انا لمة اجى افرمل على سرعات عالية 120 ولمة ادوس على دواسة الفرامل واضغط عليها بحس ان العربية بتعوم وبمسك الدريكسون جامد بحس الدريكسون بيروح يمين وشمال
عرض للطباعة
انا لمة اجى افرمل على سرعات عالية 120 ولمة ادوس على دواسة الفرامل واضغط عليها بحس ان العربية بتعوم وبمسك الدريكسون جامد بحس الدريكسون بيروح يمين وشمال
ظبط زوايا و رصص الاول
اطمن علي مستوي زيت الفرامل
اكشف علي الطنابير و التيل
فعلآ زي ماقال ليك روميو اهم شيئ رصص الاول
وبعد كده اعمل ضبط زوايا
بتروح يمين وشمال يبقى عندك ضغط الفرامل مختلف فى العجل
بص وانتا ماشي علي سرعة 120 بتلقي الدركسيون بيتهز جامد قبل ما تضرب فرامل لو الدركسيون بيعمل كده يبقا لزم ترصص وتعمل ضبط زوايا لكن غير كده شوف بقا العيب منين
شكرااا جداااا انا هروح اضبط زوايا وان شاء الله خير
هو الترصيص فى العجل الى قدام بس
لا الاربعة
شكرااا جدا ياباشا
ده ممكن يكون للاسباب الاتية
(1) عجل امامى مفتوح .. ضبط زاوية ..
(2) لو العربية دى لبست قبل كده لاقدر الله .. شاسيه مفتوح .. و علاجه تقديم او تأخير عجلة من اللى قدام .. عند اللى بيظبط زاوية .
(3) جهاز فرامل بيمك قبل التانى .. تنظيف اجهزة الفرامل .. و تغيير الكاوتشة الداخلية لو وحشة
(4) اما لو الموضوع غربلة شديدة و انت يتضرب فرامل من غير عومان .. ينقى طنبور وحش .. او بيضة مبوشة
انا كان عندى نفس الحوار ورحت ظبط زوايا وترصييص وبقت زى الفل
دي مشكلة زوايا .. أو عواميد الإتزان .. قبل ضبط الزوايا اكشف على العفشة بالكامل
شكراا جدا ليكوااا انا هروح اضبظ زوايا ان شائ الله
زوايا بنسبة 60% والله اعلم...
شوف ياباشا الحل بسيط جدا انت قبل اى حاجة لروح للميكانيكى بتاعك خلية ياخدلك هواء من الاربع عجلات وخد العربية وجرب نفس الكلام اللى قالة الاستاذ محمود صلاح
لو لقيت العيب مارحش يبقى حضرتك هتكشف على الاربع مساتر والخراطيم بتاعتهم
الكلام دة اسباب الحدفة يمين وشمال مع الفرامل
الترصيص ياباشا يظهر امتى ؟
لما تكون حضرتك وتجيب فوق ال80 بتلاقى العربية بدأت ترعش والدركسيون بدأ يرعش فى ايدك كلما زادت السرعة ولما تيجى تدوس فرامل بتلاقى بردة البدال بيرعش
امتى تكون طنابير ؟
لما تيجى تبقى جايب سرعة بعد ال80 وتيجى تدوس فرامل بتحس بغربلة جامدة تحت رجلك حتى لو بتهدى مش لازم تضغط جامد
تانى حاجة :البدال بيبقى فية عالى وواطى يعنى مرة تدوس على الفرامل تلاقيها عالية ومرة تانية بعديها على طول تلاقيها واطية
دية اعراض اى هزة او غربلة مع الفرامل
يارب اكون قدرت اوضح الصورة
شكرااا جداا ليكواا