| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 46

  1. #1

    الصورة الرمزية jisso82

    رقم العضوية : 13841

    تاريخ التسجيل : 29Jun2008

    المشاركات : 2,036

    النوع : ذكر

    الاقامة : المعادى

    السيارة: برسونا / Gen 2

    السيارة[2]: ريتمو / سويفت

    الحالة : jisso82 غير متواجد حالياً

    افتراضي وصلة الaux للبرسونا أو الجين و فرق الأسعار الغريب (موضوع هام عشان محدش يضحك عليك) - Facebook Twitter whatsapp انشر الموضوع فى :

    hasad">

    أول إمبارح قرررت إنى أركب وصلة الAUX فى عربيتى و لأنى ما عنديش أى معلومات عن الوصلة أكتر من اللى قريته هنا فى المنتدى و إنى شفتها مرة واحدة فى عربية العضو أحمد إبراهيم فقررت إنى أستعين بصديق و هو المهندس محمد أبو مريم ربنا يباركله على تعبه معايا و ووقته و مجهوده و الفلوس اللى اتكلفها كمان و حرقة دمه فى آخر الموضوع (حاسس بصراحة إنى كنت جاى عليه بخسارة)

    باختصار عرفت منه و من مهاب سعيد من قبله إن فى توكيلين بس معروفين بيركبوا الوصلة دى الأول فى المهندسين جنبى بس ده ما بيرضاش ينزل مليم فى السعر المعلن اللى هو 75 جنيه زى ما الناس عارفة و التانى فى مصر الجديدة و كان المهندس أبو مريم جابه من عنده ب 60 جنيه و 5 تركيب يعنى وقف ب65 جنيه فقلت أروح مع أبو مريم مش بس عشان فرق الفلوس عشان حد بيفهم فى الموضوع يقدر يختبره و يقوللى أستعمله إزاى بدل ما أركبه و أبقى جاهل فيه.

    المهم تفتكروا إن فيه عضو قال إنه ركب الوصلة ب35 جنيه برده من مصر الجديدة، أبو مريم قاللى خلينا نجيب رقمه من أيمن و نعرف ركبه فين بالمبلغ ده و احنا أولى بأى فلوس أقل و فعلا اتصل بأيمن و خد الرقم و كلم أستاذ شريف و سأله عمل الوصلة فين فى مصر الجديدة بالمبلغ ده و اتصدم لما رد عليه بإنه نفس المحل اللى أبو مريم ركب فيه الوصلة بتاعته و روحنا المحل و دخل أبو مريم سأل على الوصلة رد الراجل علطول ب 40 جنيه طبعا أبو مريم اتخض لأن دى أول كلمة طلعت من غير لا فصال و لا كلام و لا أى حاجة و راح أبو مريم فى وقتها قايل للراجل 35 جنيه و 5 جنيه تركيب يبقى كله 40 جنيه ماشى. رد الراجل ماشى مش هنختلف و ماكانش مصدق نفسه أبو مريم و جت عليه و عليا بكريزة ضحك (شر البلية) و قاللى اصبر بس لحد ما نركب و ندفع و بعدين ليا كلام تانى معاهم و فعلا ركبوا الوصلة و خلى المخرج بتاعها من درج التابلو زى ما طلبت و طولهالى و جربناها على تليفون أبو مريم و كانت تمام و شغالة الحمد لله و دخلنا ندفع الفلوس و طبعا أبو مريم بيغلى من اللى حصل ده و بدأ يتكلم مع الراجل و قاله على فكرة سمعة سيئة جدا للمحل إنه يبقى بيبيع بزمتين و كمل كلامه بإنه لسه مركب الوصلة عندهم من أسبوع ب65 جنيه فالراجل حاول يتهرب من الكلام بإن فيه منها أنواع رد أبو مريم بإنه مركب نفس النوع اللى ركب عندى الراجل ما عرفش يرد و حاول يخفف الموضوع بدعابة ساذجة بإنه مستعد يبيعهاله ب65 جنيه زى ما اشتراها فى الأول و خلص المشوار على كده بس طبعا أبو مريم كان دمه محروق جدا إنه لسه مركبها فى نفس المكان و من مدة قصيرة و يدفع الفرق ده بدون أى لازمة غير إن حظه وقتها إن اللى كان واقف واحد ما عندوش ضمير مصلح عليه.
    حبيت أنقللكم الموضوع عشان ما يتضحكش عليكم لو حبيتوا تعملوها و تعرفوا سعرها كام عشان ما حدش يشتغلكم أو يبيعهالكم بأغلى من تمنها و مرة تانية جزاك الله كل خير يا أبو مريم على اليوم ده و ما تضايقش نفسك و انسى الموضوع و أشوفك على خير قريب إن شاء الله.

    الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه


    [img2]http://img246.imageshack.us/img246/9382/tawkee3c.jpg[/img2]


  2. #2

    الصورة الرمزية أبومعاذ

    رقم العضوية : 1862

    تاريخ التسجيل : 22Aug2007

    المشاركات : 5,726

    النوع : ذكر

    الاقامة : Cairo Elobour

    السيارة: maruti

    السيارة[2]: Gen-2

    دراجة بخارية: no

    الحالة : أبومعاذ غير متواجد حالياً

    افتراضي -

    سيبك انت المهم اني شوفتك وربنا يعوض عليا إن شاء الله
    اللي مضايقني انه كان عايز يديهالي ب 75 وانا اخدتها ب 60 وكنت حاسس ان انا كدا الواد الجامد

    ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس


  3. #3

    الصورة الرمزية Osama.shihata

    رقم العضوية : 13822

    تاريخ التسجيل : 29Jun2008

    المشاركات : 1,090

    النوع : ذكر

    الاقامة : Nasr City

    السيارة: Proton Persona

    السيارة[2]: Fiat 127

    دراجة بخارية: no

    الحالة : Osama.shihata غير متواجد حالياً

    افتراضي -

    جزاكم الله خيرا يا هيثم ويا ابو مريم
    على نقل التجربة وروح المحبة بينكم

    رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ
    [img2]http://cdn2.worldcarfans.co/2007/8/medium/2070817.002.Mini6L.jpg[/img2]


  4. #4

    الصورة الرمزية jisso82

    رقم العضوية : 13841

    تاريخ التسجيل : 29Jun2008

    المشاركات : 2,036

    النوع : ذكر

    الاقامة : المعادى

    السيارة: برسونا / Gen 2

    السيارة[2]: ريتمو / سويفت

    الحالة : jisso82 غير متواجد حالياً

    افتراضي -

    اقتباس المشاركة الأصلية كتبت بواسطة أبومريم مشاهدة المشاركة
    سيبك انت المهم اني شوفتك وربنا يعوض عليا إن شاء الله
    اللي مضايقني انه كان عايز يديهالي ب 75 وانا اخدتها ب 60 وكنت حاسس ان انا كدا الواد الجامد
    باشا ولا يهمك أنا متأكد إنى لو كنت روحت لوحدى كنت خدتها ب100 عشان أنا شاطر أوى فى موضوع الفصال ده بعيد عنك

    اقتباس المشاركة الأصلية كتبت بواسطة Osama.shihata مشاهدة المشاركة
    جزاكم الله خيرا يا هيثم ويا ابو مريم
    على نقل التجربة وروح المحبة بينكم
    جزانا و إياكم يا معلم أسامة و ربنا يديم الروح دى يا رب بيننا كلنا

    الضمير لا يمنعك من ارتكاب الخطأ و لكنه يمنعك فقط من الاستمتاع به أثناء ارتكابه


    [img2]http://img246.imageshack.us/img246/9382/tawkee3c.jpg[/img2]


  5. #5

    الصورة الرمزية Eng. Rafy Samy

    رقم العضوية : 29847

    تاريخ التسجيل : 12Jan2009

    المشاركات : 1,409

    النوع : ذكر

    الاقامة : Alexandria

    السيارة: N/A

    السيارة[2]: Proton Waja

    دراجة بخارية: NO

    الحالة : Eng. Rafy Samy غير متواجد حالياً

    افتراضي -

    الف مبروك على الوصلة
    مش مهم الثمن المهم انك تستمتع بالعربية
    بس انا حبيت اوضح اني ركبتها بنفسي واتكلفت 7 جنية مصري فقط لا غير ...

    تقبل تحياتي

    لكم تحياتي واحترامي


  6. #6

    الصورة الرمزية أبومعاذ

    رقم العضوية : 1862

    تاريخ التسجيل : 22Aug2007

    المشاركات : 5,726

    النوع : ذكر

    الاقامة : Cairo Elobour

    السيارة: maruti

    السيارة[2]: Gen-2

    دراجة بخارية: no

    الحالة : أبومعاذ غير متواجد حالياً

    افتراضي -

    اقتباس المشاركة الأصلية كتبت بواسطة osama.shihata مشاهدة المشاركة
    جزاكم الله خيرا يا هيثم ويا ابو مريم
    على نقل التجربة وروح المحبة بينكم
    جزانا واياكم يا أسامة باشا وعايزين نشوفك يا عم انت

    ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس


  7. #7

    الصورة الرمزية أبومعاذ

    رقم العضوية : 1862

    تاريخ التسجيل : 22Aug2007

    المشاركات : 5,726

    النوع : ذكر

    الاقامة : Cairo Elobour

    السيارة: maruti

    السيارة[2]: Gen-2

    دراجة بخارية: no

    الحالة : أبومعاذ غير متواجد حالياً

    افتراضي -

    اقتباس المشاركة الأصلية كتبت بواسطة Eng. Rafy Samy مشاهدة المشاركة
    بس انا حبيت اوضح اني ركبتها بنفسي واتكلفت 7 جنية مصري فقط لا غير ...
    اهي دي بقى صدمة جديدة
    جبتها منين يا باشا بالسعر ده؟؟

    ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس


  8. #8

    الصورة الرمزية Eng. Rafy Samy

    رقم العضوية : 29847

    تاريخ التسجيل : 12Jan2009

    المشاركات : 1,409

    النوع : ذكر

    الاقامة : Alexandria

    السيارة: N/A

    السيارة[2]: Proton Waja

    دراجة بخارية: NO

    الحالة : Eng. Rafy Samy غير متواجد حالياً

    افتراضي -

    اقتباس المشاركة الأصلية كتبت بواسطة أبومريم مشاهدة المشاركة
    اهي دي بقى صدمة جديدة :pointiy2[2]::pointiy2[2]::pointiy2[2]:
    جبتها منين يا باشا بالسعر ده؟؟
    من محلات الادوات الكهربائية في شارع النبي دانيال في الاسكندرية..
    وكمان كنت لقيتها في راديو شاك ب30 جنية وكنت مستغليها
    وعلى فكرة انت ممكن تشتري الجاكات لوحداها وحته سلكة ( ومكوة لحام وقصدير ) مش حتتكلف اكتر من 2 جنية ...


    انا مقصدش اصدمك بس علشان الاعضاء اللي ناويين يستفيدوا

    تقبل تحياتي

    لكم تحياتي واحترامي


  9. #9

    الصورة الرمزية أبومعاذ

    رقم العضوية : 1862

    تاريخ التسجيل : 22Aug2007

    المشاركات : 5,726

    النوع : ذكر

    الاقامة : Cairo Elobour

    السيارة: maruti

    السيارة[2]: Gen-2

    دراجة بخارية: no

    الحالة : أبومعاذ غير متواجد حالياً

    افتراضي -

    اقتباس المشاركة الأصلية كتبت بواسطة eng. Rafy samy مشاهدة المشاركة
    من محلات الادوات الكهربائية في شارع النبي دانيال في الاسكندرية..
    وكمان كنت لقيتها في راديو شاك ب30 جنية وكنت مستغليها
    وعلى فكرة انت ممكن تشتري الجاكات لوحداها وحته سلكة ( ومكوة لحام وقصدير ) مش حتتكلف اكتر من 2 جنية ...


    انا مقصدش اصدمك بس علشان الاعضاء اللي ناويين يستفيدوا

    تقبل تحياتي
    تقبل انت تحياتي يا باشا على المجهود الحلو ده بس مش كنت تقولنا قبل ما نلبس :b4_556:

    ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس


  10. #10

    الصورة الرمزية ahmedsiyam

    رقم العضوية : 5334

    تاريخ التسجيل : 07Feb2008

    المشاركات : 1,474

    النوع : ذكر

    الاقامة : cairo

    السيارة: proto - persona

    السيارة[2]: fiat bravo

    دراجة بخارية: لا يوجد حاليا

    الحالة : ahmedsiyam غير متواجد حالياً

    افتراضي -

    hasad">

    طيب من فضلكم انا عايز عنوان الراجل ده اروح اركب عنده الوصلة او تليفونه اذا امكن

    لا اله الا انت سبحانك انى كنت من الظالمين



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟
    بواسطة dinow في المنتدى المنتــــــدى العـــــــــــام للسيــارات
    مشاركات: 160
    آخر مشاركة: 17-01-2013, 07:47 PM
  2. حد عمل وصلة الaux فى الجين تو؟؟؟ سؤال هام جدا
    بواسطة كابوس الليل في المنتدى بــروتـــون
    مشاركات: 6
    آخر مشاركة: 19-12-2012, 05:13 AM
  3. سؤال فى وصلة الaux
    بواسطة Patrickologyy في المنتدى قســـم الصوتـــيات
    مشاركات: 13
    آخر مشاركة: 01-08-2012, 05:29 AM
  4. إحسب القسط صح و ماتخليش حد يضحك عليك
    بواسطة Hegazio في المنتدى المنتــــــدى العـــــــــــام للسيــارات
    مشاركات: 25
    آخر مشاركة: 26-09-2009, 12:14 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2