لو سمحتوا انا عايز اشترى عربيه يابانى تكون فى حدود 50 الف كحد اقصى وتكون شباب وحالتها نضيفه وفيها تكيف وباور
عرض للطباعة
لو سمحتوا انا عايز اشترى عربيه يابانى تكون فى حدود 50 الف كحد اقصى وتكون شباب وحالتها نضيفه وفيها تكيف وباور
هو مش ده منتدى اليابانى برضوا ولا انا جيت غلط
لانسر كريستاله
هوندا سيفيكاوائل التسعينات او اواخر التمانينات .. لانسر كريستالة
ما هو انا لو هشترى يبانى يبقى انشاء الله الهوندا سيفيك بس عايز اعرف عيوبها وياريت لو حد يعرف اسعار قطع غيارها
وممكن كمان كورولا 97
مفيش سيفيك ب 50% و غالبا بتبقى طالعه من ايد شاب هالكها! اشتري تويوتا عيون
هوندا سيفك
ياجماعة انتوا مش واخدين بالكوا من حاجة سيارة سيفيك مع شاب يعنى بيبقى عارف هو راكب اية ,يعنى على كلامكوا هيبهدلها بس اى حاجة هاتحصل فيها هتلاقية بيعملها فورا ونادرا لما بتلاقى سيارة سيفيك عطلانة على الطريق ودة اللى انا بتكلم فية السيارة اللى بيركبها شاب فاهم العربية اللى تحت ايدة بياخد منها كل حاجة بس بردة بيديها اللى هية عايزاة
اهم حاجة تكون سليمة شاسية ومش عاملة حادث لاقدر الله ادى الى تغير ربع او نص للسيارة دية اهم حاجة فى العربية وبعد كدة تشوف حالة الماتور ومواتير الهوندا معروفة بقوتها وبتفضل شغالة لحد 400 الف كيلو من غير ماتطلب حاجة ,واخيرا شوف العفشة اخبارها اية ولو لقيت فيها مش مشكلة امرها بسيط جدا وبتتصلح فى اقل من يوم
يبقى حضرتك تحط فى اعتبارك لما تيجى تشوف عربية تبص على الحاجات دية والاولوية بالترتيب :
1:شاسية العربية (لا يوجد فية تهاون يامظبوط يامتشتريش)
2:ماتور (عايز تعملة اعملة بس نزل من تمن العربية)
3:العفشة
اى عربية راكبها انسان بيبهدلها سواء كبير او صغير المهم يحافظ عليها ودة اللى انت تدور علية حاجة نظيفة