عزيزي
متظلمش الكل بكلام بالقوه دى انا عن نفسي لو كنت على ارض مصر الحبيبه كنت بإذن الله هأعمل كل جهدى معاكم لإنتشار فكرة المنتدى ككل وكمان نادى الشيفى
وعلى فكره انا من كفر الشيخ
ايوه برضه حضرتك معاك حق بس اللي مش قادر يشارك بالفعل علي الاقل يكون بالراي مش بالفرجه وخلاص والناس حتقدر ده.
والله موضوع الشماسه ده جه في وقته عشان فعلا نعرف وزننا يه وسط المنتدي واهي فرصه اننا نصحح المسار اللي اخنا ماشيين عليه لو الاعضاء عايزه .
وبعدين حضرتك تلاقي لو موضوع اتفتح عن عيب في عربيه او سلبيه للتوكيل تلاقي الف مشاركه في الموضوع وكله قاعد يهتف وخلاص ومحدش بيشارك بحل للموضوع وكله عايز جنازه وعايز فيها لطم وخلاص واتفرج حضرتك مثال واضح للتوبك بتاع مشكله الكروز وانت تفهمني اكبر عدد مشاركات في وقت قليل من الاعضاء لاكن تعالي اتفرج كده علي حد بيطلب نصيحه في حاجه او خدمه من حد متلاقيش الا كام عضو اللي هما معروفين وبجد علي راسهم مناضل القسم حسام اوبتراوي هما اللي بيتفاعلوا وبيقدموا اقتراحات وبس والبقيه مشاهدات وخلاص , طيب يا اخي حتي الناس اللي ذي الاخ حسام لو مسمعتش خبرت وتجارب مالكين كتير وحلول مشاكلهم حيعرف يشارك بايجابيه اذاي بعد كده مهو ايد لوحدها متسقفش يا نجم .
المهم عايزن ايجابيه عيزن الناس تتفاعل مع بعض عايزن من الاخر نحب بعض احسن من كده
لان الالف مشاركة دول اكيد نسبة كبيرة منهم ليهم تجارب سيئة مع التوكيل القذر ده
و ده يبقى زي ما تقول كدة تأريخ او خلفية لاي حد عايز يتعامل مع التوكيل يبقى عارف المشاكل الي هتقابله قبل ما يشتري و يدبس و ده كله من تجارب كل عضو مع التوكيل يعني تجارب فعلية مش هتيف و خلاص علشان انا عن نفسي مش هتيف
و لا عايز الطم علشان انا عن نفسي مش بعرف الطم بصراحة
نصيحة مني ياريت تبقى تختار تعبير احسن من كدة ( دي نصيحة مش أكتر ) ممكن تلتزم بيها و ممكن لاء
و بالنسبة لموضوع الشماسة انا قولت رايي فيها في موضوع قبل كدة و ممكن اكون غلط قولت ان الطلب عليها مش هيبقى كبير
و أن شاء الله أستلمها انهاردة من أخونا محمد ممدوح بس من غير علامة شيفروليه
النصيحه لازم تكون متقبله طبعا طبعا خصوصا انها اكيد تكون بنيه صادقه عموما حضرت معاك حق انا مش حقول التعبيرخاني لاكن بأمانه ده اللي انا بحسه من اغلب الاعضاء في القسم انا متفهم طبعا ان الواحد ممكن يكون واخد موقف من التوكيل عشان مشكله حصلتله والتوكيل مكنش عند حسن الظن بيه في حلها بس ميبقاش هوه ده الاتجاه العام للشعور ناحيه التوكيل وتكون اي مشكله هوه ده الرد بتاعها وعن نفسي انا خلال 3 سنين احتكيت بالتوكيل كتير وكتير كنت متضايق منه بس وصلت لقناعه ان طريقه عرض المشكله والصبر وفهمك لحدود الصيانه داخل التوكيل هما اللي بيجيبوا حقك منهم .
يعني عدم تعميم المشكله مطلوب الا لو هيه فعلا مشكله عامه ذي مشكله الافيو في tps والوكيل حلها تماما لبعض الناس وحلها جزئيا لناس تانيه وفي ناس كتير برضه معاهم العربيه ومطلعش عندهم المشكله ديه خالص وبيشكروا في العربيه .
احاول اوضح لحضرتك وجهه نظري تاني مشكله القسم بتاعنا تتلخص في ان الاعضاء لازم يكونوا ايجابيين اكتر من كده يعني اللي بيحصله مشكله مع التوكيل والتوكيل حلهاله مبيقلش واللي صلح مشكله في عربيته بمساعده الاعضاء مبتشوف اي مراجعه للمشكله بتاعته بعد حلها عشان يفيد بقيه الاعضاء كله عايز الحل السهل وخلاص .
الشماسه راي حضرتك يحترم فيها جدا وهوه فعلا راي وجيه بس حضرتك شفت حضرتك الوحيد اللي قلت رايك وقلت حتتعامل مع الموضوع ده اذاي .
اتمني انك تكون فهمتني ومتكونش زعلان مني
ياباشا ربنا يخليك
فينك مش باين خالص :) ياريت تبقى تشاركنا دايما
المقابله لسه ماتحددش ميعادها , الاول هانشوف مين عنده استعداد للمقابله وبعدها هانحدد الميعاد اللى يناسب اغلب الاعضاء
لو عندك استعداد ياريت تقولنا ايه المواعيد اللى تناسبك
الميعاد لسه ماتحددش ياباشا , ياريت تقولنا على المواعيد اللى تناسبك
شكرا لتفاعلك ياباشا
بس حتى لو حضرتك بعت الفلوس
احنا هانبعتلك الشماسه ازاى او هانديها لمين :)
لما تنزل اجازه فى اى وقت ان شاء الله نحجزلك واحده
وبخصوص ترتيبك فى النادى فحضرتك حاليا رقم 58 بس ابقى تابع مركزك لانه بيتغير كل فتره
معاكوا ياجماعة بس انا من دمياط ومش بقدر انزل القاهرة بسبب شغلى فهل فى طريقة للتوصيل؟
Dear all,
im in for sure although i hate my chevrolet optra soo much, i had many problems with that car although it's 2006 but it was really my worst experience ever and now im trying to sell it
but anyways im still in :w6266d
والله يا جماعة الواحد مش عارف يقول ايه ولا ايه
انا بجد زعلاااان جدا من الموقف دا
دا واضح ان احنا بدل منلم بعضنا لأ وقعنا في بعض والظاهر ان النادي أو الرابطة دي مش هتصفي حتي علي الربع دا كدا يبقي تمام
الموضوع يا جماعة اكبر من انه شماسة الموضوع شكلة كدا زي ميكون عشان المنظر العام لما حد يدخل القسم يلاقي رابطة ولا نادي وخلاص لكن بدون اي نشاط او فاعلية ومش معقول ان التوكيل كمان يحرمنا من مجرد المقابلة وتبادل الخبرات عشان هو وحش او عندة مشاكل في بعض العربيات وفي كذا حد مشتكي منة مش معقول يعني
أمال لو كان معانا ماركة ملهاش توكيل أو يكاد يكون مش موجود كنا عملنا اية يعني لو معانا فورد ولا مازدا ولا فيات كان هتبقي اية النتيجة ياريت نشوف الأخوة في الأقسام الأخري عملين اية مع بعض الواحد بس مش عايز يذكر امثلة منعا للفتنة وانا اسف لذكر التوكيلات دي وممكن كمان تكون احسن من التوكيل بتعنا واحنا مش عرفين بس الشائع في السوق ان التوكيلات دي من غير دعاية وعلي قدها بس اعضاء الأقسام الأخري مش مستسلمين زي موضوع شكوي كيا ما الناس كلها وقفت ايد واحدة ضد التوكيل نفسة وعملوا شكوي جبارة
أعتقد وانا اسف للكلام دا احنا منعرفش نعمل كدا ودا لسبب بسيط
ان حتة شماسة أو مقابلة مش عارفين نجمعها يبقي ايد واحدة ازاي
واسف للإطالة
لا انا مش بزعل من حد خالص فعلاً و انت أنسان محترم بجد
بس فعلاً توكيل منصور بالنسبالي كارثة ( أفيو 2008 و أوبل 2008 ) يعني في عربيتين في فئتين مختلفتين تماماً
بالنسبة للمقابلة
احنا كنا نظمنا مقابلة قبل كدة كان تقريباً شهر 4 الي فات يعني من سنة
الي حضر من قسم شيفروليه انا و اخ لينا اسمه محمود حجازي و اتنين كمان منهم واحد من قسم هيونداي و واحد صاحبه
يعني المقابله صفصفت على 4 منهم 2 بس من قسم شيفروليه
طبعاً انا ليا الشرف اني قعدت مع الناس دي لانهم محترمين جداً و كانت قاعدة ممتعة فعلاً
بس انا كنت متخيل العدد هيبقى أكتر من كدة
على العموم في المقابلة أن شاء الله أكون موجود بس ا/ حسام يحدد الميعاد و ان شاء الله اكون موجود
الحتة دي مافهمتهاش بصراحةاقتباس:
لشماسه راي حضرتك يحترم فيها جدا وهوه فعلا راي وجيه بس حضرتك شفت حضرتك الوحيد اللي قلت رايك وقلت حتتعامل مع الموضوع ده اذاي .
قصدي ان حضرتك عبرت عن رايك ووضحت اختيارك انك حتشارك في الشماسه العاديه مش بتاعت القسم وده انا بعتبره حاجه ايجابيه وده هوه المطلوب من الناس الفكره مش ان الناس تاخد الشماسه الفكره طريقه تفاعل الناس مع الموضوع هنا في القسم مش موضوع الشماسه بس اي موضوع يهم الاعضاء المطلوب انك لو رافض اقتراح معين انك تقول ده وميكنش رفض وخلاص ويكون مصحوب براي موضوعي عشان الكل يفيد ويستفيد .
اتمني ان حضرتك تكون حسيت بمدي اسفي علي حال القسم بتاعنا ولو عند حضرتك مقترحات لتطويره اكون سعيد جدا بيها