ارجو الافادة .........

**myself112** · 14-04-2010 07:09 PM

سؤال يا جماعة , وارجو ان حد يفيدنى ...
دلوقتى انا جبت عربية تيوتا ياريس و لما رحت اظبط زوايا و كده , الراجل قالى ان فى فردتين كاوتش لازم يتغيروا ... المهم غيرهم بفردتين جداد , بس مش نفس النوع الى راكب فى العربية ..
المشكلة دلوقتى بقى ان العربية وانا ماشى فى اى شارع مكسر , بحس انها بتنطط جاااااااااامد , فهل ده ممكن يكون سببه موضوع الكاوتشات ولا ممكن يكون ضغط الكاوتش انا مش عمله مضبوط ..

دلوقتى المفروض على حسب كلام المانيول بتاع العربية ان ضغط الكاوتش 32 , فده الى انا عامله مالى الاربع فرد نيتروجين على 32 , لكن هل ممكن يكون ضغط الفردتين الجداد مش 32 , ولو عايز اتأكد , اتأكد ازاى ....
و لو فرضنا ان ضغط الفرد الجديدة مش 32 هل ينفع اظبط فردتين على 32 و فردتين على ضغط تانى .... والله انا مش فاهم حاجة خااالص و يا ريت حد يفهمنى .

**SAMEH_FOUAD** · 14-04-2010 07:19 PM

روح لأى واحد بتاع كاوتش بس يكون محل كبير ومحترم وموثوق فى الاجهزة بتاعتة وخلية يظبطلك الكاوتش على 30 امامى وخلفى نيتروجين هتلاقى الدنيا ظبطت معاك جامد

**myself112** · 15-04-2010 03:22 AM

المشاركة الأصلية كتبت بواسطة Ahmed Galal

ال 32 بينطط العربية خليها 30 و 28 هايكون اريح كمان و خلى معاك عداد ضغط ب 15 جنيه من شارع الجمهورية و شيك بنفسك على العجل

يعنى اخلى الكاوتش الى ورا ( الاصلى بتاع العربية ) على 30 , والامامى على 28 ( الجديد ) .
هو ده الى حضرتك تقصده .؟

هجرب كده و ان شاء الله يكون فى تغير .....

و متشكر جدا يا رجالة , و ادعولى

بقى الدنيا تظبط لانى اتخنقت ...

**Ahmed Galal** · 15-04-2010 06:30 AM

المشاركة الأصلية كتبت بواسطة myself112

يعنى اخلى الكاوتش الى ورا ( الاصلى بتاع العربية ) على 30 , والامامى على 28 ( الجديد ) .
هو ده الى حضرتك تقصده .؟

هجرب كده و ان شاء الله يكون فى تغير .....

و متشكر جدا يا رجالة , و ادعولى

بقى الدنيا تظبط لانى اتخنقت ...

لا كل كوتش العربية خليه ضغط واحد كله لازم يبقا زى بعضه انا عربيتى الكورولا كانت بتتنطط جامد على ال 30 بس جنوطى 13 خليتها 28 بقت ممتازة اما اعربية حضرتك جرب 30 للعجل كله لو لسه ناشفة انزل لل 28 انا ما كنتش متخيل ان من 30 ل 28 هيهدى العربية عندى كده و باشيك دوريا على العجل بالعداد و عندى منفاخ كهربا يعنى الحمد لله ما باشفش وش بتوع الكوتش و ربنا يبعدنا عنهم