حد يعرف حاجة عن الoff road trips رحلات خارج الطريق فى مصر
واحلى رحلة قمت بيها خارج الطرق العادية
اية اقرب احلى مكان ممكن الواحد يروحة
خلاصت من زحمة القاهرة والطرق العادية وعايز اماكن جديدة
وياريت لو حد قام برحلة يقولنا عنها:s1[1]:
حد يعرف حاجة عن الoff road trips رحلات خارج الطريق فى مصر
واحلى رحلة قمت بيها خارج الطرق العادية
اية اقرب احلى مكان ممكن الواحد يروحة
خلاصت من زحمة القاهرة والطرق العادية وعايز اماكن جديدة
وياريت لو حد قام برحلة يقولنا عنها:s1[1]:
أولا أهلا بيك يا باشا.. و أنا بحييك على أنك أثرت الموضوع ده....
أخوك... العبد لله... بيطلع (تقريبا) كل اسبوع....
بقضي الويك اند في الصحرا... مش بطيق القاهرة... و لو ينفع.. أعيش هناك علطول و مرجعش أبدا....
بالنسبة لأقرب مكان... وادي الريان - بعد الفيوم...
و عادة بروح من طريق اسيوط الغربي مش من طريق الفيوم... و بدخل أسفلت الريان من الناحية التانية....(من عند مصنع السكر الكبير اللي على أسيوط الغربي)
يمين مسافة 25-30 كيلو... و بعدين بننزل في الصحرا... جنوب غرب البحيرة...
بعد ما بنعدي 4-5 غرود... بنختار مكان نعسكر فيه...
و بنقضي الليل هناك.... و طبعا عند الغروب بنعمل hiking على ضوء القمر....
أحلى رحلة off-road عملتها مرتين لحد دلوقتي... كانت من وادي الريان للواحات البحرية....
حوالي 180 كيلو صحراااااااا بسسسسس... طبعا بتكون مرهقة جدا... بس أكتر من ممتعة....
و أي سؤال أنا تحت أمرك....
انا بشكرك جدا جدا جدا جدا ان فى حد رد عليا:E_braces[1]:
وقريب هجرب الرحلة القلت عليها لوحدى عشان انا عاشق المغامرة
ولو ممكن بس خريطة للطريق او lattuide اكتبها للجى بى اس عشان اكون عارف الطرق بالتحديد:lurk5:
بس انت بتقوم بالرحلة دى مع مين ولا انت والاسرة فقط
بشكرك مرة تانية ان فى حد رد عليا وعرفنى ان فى ناس نفسها فى off the road trip مش انا بس:fun_36_3_4[1]:
متابع الكلام الجامد ده
ماشاء الله كلام جامد جدا جدا منكم انتو الاتنين
مغامرة لذيذة
ربنا معاكوا
يافندم أنا اللي اتبسطت جدا جدا لما لقيت حد بيسأل في الحوار ده... عشان قليلين أوي اللي بيفكروا فكر الoff-road في مصر....
أنا بقوم بالرحلات ديه بعربيتي مع الأصحاب....
و منصحكش أبداااااااااااااااااااا تعملها لوحدك حتى لو معاك أحدث جهاز GPS ...
الصحرا مش GPS و بس.... الصحرا علامات...و اتجاهات... و بوصلة و خريطة... و آخر حاجة GPS ...
العملية Navigation أكتر منها أي حاجة تانية... و الNavigation ده عايزلو زيارة للمكان مع حد عارفو كويس مرة و اتنين و تلاتة و اربعة و عشرة....
على أد ما الصحرا ممتعة... على أد ماهي مخيفة.. و ياما بلعت ناس.... و ياما ناس خبراء تاهوا فيها...
الغرود الرملية كتير شكلها و أماكنها بنروح نلاقيها متغيرة....الجبال هي الثوابت الوحيدة اللي هناك....
كمان فيه نقطة تانية.... القيادة الoff-road مختلفة تماما عن أي نوع قيادة جربته أو هتجربه في حياتك...
experience غريبة جدا...
و لازم يكون معاك المعدات اللازمة للطواريء.... زي ال sand-mats اللي هو الحصر الحديد بتاع الرملة... و جواريف... و لستة طويلة...
أنا مش قصدي أعقدك... بس الموضوع فعلا مش بسهولة رحلة للساحل الشمالي....
و لو تحب تسأل في أي حاجة... أنا هحاول أفيدك بقدر معرفتي...
تنورني.. و بتكلم جد... و مش عزومة مراكبية...
الموضوع مش معقد خالص... بس ليه أصول... زي السباحة بالظبط...
ممكن تسأل واحد... يقولك السباحة ديه... متعة... و تحفة ... و تجنن...
وواحد تاني يقولك ديه غرق.... و موت...
كل واحد حسب إجادته للسباحة....
نفس الفكرة... الصحرا لو متعرفهاش... هتبلعك و هتتوه فيها... و تكرهها كمان تتعقد منها....... لو تعرفها.... هتستمتع بأجمل وقتك فيها... هتحس أكنك زرت كوكب تاني....
انت بتكلمنى عن حجات الصراحة اول مرة اسمع عن الغرود الرملية انا فى المشاركة الاولى افتكرتها كلمة مكتوبة غلط واستنتجتها فى المشاركة الفى الاقتباس:U_thin1[1]::wink:
بس ممكن بس سؤال صغنن انت من زمان بتمارس المغامرات دى او اتعلمتها منين وازاى اصدقائك عرفو الرحلة دى وجربوها منغير ميتوهو فى الصحرا:B4_564:
احسن حل تحجزلى انا وابو صلاح كرسيين على اول رحلة هتقوم بيها عشان انت كدة فتحت على نافسك باب اسئلة مينتهيش مش بعيد تزهق منى من كتر الاسئلة:L_bhuhhh[1]:
مافيش زهق ولا حاجة... احنا كلنا اخوات.... و مادام بتحب المغامرة يبقا أكيد هتتبسط من الحاجات ديه...
أنا اتعلمت من واحد صاحبي كان شغال guide و navigator في الأساس... و ليه تاريخ طوييييييييييييل جدا في الصحرا....
و الحق يقال...برغم كل اللي اتعلمته... الا اني لسة بتعلم... الصحرا ديه بحر كبير أوي... و متقدرش تتعلمها في يوم ولا يومين....
و طبعا most welcome يا باشا أنكو تشرفوني في رحلة من الرحلات... و بتكلم بجد جدا...
بس اعملو حسابكو.... مش هيكون فيه أي نوع من أنواع الحياة... ولا عمار... و لا أسفلت... و لا شبكة موبايل... ولا أي حاجة... على مرمى البصر... ولا حتى بعد مرمى البصر بكيلوهات....