بروتون ساجا . أتوماتيك .. مانيوال . أفيدونا

مساء الخير على أحلى ناس في أحلى منتدى
بعد الحيرة والدوران وكم من الأسئلة والتردد ثم الإقبال ثم العودة إلى التردد مرة أخرى
إستقر الأمر على آخر إختيارين إتنين ، والإتنين " ساجا "
بس التردد دلوقت بين أتوماتيك ولا مانيوال
عاوز من البروتوناوية الجامدين الإفادة في الأمر ده لأن خلاص قرار الشراء تم
وهيتفذ على الأكثر في شهر7 أو8 بالكتير .
فرق سعر السيارة مش هو المشكلة
بس عاوز أعرف الفروق في أسعار قطع الغيار
مزايا الاتوماتيك بالنسبة للمانيوال والعكس
معدلات استهلاك البنزين انا عارف ان الاتوماتيك اعلى في الاستهلاك
فهل مثلا الساجا الاتوماتيك هتكون زي عربيه 1600 سي سي ولا اكتر
وهل هي اسهل في سواقتها من المانيوال ولا العكس
وهل هناك استهلاك اعلى لقطع الغيار عن المانيوال
فعاوز منكم خصوصا اللي معاهم الساجا يفيدوني
ممكن ؟
باختصار اللي عاوزه
مقارنه ما بين الساجا الاتوماتيك وبين الساجا المانيوال
من كافة الاوجه
=======
ملحوظة : كنت وضعت نفس الموضوع بالخطأ في المنتدى العام
فأعدت طرحه هنا .
=======
باشكركم مقدما
ألفي بشرى

بص انا ناوى اشترى الساجا برضوا قريبا باذن الله

المهم الفرق بين المانيوال والاتوماتيك

المانيوال :-
اقل فى استهلاك البنزين واقل فى استهلاك التيل واقل فى الضغط على الماتور فى ظل ان السياره 1300 سى سى يعنى الاتوماتيك هتقلل سحب العربيه شويه مع التكييف فى المانيوال السحب بيقل بس مش كتير استهلاك اقل لتيل الفرامل

الاتوماتيك :-
لو انت من مقيمى القاهرة بصراحه راحه كبيره يعنى تخيل نفسك فى وسط البلد ومعاك عربيه مانيوال تجيب اول ثم تانى ثم ترجع اول ثم تانى ثم اول و حاجه خنقه اوى
ضيف على كده راحه ومنظر برضوا اكبر امام الاخريين

انت مفروض تقرر ايه اللى انت شايف ايه الاهم عيوب دى وله عيوب دى
يعنى انا مثلا الاتنين بالنسبه لى محيرين جدا

بس ممكن اميل للمانيوال لان العربيه 1300 سى سى

بس انا مش هفتى واستنه واحد من اللى عنده الاتوماتيك يقولك رايه احسن منى يعنى السحب معاه بيقل كتير مع التكييف وله ايه

العزيز Galilioz
أشكرك على ردك الكريم
وبجد هي حيره برضه لأني ماعنديش فكره عن خبايا الاتوماتيك
اكتر من موضوع توفير النقلات واستهلاك البنزين
لكن شئ محدد او اكيد ماعرفش
بس الجديد بالنسبالي موضوع الضغط ع الموتور
هنستنى الربوتوناوية الساجاوية واكيد هيفيدونا
=======
اشكرك على مرورك
ألفي بشرى

انا مش معايا الساجا ... بس ماقدرش اشوف توبيك لاستاذ/ الفى بشرى -كاتب بروتون الواعد- وماردش فيه :E_braces[1]:

شوف يامعلم الفروقات اللى بين المانيوال والاوتو انا بحس انهم مش كبيره ... سواء فى استهلاك البنزين او التيل

يعنى ممكن واحد معاه مانيوال ضربته عالفرامل جامده ياكل تيل اكتر من اوتو ... وبالمثل فى استهلاك البنزين , وزى الاوتو بياكل تيل ... المانيوال بيجيب اسطوانه دبرياج هو كمان

وحتى لو فى الظروف الطبيعيه الفرق مش بيكون كبير ... اظن الاهم هو راحه مالك العربيه

فلو حضرتك طرقك اغلبها زحمه هيبقى الاوتو افضل ... لو الطرق فى اللذيذ وكلها سفر المانيوال احسن

وربنا يوفقك للاختيــار الخير -ان شاء الله- ... ونباركلك قريب

تحيــــــــــــاتـــــىhttp://i122.photobucket.com/albums/o.../th_eclown.gif

استاذ اشرف نورت و شرفت بقولك اية ما تشرفنا يوم الجمعه و تشوف العربيتين على الطبيعة و لو عايز تجرب مافيش مشكلة و بعدين هانتتكلم و تسمع من اصحاب الاوتو و المانيوال يكون افضل ليك و المقابلة يوم الجمعه الساعه 11 الصبح عند بنزينة الاماراتية اللى قبل كارفور المعادى و ان شاء الله تيجى و تشرفنا

اقتباس:

---

المشاركة الأصلية كتبت بواسطة Ayman_52

انا مش معايا الساجا ... بس ماقدرش اشوف توبيك لاستاذ/ الفى بشرى -كاتب بروتون الواعد- وماردش فيه :E_braces[1]:

شوف يامعلم الفروقات اللى بين المانيوال والاوتو انا بحس انهم مش كبيره ... سواء فى استهلاك البنزين او التيل

يعنى ممكن واحد معاه مانيوال ضربته عالفرامل جامده ياكل تيل اكتر من اوتو ... وبالمثل فى استهلاك البنزين , وزى الاوتو بياكل تيل ... المانيوال بيجيب اسطوانه دبرياج هو كمان

وحتى لو فى الظروف الطبيعيه الفرق مش بيكون كبير ... اظن الاهم هو راحه مالك العربيه

فلو حضرتك طرقك اغلبها زحمه هيبقى الاوتو افضل ... لو الطرق فى اللذيذ وكلها سفر المانيوال احسن

وربنا يوفقك للاختيــار الخير -ان شاء الله- ... ونباركلك قريب

تحيــــــــــــاتـــــىhttp://i122.photobucket.com/albums/o.../th_eclown.gif

---

طبعا لما تاخد بالراى لازم تاخده من اهل الخبره ومدام بنقول اهل الخبره يبقى اكيد استاذ ايمن ده من اكبر بروتانويه العالم :vctry:

لو انت سواق مانيوال وطرقك مش زحمه اوى اشتريها مانيوال
انما لو العكس عليك بالاوتوماتيك

اقتباس:

---

المشاركة الأصلية كتبت بواسطة amr1973

استاذ اشرف نورت و شرفت بقولك اية ما تشرفنا يوم الجمعه و تشوف العربيتين على الطبيعة و لو عايز تجرب مافيش مشكلة و بعدين هانتتكلم و تسمع من اصحاب الاوتو و المانيوال يكون افضل ليك و المقابلة يوم الجمعه الساعه 11 الصبح عند بنزينة الاماراتية اللى قبل كارفور المعادى و ان شاء الله تيجى و تشرفنا

---

استاذ عمرو ازيك
انا باذن الله هبقى سجاوى خلال شهر او شهرين
بس ليه عندك سوالين
الاول : انا سمعت ان الساجا غليت 1000 جنيه على الفئتين فى التوكيل صحت الكلام ده؟؟
التانى : استهلاك البنزين كام عندك وكم كيلو قطعت؟؟؟ عشان انا سمعت ان استهلاك الساجا للبنزين عالى

ولك جزيل الشكر

اقتباس:

---

المشاركة الأصلية كتبت بواسطة Galilioz

طبعا لما تاخد بالراى لازم تاخده من اهل الخبره ومدام بنقول اهل الخبره يبقى اكيد استاذ ايمن ده من اكبر بروتانويه العالم :vctry:

لو انت سواق مانيوال وطرقك مش زحمه اوى اشتريها مانيوال
انما لو العكس عليك بالاوتوماتيك

---

ياباشا ربنا يكرمك دانا اللى بتعلم منكم كل يوم واللهhttp://i122.photobucket.com/albums/o...owerysmile.gif

اقتباس:

---

المشاركة الأصلية كتبت بواسطة Galilioz

استاذ عمرو ازيك
انا باذن الله هبقى سجاوى خلال شهر او شهرين
بس ليه عندك سوالين
الاول : انا سمعت ان الساجا غليت 1000 جنيه على الفئتين فى التوكيل صحت الكلام ده؟؟
التانى : استهلاك البنزين كام عندك وكم كيلو قطعت؟؟؟ عشان انا سمعت ان استهلاك الساجا للبنزين عالى

ولك جزيل الشكر

---

بعد اذن ا/عمرو

بخصوص سعر الساجا هى فعلا زادت الف بس لو كنت حاجز قبل ما تغلى هتستلمها بنفس التمن القديم


تحيـــــــــــــــــاتــىhttp://i122.photobucket.com/albums/o.../th_eclown.gif

توكل علي الله.....الاوتو

buy it automatic, you are in Egypt which the most beautiful roads

انا معايا جين 2 مانيوال و بصراحة بندم جدا علي اني جبتها مانيوال لاني في مدينة نصر و تقريبا طول الوقت انا رجلي علي الدبرياج لان الشوارع واقفة
فانصحك تشتري اوتو و بعدين بالنسبة للضغط علي الماتور الاوتوماتيك ما بيضغطش علي الماتور الا لو انت شديت بالعربية لكن لو ماشي عادي العربية بتنقل علي 2.5 - 3.5

واحد صاحبي معاه ساجا اوتو وس سوقتها و ما شاء الله مش باين عليها انها 1300 خالص

اقتباس:

---

المشاركة الأصلية كتبت بواسطة eslamashour2005

انا معايا جين 2 مانيوال و بصراحة بندم جدا علي اني جبتها مانيوال لاني في مدينة نصر و تقريبا طول الوقت انا رجلي علي الدبرياج لان الشوارع واقفة
فانصحك تشتري اوتو و بعدين بالنسبة للضغط علي الماتور الاوتوماتيك ما بيضغطش علي الماتور الا لو انت شديت بالعربية لكن لو ماشي عادي العربية بتنقل علي 2.5 - 3.5

واحد صاحبي معاه ساجا اوتو وس سوقتها و ما شاء الله مش باين عليها انها 1300 خالص

---

طيب فيه ناس قالت حاجات على الأوتو زي لما بتركن او تسيب العربية دايرة وترجعلها تاني قريت حاجات حاسس ان سواقتها شكلها مش سهله .
هل كل الاوتو كدا ولا مش كله ولا ايه ؟
حد يشرح لنا فكرة مبسطة على سواقتها
=======
ألفي بشرى

اقتباس:

---

المشاركة الأصلية كتبت بواسطة alf2boshra

طيب فيه ناس قالت حاجات على الأوتو زي لما بتركن او تسيب العربية دايرة وترجعلها تاني قريت حاجات حاسس ان سواقتها شكلها مش سهله .
هل كل الاوتو كدا ولا مش كله ولا ايه ؟
حد يشرح لنا فكرة مبسطة على سواقتها
=======
ألفي بشرى

---

ايه بقى اللى بيحصل لما بتركن العربيه الاتو او تسيبها دايره وترجعلها تانى ؟
سواقه الاتو مفيش اسهل منها خصوصا فى المناطق الزحمه
من أول لما بتدور العربيه قدام البيت وتبدأ تمشى بيها لحد ماترجع تانى بالسلامه وانت جايب الفتيس على ال d وشكرا

الاوتوماتيك بالطبع مع المحافظة على الفتيس بالصيانة الدورية ومستوى الزيت

اقتباس:

---

المشاركة الأصلية كتبت بواسطة ahmedfathi

ايه بقى اللى بيحصل لما بتركن العربيه الاتو او تسيبها دايره وترجعلها تانى ؟
سواقه الاتو مفيش اسهل منها خصوصا فى المناطق الزحمه
من أول لما بتدور العربيه قدام البيت وتبدأ تمشى بيها لحد ماترجع تانى بالسلامه وانت جايب الفتيس على ال d وشكرا

---

أشكرك على الرد
أنا شايف في بياناتك إن معاك الساجا الأتوماتيك اللي باقارن بينها وبين المانيوال
فهل هي أفضل من المانيوال كآداء عام للسيارة
ولأني جديد في السواقة وبصراحة مسترخم المانيوال ، وأول مرة أجيب زيرو فعاوز اكون مطمن
امبارح قريت الموضوع ده وشكله لخبطني شويه
http://www.nilemotors.net/Nile/144696-a.html
فهل من شرح مبسط لقيادة الاوتو
=======
أشكرك على مرورك
ألفي بشرى

اقتباس:

---

المشاركة الأصلية كتبت بواسطة alf2boshra

أشكرك على الرد
أنا شايف في بياناتك إن معاك الساجا الأتوماتيك اللي باقارن بينها وبين المانيوال
فهل هي أفضل من المانيوال كآداء عام للسيارة
ولأني جديد في السواقة وبصراحة مسترخم المانيوال ، وأول مرة أجيب زيرو فعاوز اكون مطمن
امبارح قريت الموضوع ده وشكله لخبطني شويه
http://www.nilemotors.net/Nile/144696-a.html
فهل من شرح مبسط لقيادة الاوتو
=======
أشكرك على مرورك
ألفي بشرى

---

ازيك يا استاذ الفى اولا لا شكر على واجب يا باشا
ثانيا انا شفت الموضوع التانى اللى حضرتك حاطه ومفيش اى لخبطه ان شاء الله هو بس باين على صاحب الموضوع انه متوتر شويه وفاكر انه اول ما يسيب الفرامل العربيه هتنط منه والكلام ده غير صحيح وكمان صاحب الموضوع من بياناته بيقول انه هيشترى لوجان واللوجان مفيش منها اتوماتيك
انت اول ما تسيب رجلك من على الفرامل العربيه هتمشى معاك سلانسيه واحده واحده بعد كده خلاص دوس بنزين بقى عشان تجرى او دوس فرامل عشان تقف وهكذا
وهاتها انت بس ان شاء الله وانا يا سيدى مستعد اعلمك عليها بنفسى لو حبيت:satelite:

احمد باشا يعنى دلتا فارما يعنى متركنش تانى تحت نخل عشان البلح ميقعش على الكبوت ويعملك نقره اخبارك ايه ياباشا ليك وحشه والله من ايام الامارتيه