حدود السعر كام
قطع الغيار وياريت لو حد يعرف اسعارقطع الغيار يقول امثله ضرورى وهل متوفره ولا لا
نوع البنزين وهل هيا اقتصاديه ولا لا وكام سى سى
لانها عجبانى وعاوز اشتريها
حدود السعر كام
قطع الغيار وياريت لو حد يعرف اسعارقطع الغيار يقول امثله ضرورى وهل متوفره ولا لا
نوع البنزين وهل هيا اقتصاديه ولا لا وكام سى سى
لانها عجبانى وعاوز اشتريها
هي عربيه ممتازه ومديلاتها من 97 حتي 99 وبعد كدا 2000 ده الرموش منها
بالنسبه لقطع الغيار موجود منها جديد واستيراد واسعارها معقوله
الثبات بتاعها معقول
بالنسبه للبنزين ممكن يتحطلها 80 بس بعد ظبط الكهربا
الموتور المتوفر غالبا 1300 سي سي كاربوراتير
هو نفس الموتور اللي بنزل في التويوتا في الموديلات اللي قبلها
العربيه محترمه جدا وباعتبرها من العربيات المظلومه
شاكر جدا لحضرتك
بس هو مفيش ردود كتير ليه هيا مش منتشره اوى برده زى ماسمعت وهل هيا احسن ولا الموديل اللى قبلها
وياريت لو اعرف سعرها فى حدود كام هى والموديل اللى قبلها وايهما افضل:Zb_sor1[1]:
انا معايا اللى قبلها العربيتين نسخة طبق الاصل فى الميكانيكا و العفشة يعنى مواتير و فتايس و عفشة بالظبط العيون اضيق من اللى قبلها من جوة شوية و الشنطة كمان لكن نفس الاعتمادية و المواتير بنسبة كبيرة 1300 كربراتير و فيه 1600 حقن و العربية ممتازة و سعرها من 45 ل 50 حسب الحالة بس هيا مظلومة عشان شكل الوش بتاعها و قطع الغيار موجودة استيراد و اصلى و تقليد على كل شكل و لون و كل الاسعار يعنى هاتلاقى اللى يناسبك و بتمشى 80 بس بلاش
و اى استفسار انا فى الخدمة
متشكر جداAhmed Galal
بس بلاش 80 ليه وخصوصا ان البنزين هيغلى تانى خلال الشهور التلاته اللى جايه
وهيا بتعمل كام فى الصفيحة لكل 20لتر
وياريت بعض من اسعار قطع الغيار سواء ليها او النوع اللى قبلها لانى ناوى اجيب واحده منهم
بتعمل 350 كيلو في الصفيحه على الطرق السريعه وكنت بحطلها بنزين 80 عادي وكانت ماشيه كويس
العربية اللى معايا كربراتير بتعمل حوالى 300 كيلو فى الصفيحة على السريع و محملة و بالتكييف و جوا البلد هايقل شوية لو جبت منها انجيكشين هايبقا احسن و احسن و انت جيت على الجرح بموضوع البنزين ده و ربنا يستر اما قطع الغيار بتاعت الصيانات معقولة جدا و هاديك اسعار الاصلى على ما افتكر
فلتر زيت 50 جنيه
فلتر بنزين 40
فلتر هوا 80
بوجيهات 40
سير كاتينة حوالى 250 تقريبا
مساعدين اصلى امامى او خلفى 1300
تيل اصلى امامى حوالى 260 و خلفى اقل شوية
اسطوانة و دسك 750
يعنى دول حبة من اللى افتكرته و كله اصلى و طبعا التقليد اقل من كده بكتيير
هى فعلا الموديل اللى قبلها قريبة قوى من العيون والعيون قطع غيارها سعرها معقول ومتوفرة وفيها الاصلى اغلى حاجة وبعديه اليابانى وبعديه الكورى او التايوانى او الماليزى او اى حتة فى اسيا مثلا تيل الفرامل الامامى حوالى 60 جنيه اليابانى وبحوالى 40 جنيه الكورى وصباع الحرارة 60 جنيه يابانى وفلتر الزيت 25 جنيه يابانى و 12 جنيه مصرى و السيور برضه سعرها كويس بس والله مش فاكر منها حاجة ام قطع الغيار الكبيرة زى المساعدين وعلبة الدركسيون ....فمعرفش تمنها كام عشان الحمد لله مغيرتهاش
ممكن اغرف سعر الكبالن كام و طلمبة الزيت.....؟؟؟