عمتا تيجي نحسبها
المكنه بالفتيس يعملوا حوالي 20 الف جنيه لانها اكيد ستبترونيك
اوكيه
شوف الفوانيس السليمه اللي عندك كام
ايه اللي ممكن يستعدل و يتباع
رقم الشاسيه حيعمله كام
حلها الووحيد انها تتفكك بس
عرض للطباعة
عمتا تيجي نحسبها
المكنه بالفتيس يعملوا حوالي 20 الف جنيه لانها اكيد ستبترونيك
اوكيه
شوف الفوانيس السليمه اللي عندك كام
ايه اللي ممكن يستعدل و يتباع
رقم الشاسيه حيعمله كام
حلها الووحيد انها تتفكك بس
انا شايف ان العربيه دي حرام يتدفع فيها فلوس , لان جسمها مفيش فيه حاجه سليمه
يمكن صالونها يتفك منه حاجه سليمه , كاسيت , تابلوه , عدادات , فتيس , ....... الخ
تتباع تقطيع احسن وربنا يعوض على صاحبها
فى ناس ده شغلهم ويقدرو يرجعوها تانى من الموت وتتباع ويكسبو فيها , 60 انا شايفه سعر كويس
يعنى كل ما هنالك هى عايزه عفشه وموتور وفتيس واربع رفارف واربع ابواب بمكوناتهم وشنطه وسقف وكبوت واكصدامين و 4 فوانيس و فرش ومرايات و برابريز امامى وخلفى واربع فرد كاوتش بجنوطهم وبعدين الباقى كله هيتكلف مصنعيه سواء استعدال شاسيه او تركيب وتترش وهترجع زى الفل
الايرباج بقا ممكن يقول ان العربيه كانت مخبوطه من قدام واتفتحت
الحاجات البسيطه دى متعيبش العربيه ابدا
دة خردة اخرها تتسيح و الحديد اللي فيها اغلى من تمنها
مش عارف احط سعر
هو اللي لقيته سليم ( 3 أكر باب و علامة اسكودا :])
عليا ب 2.5
جنيه :)
مهما اتعمل فيها هيبقي جايبة شاسيه وسقف ودول هما العربية كسعر
غير كدة ممكن تقدر تغيره من رفارف وشنطة وكل حاجة تتخيلها لغاية الموتور وهتبقي بسعر كويس انما مجرد ان السقف او القوايم او الشاسيه فيه حاجة يبقي مش هتجيب تمن خالص
احنا عندنا فى المنصوره سمكريه بيشتغلوا فى العربيات دى وبيكسبوا منها فعلا بس مش لدرجه انه يشترى العربيه دى ب 60 الف .. يعنى دول يشتروها ب 10 او 15 الف بالكتير علشان العفشه والفتيس والموتور ممكن ييجوا بمبلغ كبير يمكن 50 الف والابواب برضه هاتتكلف مبلغ محترم فكده العربيه ممكن تقف على اللى هايشتريها بخساره وخاصه لان الرش فى العربيات الجديده بيعيب العربيه فمابالك بعربيه مرشوشه كلها
هههههههههههههه لا اكيد من العالم الموازى , ده هى كدا مش فاضل فيها حاجه عايزه تتغير
على رأى جورج هى مفيهاش غير الاوكره والعلامه :)
انا بتريق انها وصلت للمرحله دى ولسه دوره حياتها لم تنتهى وايا كان السعر اللى هتتباع بيه فهى هتشاركنا الطريق تانى
انا برده شوفت واحد عنده مخزن كبير وكله عربيات من نوعيه الحوادث البشعه دى , اللى خرجت من الحادثه بنص بس والباقى ضاع واللى واخده صاروخ فى السقف وحاجات مش باين لها ملامح
وعنده جيش صنايعيه وبيجيب لنفسه هو عربيات استيراد من نفس نوعيه عربيات الحوادث اللى هو متخصص فيها ويقطع ويركب فى اللى عنده بشغل احترافى قوى ويبقى مكسبه فى بيع العربيه بعد ما تخلص مستعمله بنفس او فرق اقل بسيط من سعر اخواتها فى السوق
فلو بصيت لسعر الاوكتافيا مستعمله هتلاقى ان لو صرف عليها مثلا 30 ألف وده طبعا كتير على التجار دى هيبقى كسبان فيها مبلغ محترم , فممكن نقول ال 60 ينزلو شويه وهتتباع برده
الناس دى بتعمل شغل وترش بدرجه تخلى اجدع تاجر ميعرفش يميزيها عن اختها الفابريكه , انا شوفت عند الراجل ده جيتا كان من عند الزجاج الخلفى مش موجود اى حاجه ورا لا شنطه ولا فوانيس ولا ليهم اثر حتى زى ما تكون بقت جولف وبعد فتره رجعت لقيتها واقفه برا عملها ومشى بيها فتره تشوفها تقول دى فابريكه
ربنا يستر ع الزبون اللي هايشرب ..
يا باشا العربية فبريكة جوة و راشة برة نضافة بس ..فين المصحف أحلف عليه