الموضوع: تويوتا كورولا _عيون_ ... (أراء وتقييمات +صيانات+أسعار قطع غيار )

انا عندى علبة المفاتيح بتاعة الازاز الكهربا مكسورة ومش عارف الاقيها فين ممكن حد يفيدنى ؟؟؟

انا عندي كورولا عيون اوتوماتيك
العربيه ممتااااااااااااااااااازة وقطع غيارها معقوله وموجوده عند البقال
ومتينه جدااااااااااااااااااااااا اااااا
وعاليه على الارض
وموتورها ممتاز وتكييفها تلاجه
ومالهاش اعطال اطلاقا
وكل الميكانيكيه بيفهمو فيها كويس اوي لانها بسيطه جدا ومش معقده
اتكل على الله بس هات واحده نضيفه

عايز اعرف اجيب الهواية البلاستيك السمراء الى على القايم الوراء يمين لتويوتا موديل 1999 من اين لانى دايخ عليها و مش لقيها

المشاركة الأصلية كتبت بواسطة Ahmed Galal

انا معايا اللى قبلها العربيتين نسخة طبق الاصل فى الميكانيكا و العفشة يعنى مواتير و فتايس و عفشة بالظبط العيون اضيق من اللى قبلها من جوة شوية و الشنطة كمان لكن نفس الاعتمادية و المواتير بنسبة كبيرة 1300 كربراتير و فيه 1600 حقن و العربية ممتازة و سعرها من 45 ل 50 حسب الحالة بس هيا مظلومة عشان شكل الوش بتاعها و قطع الغيار موجودة استيراد و اصلى و تقليد على كل شكل و لون و كل الاسعار يعنى هاتلاقى اللى يناسبك و بتمشى 80 بس بلاش
و اى استفسار انا فى الخدمة

استاذ احمد جلال
تحياتى لكم
اسعدتنى بردودك التى تعبر عن فهمك للكورولا بشكل جيد
وانا كنت متابع المنتدى من زمان لكن بدون تسجيل
لانى كنت اقرأ فيه مايعنينى بدون تسجيل
وكنت امتلك سيارة اكسيل وبعتها
والان امامى سيارة كورولا 1997 1600cc
وهى حقن الكترونى (انجكشن) وبحالة ممتازة
وقد عزمت وتوكلت على الله فى شرائها
خاصاً ان السيارة دواخل فابريقة وعاملة 142000 كيلو متر
وكمان السيارة اتوماتيك
وهى استعمال سيدة - من الاخر انا شايف السيارة لقطة
عايز رأى حضراتكم للاطمئنان لانها طالبة فيها 55 الف جنيه
وما هى اهم مميزت وعيوب السيارة
مع خالص تقديرى للجميع

المشاركة الأصلية كتبت بواسطة Ahmed Galal

اسف بشدة على التاخر فى الرد لان النت قاطع بقاله 3 شهور عندى و بادخل على النت بصعوبة بالنسبة للعربية ديه هاتكون طبعا ممتازة جدا على المواصفات اللى حضرتك ذكرتها و توكل على الله بس افحصها كويس جدا و يستحسن ما تكونش معوقين عشان موضوع تحويلها من اليمين للشمال هما بيعملوها كويس هنا فى شركة فوجى بمدينة نصر بس بتبقا العربية رشة حوض و ملعوب فيها فلو العربية ديه معوقين بلاش لكن لو فابريكة و شمال اصلى يبقا توكل على الله المميزات للعربية ديه مالهاش عد و لا حصر انا بس كنت شايف عيبها فى ضعف موتورها ال 1300 شوية لكن ده بتعوضه بالموتور ال 1600 الاقوى و اللى بيعدى ال 100 حصان و ده ما ينتقصش من محركها ال 1300 بس عشان تاخد منه اللى انت عايزه لازم تحرق عليه و هوا محترم و بيستحمل بس ال 1600 هايريح فيه عزم و قوة اكتر و العربية مش متعبة ابدا فى اى حاجة ما شاء الله عليها سواء بقا عفشة او كهربا او موتور او حتى اى حاجة فى الصالون و الدواخل كلها ممتازة و حاجتها موجودة فى الحرفيين و فى شارع دمشق و بالهبل بس اللى يدور و يجيب سعر كويس يعنى بالنسبة للاستاذ اللى بيسال على الزراير الكهربا و لا فبرة القايم كله فى الحرفيين و اشهر واحد بيبيع حاجتها هو محل اسمه بيت التويوتا هناك و ميزة العربية ديه انها من اخر 1992 لحد سنة 2000 مرورا بالعيون و بعدها الرموش كلهم بياخدوا العفشة كاملة و الفرامل و المحركات من بعد كل اللى اختلف فيهم الهيكل و الصالون يعنى معاك حوالى 8 سنين من عمر العربية و 3 موديلات تاخد منهم القطع اللى انت عايزها سواء جديد او استيراد يعنى حتى لو غلبت فى حاجة و ما لقيتهاش هاتلاقيها فى التوكيل عند تويوتا مصر انشا الله يطلبوهالك يعنى ان شاء الله مش هاتغلب على حاجة فعلا اللى سماها الملكة ما غلطش ابداااااااااااااااااا و ده تليفونى لو اى حد عايز يتواصل معايا 01222669256 و اسف على الاطالة

استاذ احمد


انت موسوعة بجد والله
انت عرفت منين انها ممكن تكون معاقين
هى بالفعل معاقين

وانا اول مرة اعرف انها بتتقلب من اليمين للشمال
لانى فعلا انا شفت ليها صور كانت من اليمين
وكنت مستغرب وقلت يمكن الكاميرا مقلوبة
هايل استاذنا الكبير احمد جلال
ارفع لك القبعة احتراماً
وبكدة هابعد عنها لرؤيتك الصائبة لها
وشكرا لكم على رقم تيلفونك
وتأكد انى عند الحاجة ساتصل بكم
تحياتى لشخصكم الكريم

سوال انا امتلك تويوتا نفس الموديل واستهلاك البنزين 250 فى الصفيحه وللعلم انا بحط بنزين 92 وروحت لاكتر من توكيل تويوتا ومعرفوس يظبطوها لو تعروفوا افضل مكان اظبطها فين ياريت حد يقولى