والله حرام بجد لما الواحد يشترى عربيه تريوس ب 125 الف فى شهر 6 2009 وتكون فى شهر 4 2010 ب 115 يعنى كده الشركه خسرتنا 10 الاف جنيه من غير من بيع
حد عارف ليه تنزل كده مره واحده ؟
عشان فيها عيوب ولا ايه وكده اعمل ايه انا بقى فى الخساره دى ؟
عرض للطباعة
والله حرام بجد لما الواحد يشترى عربيه تريوس ب 125 الف فى شهر 6 2009 وتكون فى شهر 4 2010 ب 115 يعنى كده الشركه خسرتنا 10 الاف جنيه من غير من بيع
حد عارف ليه تنزل كده مره واحده ؟
عشان فيها عيوب ولا ايه وكده اعمل ايه انا بقى فى الخساره دى ؟
هو فعلاً المقاطعة و الأزمة العالمية عملوا تأثير
بس حضرتك بتتكلم على التيريوس ... هي عربية مش مطلوبة في السوق بالنسبة لعربيات تانية كتير رخصت برضه... انا عارف ان ان التيريوس رخصت مبلغ كويس ... بس مش لوحدها
كنت شاري فيرنا هاف ب66 شهر اكتوبر 2007
دلوقتي الهاف بتاعتها ب 62
مع ان العربية مطلوبة جداً !!
بس هل الاوبشنز اللى فى عربيتك هى هى اللى فى الموديل اللى ب 115 دلوقتى؟
ممكن اعرف مواصفات عربيتك ايه اللي اشتريتها بــ 125 الف
ومواصفات العربيه اللي بتتباع بــ 115 الف
لأن الكلام ده انا اول مره اسمعه
واضح اني رديت قبل ما المعلومة تتأكد...اعذروا جهلي
الكلام ده بقاله فتره طويله
و النزول في السعر ده مقابل لازاله بعض الاوبشنز
بمعني انهم فرطو الاوبشنز علي العربيه و كل فئه ليها سعر و يبدء من 116 الف مش 115
و كلامك و شكوكك انها فيها عيوب او حاجه حضرتك شاري العربيه و المفروض تقولنا انت هل العربيه "معيوبه" ولا لأ
متعملش حاجه ده حال العربيات
اللي بيشتري عربيه علشان يحتفظ بقيمه الفلوس غلطان
العربيات سعرها بينزل
و mahora سؤاله ليك صح
ايه الاوبشنز اللي في عربيتك و ايه اللي في الفئه الارخص اللي ب 116
انا مش بتبالى على الشركه ولا بكتب الكلام ده قبل مسال
انا كلمت النهارده قبل معمل التوبيك ده للمبيعات وسالتهم على الاوبشن فى العربيه الى ب 116 وقالولى عليها الى هيا بالضبط الى عندى اتومات زجاج ملون وكهربا
وقالى اان عربيتى مختلفه بس مختلفه فى الموديل يعنى اختلاف فى الاسم بس وكمان قالى خامات مختلفه معنى كده انهم قللو الجوده مثلا ؟
اخيرا وليس اخرا انا مش بجيب عربيه عشان احفظ فيها فلوسى بس لما موديل 2010 يبقى اقل من مديل 2009 ب 10 الاف جنيه دى اكيد هياثر عليا فى سعر اعاده البيع يعنى انا لو ببيع وواحد 2010 بيبع هيبع اقل منى وعربيه اجدد
حد فاهم ؟
الشركه المفروض تعوض كل الى اشترى التريوس 2009 بالفرق النزول ده
والمفروض كل الملاك للتريوس يشاركو معاياي وانا مش هسيب حقى بسهوله
او انها تبقى اخر تعامل ليا ولل الى اعرفهم مع دايهاتسو لانها شركه غير محترمه وبتخسر الى يشتريها
كده كلامك مفهوم و ده للاسف الحال
دايما الشركات لما بتيجي تنزل موديل جديد محدش بيعرف و اللي اشتري بيكون خسران نفس خسارتك
ربنا معاك و معانا بس مش مسأله دايهاتسو بس للاسف كل الشركات كده
اخي الكريم مش مسألة بتتبلى على التوكيل او غيره ولكن كل حاجه لها تفسير ان شاء الله
اولا معنى كلمة ان الخامات مختلفة فده لا اجد له تفسير واحد عندي غير ان العربيه متبقاش ياباني بس
لأن اليابان صعب تنزل عربيه بخامات مختلفة ولأن معايير الأنتاج عندهم واحده لو عاوزين ينزلوا في السعر بينتجوا في بلد اخر ولكن ليس اليابان فلو الكلام ده صحيح فعلا يبقى تفسيري الوحيد له ان العربيه متكونشي ياباني
وبعدين لو عاوز تتكلم عن مسألة نزول سعر اي عربيه عن موديل السنة التي قبلها فمتهيألي اخر عربيات ممكن تتكلم عليها في الموضوع ده هيا الياباني عموما
مش علشان الياباني حلو او جميل ولكن علشان دي سياسة اليابانيين في توكيلاتهم كلها انهم لازم يعززوا عربياتهم ولما ينزلوا موديل جديد لازم يحافظ على الموديل القديم له ويبعد عنه في السعر وده له أمثلة كتير في السوق المصري بتاعنا وشئ معروف في السوق
ثانيا لو الخسارة 10 الف جنيه في العربيه وفي اختلاف كمان يعني مش نفس العربيه على كلام التوكيل لك وتبقى شركة غير محترمة علشان كده
فاعذرني يبقى كل الأوروبي شركاته غير محترمه من زمان قوي قوي
في عربيات حضرتك بتنزل نص ثمنها مش 10 الاف جنيه فقط
فانا رايي ان الشركة محترمه او غير محترمه مقياسها لا يقاس هكذا وده رايي
وتقبل تحياتي