه مش عارفين يضبطوها اوي

بس حليتها يا باشا

الفكرة في البتاعة السودا اللي عاملة زي زرار التلاجة اللي الباب بيدوس عليها وهو بيتقفل

في الباب فيه حتة مدورة صاج هي اللي بتقفل عليها

روحت لواحد عجلاتي اشتريت الكاوتشه المدورة اللي بيلحموا بيها العجل
تركب 3 على بعض بسليكون
وتلزقها على الباب بسليكون برضه وانسى
حيكلفوك 50 قرش

---

الف الف شكر ودعاء ليك ولكل الى شارك بالموضوع خالص لوجه الله اكرمكم الله وابعد عنكم زله الدنيا وشرورها

انا نزلت فعلا لقيت شىء زى المسمار بمسكه لقيته فعلا سايب ربطه بايدى جربت العربيه كله رجع تمام وانتهت المشكله الحمد لله وشكر للجميع
وتأكدت من الابواب التانيه لقيتها فعلا مربوطه كويس الا باب السواق فعلا من كتر الاستخدام كان المسمار مفكوك

الف شكرا

الحمد لله ان كله تمام
ولا شكر علي واجب
كل الاعضاء هنا مهمتهم مساعدة الاخرين
والف مبروك

الحمد لله انها حاجة بسيطة . و ربنا ييسر لك الأمور و تتمتع بعربيتك بدون مشاكل . آمين .

و انا كمان حصل معايا كدة هى الكاوتشة السوداء دى

وأنا برده عندى المشكلة دى
بس ناوى أزود كاوتشه سواداء زى الأخ الفاضل ماشرح

حد لقى جوة الكاوتشة قطن لما وقعت ؟