الموضوع: أول زيارة لتوكيل أبورواش " أيه الحلاوة دي"

الحمد لله اشتريت سيارة بيكانتو موديل 2009 اتوماتيك ولم استطيع الحصول على دفتر ضمان السيارة من صاحبها اللي أنا شاربها منه وكنت خايف لتكون خليجي بس الحمد لله اتصلت بالتوكيل فرع ابورواش كلمت مدير الضمان طمن قلبي وقالي أنها وكيل وعرفها من رقم الشاسيه وكمان قاللي ممكن اجي أستلم دفتر الضمان في اي وقت .
ورحت توكيل أبورواش ناس في منتهى الأدب والاحترام والذوق في أقل من خمسة دقائق استلمت دفتر الضمان وتم نعديل بيانات المالك .
طبعا مرضتيش أمشي على الأقل أرتاح من المشوار نزلت على الاستراحة شربت شاي وقهوة ولقيت واحد بيفطر هناك وكل ده ببلاش مكان في منتهى النضافة و الجمال وكمان في نت سريع مفتوح هصت وأنا قاعد ومكنتش عاوز أمشي .
وكان لازم برضه أدور على محبوب المنتدى ومعشوق كل اعضاء المنتدى الراجل القمة في الذوق والأخلاق الباشمهندس خالد فاروق أدب ايه واحترام ايه وترحاب من القلب وزاد ده كله لما قلت له اني من أعضاء منتدى نيل موتورز زاد اهتمامه بيا و قاللي هات العربيه في صيانة العشرة الاف كيلو أعملك عليها فحص شامل والصيانة الدورية بتاعتها حسيت بصراحة اني بتعامل معاملة انسانية في قمة الاحترام اطمنيت على العربية لما لقيت انسان زي مهندس خالد فاروق في مركز صيانة برغم اني بعيد عن أبورواش اكثرمن 300 كيلومتر علشان انا من دمياط إنما أجي مخصوص علشان مهندس خالد
جزاه الله خيرا وهاابقى احكي على صيانة 10000 كيلو ان شاء الله