مشكلة فى صوت كاسيت الفرنا بسماعات كينود و بيونير!!

**SAMEHNOSHI** · 14-04-2010 03:08 PM

يا جماعة اشتريت فيرنا من 5 شهور فيها سى دى رودستار واول حاجة عملتها غيرت سماعتها الجولدى التعبانة بسماعات كينود 400 ورا و بيونير قدام.
فى الاول الصوت كان ممتاز و نقى و البيز و التربيل كانوا جمال جدا... من اسبوعين اصبح صوت الكاسيت مكتوم و واطى فى كل السماعات و الصوت بقى سيىء انا جربتهم سماعة سماعة و كلهم صوتهم بقى واطى و مكتوم ...انا قلت مش معقولة كلهم باظوا مرة واحدة يبقى اكيد العيب فى الكاسيت ...رحت توكيل رودستار قالى الكاسيت شغال و سليم و المشكلة فى السماعات!!!! طلبت منة يجربلى كاسيت تانى على سماعاتى رفض... انا متاكد ان المشكلة فى الكاسيت و ان حصل حاجة فية خلت صوتة بقى سيىء و مش عارف اعمل اية للناس دى!!!
يا ريت يا جماعة محدش يقولى امكانيات الكاسيت كدة لانى انا جربتة 4 شهور و كان الصوت كويس جدا.
حد حصلة حاجة كدة و يقدر يفدنى؟؟؟ و هل ممكن يبقى العيب من السماعات ذى ما بيقول؟؟ معقولة الاربعة يبوظوا مرة واحدة؟؟؟

**dr_7oot** · 14-04-2010 04:00 PM

بسيطه ان شاء الله يا باشا
اتأكد من الاوبشنز بتاعت الكاسيت
و اهمها ال loud اتأكد انه on
و بعدين بص علي باقي الاوبشنز اللي همه البيز و التربل و كده

**SAMEHNOSHI** · 14-04-2010 04:20 PM

المشاركة الأصلية كتبت بواسطة dr_7oot

بسيطه ان شاء الله يا باشا
اتأكد من الاوبشنز بتاعت الكاسيت
و اهمها ال loud اتأكد انه on
و بعدين بص علي باقي الاوبشنز اللي همه البيز و التربل و كده

متشكر على مساعدتك يا باشا.... انا جربت كل دة طبعا قبل ما اروح التوكيل... دا انا جبت كاتلوج الكاسيت و قريتة سطر سطر و جربت كل حاجة... لما بزود البيز بيطلع صوت مكتوم بدل صوت الطبلة.

**m7mda7md** · 14-04-2010 05:57 PM

طب جرب الكاسيت علي سماعات حد من اصحابك

**mshmshm3** · 14-04-2010 07:45 PM

حرااااام عليك تركب السماعات دي على كاسيت رود ستار هات سوني ولا بايونير وارمي الرودستار ده

**M.Osman** · 14-04-2010 08:33 PM

هو اكيد من الكاسيت.... السماعات صوتها هيتكتم فجأة ازاي بس ... ؟؟ و كلها كمان ؟؟

هو اصلاً كاسيت نوعية تعبانة آخر حاجة ....

انا في خلال شهرين كنت مغيره بس لسة مغيرتش السماعات ... تخيل كاسيت كينوود على سماعات جولدي...ههههههه

**SAMEHNOSHI** · 15-04-2010 11:30 AM

متشكر يا جماعة على ردودكم و محاولتكم مساعدتى ... انا حولت اجرب كاسيت تانى و اجرب الصوت لاقيت الدفيرة مختلفة رحت لواحد بتاع كاسيتات قالى لازم نقطع فى الاسلاك علشان نركب و نجرب. ..مش عارف اعمل اية دلوقتى... ممكن لو عملت كدة يتلككولى فى الضمان!!! يعنى يدونى كاسيت تعبان ولما يبوظ ميصلحهوش و ينكروا انة بايظ و لو انا غيرتة اخرج برة الضمان!!!! بجد حاجة تقرف

**Bayoumi** · 16-04-2010 04:45 AM

السلام عليكم
بص يا باشا انا اول ما جبت العربية دي رميت الكاسيت الزبالة بناعها ده (بعته بخمسين جنيه والله) المهم جبيت كاسيت بايونيير p5050 من دبي مكانش لسه نزل مصر بس هو دلوقتي موجود في مصر وموجود الموديل الاجدد منه كمان اللي هو 5060 بس روح لاي واحد بتاع كاسيتات هايقولك الكاسيت ده حكاية وجبت طقم سماعات بيونير 400 وجي ام 300 واط وسماعتين بيبان 140 واط والكلام اختلف تماما بس هو عامة نصيحة مني غير الكاسيت الزبالة ده ولو في اي استفسارات مفيش مشاكل

**m7mda7md** · 16-04-2010 12:07 PM

المشاركة الأصلية كتبت بواسطة Bayoumi

(بعته بخمسين جنيه والله)

انا بعته ب 200 جنيه

**M.Osman** · 16-04-2010 02:37 PM

المشاركة الأصلية كتبت بواسطة Bayoumi

السلام عليكم
بص يا باشا انا اول ما جبت العربية دي رميت الكاسيت الزبالة بناعها ده (بعته بخمسين جنيه والله) المهم جبيت كاسيت بايونيير p5050 من دبي مكانش لسه نزل مصر بس هو دلوقتي موجود في مصر وموجود الموديل الاجدد منه كمان اللي هو 5060 بس روح لاي واحد بتاع كاسيتات هايقولك الكاسيت ده حكاية وجبت طقم سماعات بيونير 400 وجي ام 300 واط وسماعتين بيبان 140 واط والكلام اختلف تماما بس هو عامة نصيحة مني غير الكاسيت الزبالة ده ولو في اي استفسارات مفيش مشاكل

معقولة 50 جنيه بس ؟؟

انا كدا كدا سايبه عشان لما اجي ابيع العربية مش هبيعها بالجديد اللي جبته

الموضوع: مشكلة فى صوت كاسيت الفرنا بسماعات كينود و بيونير!!

LinkBack

أدوات الموضوع

عرض

-

-

-

المواضيع المتشابهه

لخبراء بيونير تسعير كاسيت بيونير 3050

مشكلة فى فيرنا و سماعات كينود و بيونير

بيع كاسيت كينود 333v واربع سماعات كينود 450 w

كاسيت سونى بسماعات كينوود للبيع

مشكلة فى كاسيت بيونير

الكلمات الدلالية لهذا الموضوع

المفضلات

المفضلات

ضوابط المشاركة