-
عندى مشكلة المية بتنقص
السلام عليكم رجالة منتدى الدايو انا معايا اسبيرو 94 من شهر كدة وانا ماشى بالعربية فوجئت ان مؤشر الحرارة عندى وصل للنص وهو على طول مش بيعدى الربع المهم قمت راكن وفتحت الكبوت لقيت فية مية تحت العربية ومكنتش عارف مصدرها المهم كلمت الميكانيكى بتاعى قاللى زود مية زودت حوالى 3 لتر وهات العربية لفيت وروحتلة طلعت الطبب عايزة تتغير غيرناها هى وكوعة المية اللى داخلة على المكنة عشان برضة كانت بتسرب وغيرنا غطاء القربة وقام غاسل الرداراتير عشان كان فية صداء وحطينا مية خضراء وبالمرة غيرنا الزيت والفلتر عشان معادهم كان قرب ونظف الانجكشن و كلة بقى تمام بعد اسبوع وانا ماشى لقيت واحد بيقولى العربية بتخر مية نزلت فتحت الكبوت لقيت المية بتخر من القربة كانى مش مركب الغطاء مع انى مركبة قمت مزود مية حوالى 3 لتر و روحتلة قاللى غطاء القربة الجديد بايظ غيرناة تانى وكبس دورة المية طلع فية تسريب قعد يكشف لحد اما لقى خرم فى الرادياراتير فكيناة ولحمناة وكلة بقى تمام من يومين لقيت العربية بتسخن تانى لقيت برضة المية قلت وزودت حوالى 2 لتر مية وحروحلة الخميس انا حتجنن ممكن يكون العيب فين مع اننا تقريبا عملنا عمرة لدورة المية كلها فانا مش عارف ممكن يكون وش السلندر فية حاجة بتهرب المية مع العلم انى معنديش طحينة فى الزيت لانى لسة مغيرة والعربية سحبها طبيعى بس بتاكل بنزين جوة البلد زيادة شوية عن الاول ودة يمكن عشان تنظيف الرشاشات شورو على اخوكو يعمل اية وشكرا جزيلا
-
أكيد اللحامات اللى تمت على مواسير الردياتير مش سليمه
وبتسرب ميه تانى
فأطمن على وجود تسريبات الأول تحت الردياتير
قبل مانروح فى أتجاهات تانيه
لأن عمليات العلاج للردياتيرات باللحام فى الغالب فاشله
دا غير أن وجود تسريب من أى ماسوره من المواسير وحتعالجها فعلا ( بس يكون الخرم فى الماسوره نفسها )
فده بيقولك بالضبط كده
خللى بالك المواسير بأت ضعيفه
وشوفلك حل تانى غير عمليات اللحام
وجايز
يكون غطاء القربه رقم 2 باظ تانى أيضا
لأن نوعيته رديئه مثلا
-
خلاص اروحلة اخلية يكبس الدورة تانى و نشوف
-
متابع بهتمام أوي لأن عندي مشكلة قريبة أويمن مشكلتك ومش عارف احلها....
-
طالما فيه تسريب يبقى تكبس دورة التبريد و تشوف فين التسريب و تعالجة
و هات غطا قربة المانى لان بتاع الدايو اللى فى السوق مضروب
MMamdouh
-
هو الغطاء اللى ركب من عند الميكانيكى و تقريبا بتاع النوبيرا ولونة اصفر لانة قاللى برضة ان اللى فى السوق مضروب بس لو حبيت اجيب جديد المانى اصلى اجيبة منين يا بشمهندس محمد
-
من عند ابو الحسن
MMamdouh
-
اعتقد ده (جوان وش السلندر) انا كان عاندى المشكله دى واتحلت الحمد لله
-
أن شاء الله يكون الموضوع بسيط
بس نصيحة (أنا معايا اسبيرو 94) هات كل حاجاتك إستعمال
لأن لى تجارب سيئة مع حاجات جديدة و اللى بيعمر معاك هو الاستعمال ( وفاصل كويس علشان فيه استغلال جامد يعنى مثلا ساعة زيت قال 50 أخدتها ب 25)
-
كشفت تانى طلع البية اللى لحم الرادياراتير ملحموش كويس و بيسرب من نفس الخرم قمت فكيتة ووديتة عند حمزة الزقازيقى فى احمد سعيد لحمو الومنيوم وغسلة وظبتة وخد 80 جنية فكنت عاوز اعرف كدة كويس ولا غالى
-
وهو على فكرة خد كدة من غير فك ولا تركيب لحام بس لانى فكيتو و ركبتو عند الميكانيكى ولسة تحت التجربة و الميكانيكى خد 30 جنية فك و تركيب فانا عشان كدة مستغلى 80 لحام بس
-
محدش رد عليا كدة كويس ولا غالى اللحام
-
يعنى انت دفعت 110 جنية... هو الرادياتير الاستيراد بكام؟
مع طبعا تحفظى على ان اللحام ب 80 جنية
MMamdouh
-
شكرا يا بشمهندس على ردك هو الجديد ب 650 والاستيراد يبدا من 400 بس المشكلة ان اصلا مفيش حد بيشتغل فى حاجتها الاستيراد غير ابو هاشم واللى كانو عندو معجبونيش الصراحة فا قولت الحم على ما اشوف واحد استيراد حالتو حلوة بس هوا المفروض اللحام بس بكام ولو بتاع الرادياراتير هو اللى فك و ركب المفروض ياخد كام
وانا لحمت عند الزقازيقى اللى فى احمد سعيد المحل اسمو حمزة الزقازيقى لانو قريب منى ولو ضرتك تعرف حد كويس قوللى عليه للافادة فى اى مرة تانية بس بالمناسبة اظن انة كان فى اكتر من خرم اظن اتنين فى ماسورتين فهل دة يفرق فى سعر اللحام ولا بيبقى واحد وشكرا جزيلا على ردودك و متابعتك وبرضو لو تعرف ادورلها فين على استيراد بالاضافة لابو هاشم اكون ممنون جدا دايو اسبيرو 94 auto
انا سالت عند هيرو فى الحرفيين قاللى ب 500 جديد فانا دلوقتى قدامى لية اسعار كتير جديد و استيراد فاية الحسن الجديد ولا الاستيراد عشان فى ناس بتقولى ان الجديد اللى فى السوق مضروب واية اللى يعرفنى انة اصلى سواء جديد او استيراد
-
انا كنت سالت قبل كده على الرادياتير استيراد بس من غير طبعا المراوح وخلافه الراجل قالى 250 جنيه وبالتركيب كمان
-
حضرتك السعر دة للاسبيرو ولا للانوس لان الاسبيرو حاجتها اغلى و حضرتك السعر دة عند مين اسال عندة للاسبيرو برضو
-
Content Relevant URLs by
vBSEO 3.6.0 PL2