ياه رجعتنا لايام زمان :)
انا فاكر كمان اغنية "يا صباح الخير يا للي معانا الكروان غنا و صحانا"
معرفش دي بتاعت مين بس كنت كل يوم بسمعها و انا نازل الصبح للمدرسة :)
عرض للطباعة
ياه رجعتنا لايام زمان :)
انا فاكر كمان اغنية "يا صباح الخير يا للي معانا الكروان غنا و صحانا"
معرفش دي بتاعت مين بس كنت كل يوم بسمعها و انا نازل الصبح للمدرسة :)
اى خدمه ياجماعه ونورتوا الموضوع
بالنسبه لموضوعى اللى فات بتاع السباق
http://www.nilemotors.net/Nile/137302-a.html
وبالنسبه لاستفسار for_ever فدى ام كلثوم وكنت فاكرها لحد سنه 5 ابتدائى الفراشه بتاعت المدرسه هيا اللى بتغنيها -علشان كانت يتشتغل كل يوم عندنا فى اذاعه البلد (مكرفونات فى كل حته علشان لو حد مات او نجح او اعلان كانت اسمها اذاعه عدايل !!!!)- فكنت فاكر انها بتغنيها لينا واحنا رايحين المدرسه :)
الحمد لله ان الموضوع اثار شجنكم
يااااااااااااه فكرتنى بصباح الخير يامصر والله مع انها مكرره كل يوم ونفس الفقرات والاغانى هى هى لكن والله بيحنلها انا كنت يصحى على ياحلو صبح واغنيه توشكى لما الراجل القلبوظ ده كان يجى يسئل المزارع ويقعدوا يكلموا ياه والله انا فاكر كنت بلبس هدومى كلها والاقى ماما يتحط السندوشات فى الشنطه فى المطبخ اروح انا ناطط تحت السرير ومستغطى عالطول
والله لازم كل واحد يبوس ايد امه الصبح علشان هما شافوا مننا كتير ومهما عملنا ليهم مش هنوفى ليهم حقهم وبرضوا احنا بالنسبه ليهم اطفال
ياااااااااااااااااااااااا اااااااه
كأن فيلم اشتغل قدامي بذكريات المدرسة والصحيان بدري والنزول في البرد والبس بسرعة عشان الحق اتوبيس المدرسة
كانت ايام جميلة بس ماكنتش طايقها زمان وبقول امتى اكبر واشتغل واخلص من المدرسة وارفها
بقيت اصحى بدري اكتر من الاول وورايا مسئوليات وبيت وعيال وشغل
فعلا مفيش أجمال من قوله تعالى " وقل رب إرحمهما كما ربياني صغيرا "
انا مش فاكر دي بس انا كنت فاكرها الموسيقي اللي كانت بتيجي علي الشرق الأوسط وكانت في وحده بتقول (بصبح عليك) - حد عارفها؟
هو انا مش من البلد دى ولا اية
انا اول مرة اسمعها
وسمعتها مرتين عشان اتاكد بس برده مفيش فايدة:8954[1]:
شكلى نسيت كل حاجة
ياااااااااه بجد ايام جميلة جدا جدا جدا
كنت بتأخر كل يوم عن المدرسة عشان اتفرج على توم و جيري
و قبل رمضان بكام اسبوع تلاقي اغنية اهلا رمضان
دلوقتي بيشغلوها لما رمضان يخلص :(
انا نفسي افهم احنا ليه كنا كلنا بنتربي تربيه واحده
وليه الابهات والامهات ليهم ستايل واحد
انا كنت بصحي علي نفس الموسيقي والبس عليها وابويا وامي يعملولي السندوتشات
ليه واشمعني الراديو عالقناه دي بالذات
ايه الفكره يعني
في نفس الوقت اللي احنا فيه طالعين غير كده
وعمري ما حفكر افتح الراديو اصلا الصبح وانا بصحي عيالي للمدرسه
مع اننا اتربينا علي ده وه عامل معانا ذكريات جميله
بس بردو ايه اللي حيخيليني افتح الراديو الصبح
حتقولولي الابهات والامهات من جيل واحنا من جيل
طب مالناس دي كان عندها تلفزيون وفيديو
وانا وانا صغير كنت بتفرج عالتلفزيون عادي
اشمعني الراديو اللي الصبح ولاز عالقناه دي ولازم الموسيقي دي
واكيد وهما عيال مش ممكن تكون الموسيقي دي كانت موجوده ايامها
شكرا بجد للي حط الفيديو
رجعنا لورا كتييييييييييير
انا بقى ابويا كان بيودينى المدرسه وكل يوم لازم اسمع فى الراديو بالسلامه ياحبيبى بالسلامه وكلمتين وبس ولما كنت اخد اجازه يوم الجمعه لازم اسمع 747120 اذاعه حد فاكر البرنامج ده ويوم السبت عيله مرزوق كانت ايام جميله