برنامج google earth على تليفونك
البرنامج بيحتاج للاتصال بالانترنت علشان يحمل الخرايط وفي حالة توافر GPS بالتليفون يقدر يحدد موقعك على الخريطه. البرنامج به مميزات كتيره جدا منها ممكن تعمل بحث عن عنوان او مكان معين يعرفك مكانه ممكن يرسملك على الخريطه الطريق المستخدم للوصول للمكان المختار ويحسب المسافه كام كيلو متر والوقت تقريبا وممكن يعرضلك اكثر من طريق للوصول او انت بتغير جزء معين من الطريق وهو بيرسم عل الخريطه باقي الطريق. الميزه الثانيه انك ممكن تختار طريقة عرض الخرايط في طريقة عرض بسيطه وسريعه جدا في التحميل والافتراضيه ممكن تغيرها وتختار عرض من القمر الصناعي وفي الحاله دي بيعرض الطرق والمباني وكل حاجه مصوره بس طبعا مش لايف كانك بتستخدم برنامج GOOGL EARTH من الكمبيوتر بس في الحاله دي استهلاك الميجابايت اكثر وتحميل الخرايط بطيء لحد ما. ثالث ميزه ان اي خرايط في العالم لاي مكان موجوده. رابع ميزه ان اسماء الشوارع والاماكن بالعربي. بالمقارنه مع برنامج NOKIA MAPS القديم او الجديد من OVI هو افضل بكتير وفيه تفصيل اكتر للخرايط مع تشابه طريقة الاستخدام تقريبا وباقي الخدمات.
للبرنامج عيب واحد من وجهة نظري انه بيعتمد على الانترنت في تشغيله لانه مش بيخزن خرايط بيجيبها على طول من على الانترنت والمشكله الثانيه تكلفة استهلاك الانترنت ودي كانت مش مشكله لاني مشترك في باقة انترنت مفتوحه بـ 20 جنيه في الشهر وبالنسبالي ما كانتش تكلفه زياده لاني كنت مشترك فيها من قبل ما اجيب البرنامج لاحتياجي للانترنت المتواصل.
في حالة التواجد في مكان لا توجد به تغطيه من الشبكه بالطبيعي لا يمكن للبرنامج عرض اي خرايط
طريقة التثبيت على الموبايل:
Google Maps for mobile
بعد الدخول على اللينك المرفق بتختار من على اليمين SEND TO MOBILE بتدخل رقم تليفونك في الموقع بعد شويه بتستلم رساله من الموقع على التليفون فيها لينك التحميل بتفتحه من التلفون يبدأ يحمل البرنامج بعد كدا تبدا عملية تثبيت البرنامج ودي بتكون سهله جدا. تقدر دلوقتي تشغل البرنامج وتستمتع بيه.لا يلزم التسجيل في GOOGLE لاستخدام البرنامج او تحميله.
اتمنى اللي يجرب يقول رايه في البرنامج ولو حد عنده برنامج افضل يعرفنا وليه الشكر
