الموضوع: مؤشر الحرارة اللى فى التابلوه

على فكره بجد النقاش معاك مكسب كبير جدا كل ما اتناقش معاك فى اى موضوع بحس ان خبرتى بتذيد اوىىىىىىىىىىىىى


ربنا يحعله فى ميزان حسناتك

الله يكرمك
يا أبو حميد
على زوقك دا كله

وياباشا الصح واضح تماما

مفيش أى مؤشر على أى دايرة قياس فى أى منظومه هندسيه

ويكون زى الوضع اللى بتقال عليه
عند النص والوضع الطبيعى للحراره وأستوب
ميتحركش عن كده

_________________

أمال معمول عليه تدريج قياس ليه وفيه مرحله خطره المفروض
منشوفهاش على المؤشر

وهى أقتراب تدريج المؤشر من المنطقه الخطره الحمراء

دا لو كان زى ما البعض متخيل ( ميرفعش عن النص )

يبقى مش مؤشر
والمفروض تتلغى دايرته نهائيا من المكنه

________________________

وحاجه تانيه

أحنا حنعرف منين أن الحراره زادت وأحنا ماشيين بالعربيه وخرطوم ميه ضرب مثلا

ماهو من المؤشر
حنلاقيه

علم على الأحمر على طول

وممكن المكنه تروح


___________________________


إذا نقدر نقول

مؤشر الحراره هو عين قائد السياره
لتعريفه بحالة حرارة المحرك

بيشوفله الحراره عامله أيه فى المكنه وهو ماشى بالعربيه

لأن المكنه محطوطه جوه الغرفه ومتغطيه بالكبوت والراجل ماشى فى أمان الله بالعربيه

قاموا مصممين المحركات أخترعوا موضوع مؤشر الحراره علشان ينقل صوره حيه عن حالة حرارة المكنه

والسواق يبقى مطمن أنه ماشى فى أمان الله

وميلاقيش العربيه طبت ساكته منه وكلبشت بسبب قفشان المكنه مثلا

ولازم أكون مطمنله أوى أنه شغال على مايرام

____________________________

وحقيقة فى موضوع الأخ / محسن

طالما المؤشر بيتحرك من البدايه ويجيى يقف عن النص

فده دليل كبير على أن المؤشر سليم بنسبه كبيره جدا ( لأنه بيتحرك بالفعل )

بس بيجىء عن نقطه ويكسل يتحرك


الكسل ده سببه تلف مقاومة ساعة الحراره الموجوده على مانيفولد المكنه

خلاص كسلت ومبقتش تقل المقاومه عن كده بتاعة الساعه ( مع أرتفاع الحراره علشان أمبير كبير يروح للمؤشر يزقه شويه لفوق ) علشان تدريج المؤشر يرفع عن منطقة المنتصف