تويوتا كورولا _عيون_ ... (أراء وتقييمات +صيانات+أسعار قطع غيار )

**seadaelbeda** · 13-04-2010 11:32 PM

حدود السعر كام
قطع الغيار وياريت لو حد يعرف اسعارقطع الغيار يقول امثله ضرورى وهل متوفره ولا لا
نوع البنزين وهل هيا اقتصاديه ولا لا وكام سى سى
لانها عجبانى وعاوز اشتريها

**mr_sameh** · 14-04-2010 01:00 AM

المشاركة الأصلية كتبت بواسطة seadaelbeda

حدود السعر كام
قطع الغيار وياريت لو حد يعرف اسعارقطع الغيار يقول امثله ضرورى وهل متوفره ولا لا
نوع البنزين وهل هيا اقتصاديه ولا لا وكام سى سى
لانها عجبانى وعاوز اشتريها

هي عربيه ممتازه ومديلاتها من 97 حتي 99 وبعد كدا 2000 ده الرموش منها
بالنسبه لقطع الغيار موجود منها جديد واستيراد واسعارها معقوله
الثبات بتاعها معقول
بالنسبه للبنزين ممكن يتحطلها 80 بس بعد ظبط الكهربا
الموتور المتوفر غالبا 1300 سي سي كاربوراتير
هو نفس الموتور اللي بنزل في التويوتا في الموديلات اللي قبلها
العربيه محترمه جدا وباعتبرها من العربيات المظلومه

**seadaelbeda** · 15-04-2010 01:53 AM

شاكر جدا لحضرتك
بس هو مفيش ردود كتير ليه هيا مش منتشره اوى برده زى ماسمعت وهل هيا احسن ولا الموديل اللى قبلها
وياريت لو اعرف سعرها فى حدود كام هى والموديل اللى قبلها وايهما افضل

**Ahmed Galal** · 15-04-2010 02:24 AM

انا معايا اللى قبلها العربيتين نسخة طبق الاصل فى الميكانيكا و العفشة يعنى مواتير و فتايس و عفشة بالظبط العيون اضيق من اللى قبلها من جوة شوية و الشنطة كمان لكن نفس الاعتمادية و المواتير بنسبة كبيرة 1300 كربراتير و فيه 1600 حقن و العربية ممتازة و سعرها من 45 ل 50 حسب الحالة بس هيا مظلومة عشان شكل الوش بتاعها و قطع الغيار موجودة استيراد و اصلى و تقليد على كل شكل و لون و كل الاسعار يعنى هاتلاقى اللى يناسبك و بتمشى 80 بس بلاش
و اى استفسار انا فى الخدمة

**seadaelbeda** · 15-04-2010 08:41 PM

متشكر جداAhmed Galal
بس بلاش 80 ليه وخصوصا ان البنزين هيغلى تانى خلال الشهور التلاته اللى جايه
وهيا بتعمل كام فى الصفيحة لكل 20لتر
وياريت بعض من اسعار قطع الغيار سواء ليها او النوع اللى قبلها لانى ناوى اجيب واحده منهم

**hemahom** · 15-04-2010 09:41 PM

بتعمل 350 كيلو في الصفيحه على الطرق السريعه وكنت بحطلها بنزين 80 عادي وكانت ماشيه كويس

**Ahmed Galal** · 16-04-2010 01:02 AM

العربية اللى معايا كربراتير بتعمل حوالى 300 كيلو فى الصفيحة على السريع و محملة و بالتكييف و جوا البلد هايقل شوية لو جبت منها انجيكشين هايبقا احسن و احسن و انت جيت على الجرح بموضوع البنزين ده و ربنا يستر اما قطع الغيار بتاعت الصيانات معقولة جدا و هاديك اسعار الاصلى على ما افتكر
فلتر زيت 50 جنيه
فلتر بنزين 40
فلتر هوا 80
بوجيهات 40
سير كاتينة حوالى 250 تقريبا
مساعدين اصلى امامى او خلفى 1300
تيل اصلى امامى حوالى 260 و خلفى اقل شوية
اسطوانة و دسك 750
يعنى دول حبة من اللى افتكرته و كله اصلى و طبعا التقليد اقل من كده بكتيير

**Omar.Shawki** · 16-04-2010 01:17 AM

هى فعلا الموديل اللى قبلها قريبة قوى من العيون والعيون قطع غيارها سعرها معقول ومتوفرة وفيها الاصلى اغلى حاجة وبعديه اليابانى وبعديه الكورى او التايوانى او الماليزى او اى حتة فى اسيا مثلا تيل الفرامل الامامى حوالى 60 جنيه اليابانى وبحوالى 40 جنيه الكورى وصباع الحرارة 60 جنيه يابانى وفلتر الزيت 25 جنيه يابانى و 12 جنيه مصرى و السيور برضه سعرها كويس بس والله مش فاكر منها حاجة ام قطع الغيار الكبيرة زى المساعدين وعلبة الدركسيون ....فمعرفش تمنها كام عشان الحمد لله مغيرتهاش

**seadaelbeda** · 16-04-2010 01:48 AM

المشاركة الأصلية كتبت بواسطة hemahom

بتعمل 350 كيلو في الصفيحه على الطرق السريعه وكنت بحطلها بنزين 80 عادي وكانت ماشيه كويس

طيب والنوع اللى قيلها نفس الاستهلاك واسعار قطع لغيار

**hobaz** · 16-04-2010 01:56 AM

ممكن اغرف سعر الكبالن كام و طلمبة الزيت.....؟؟؟

الموضوع: تويوتا كورولا _عيون_ ... (أراء وتقييمات +صيانات+أسعار قطع غيار )

LinkBack

أدوات الموضوع

عرض

-

-

-

-

-

المواضيع المتشابهه

كل ماتريد معرفته عن سيارات تويوتا [اراء - تقييمات - صيانات - قطع غيار ]

تويوتا _ستارليت_ ..... (أراء وتقييمات + صيانات + أسعار قطع غيار)

أهم الموضوعات عن تويوتا _ياريس_.... (أراء وتقييمات +صيانات+ أسعار قطع غيار)

فين يا جماعه أسعار صيانة و قطع غيار كورولا !!

الكلمات الدلالية لهذا الموضوع

المفضلات

المفضلات

ضوابط المشاركة