الموضوع: بالنسبة لتفتيح الموتور

المشاركة الأصلية كتبت بواسطة medoakef

ولله هو حضرتك ممكن واحد يمشي 100 الف كيلو من غير ما يفتح الموتور لانه مش بيقرص عليه اصلا
لو حضرتك مش من هواه الجري متفتحهوش ولا حاجه نفض خالص
بس لو عاوز تاخد اقصي قوه للموتور حضرتك هتطلع علي طريق فاضي و تهدي خالص و بعدين تدوس الكيك دون (اخر الدواسه)العربيه هتحرق بقا علي النقلات كلها و تجري جامد هتوصل ل160 170 مثلا و تلاقيها هديت شويه هدي العربيه ل120 و اكبس تاني و اعد كاكي ليها كدا لغايت ما تقفل العداد او توصل ل200 يعني لغايت ما تحس ان معتشي في المكنه روح خلاص بعديها تهدي و تمشي عادي هتحس ان اداء العربيه علي و الصوت لو كان ديفل او خشن شويه هتليقه هدي
ولكن الموضوع ده خطير زي ما حضرتك شايف يعني لو انت مش بتوع الجري عادي خالص متهتمش بموضوع فتح الموتور

المشاركة الأصلية كتبت بواسطة Cutevampire

معلش يا جماعة انا كنت قريت في موضوع هنا عن التفتيح برضه
بطريقة تانية (مش عارف صح و لا غلط)... للاسف مش عارف لنك الموضوع القديم
انا فاهم الآتي :
- تنقل الفتيس علي ستيبترونيك
- ناخد النقلة الاولي مثلا : نجري لغاية لما نجيب اخر النقلة ( الار بي ام يحيب اخره قبل المنطقة الحمراء) و نقف دقيقة و بعد كدة ننزل للصفر و نكرر الموضوع ده 10 مرات مثلا
- نفس الخطوة اللي فاتت لكل النقلات

زي ما قلت انا مش عارف الطريقة دي صح و لا غلط

مشكورين جداً عل معلومات يا جماعة.. بس بالنسبة لأول شرح طيب ماهو كدا بيشتغل على النقلة التالتة والرابعة بس ...

و بالنسبة للشرح التاني، طيب ازاي نعمل نفس الموضوع للتاني أجي على تاني نقلة واعض أرفع ال-rpm ونزلو ؟

و اه رايكو في موضوع ان التفتيح دة يتعمل والعربية مرفوعة ؟

مفيش حد يا جماعة يفدنا في موضوع التفتيح والعربية مرفوعة دة ؟

دي مشاركه ليا في موضوع عن التفتيح, فيها شرحي لطريقة التفتيح (من وجهة نظري) بشكل مفصل...

يا رب تفيدك...

يا باشا التفتيح مش لعب في الموتور ابدااا...

دي كلمه (تعبير مجازي) عن انك تعود الموتور على سرعة الاستجابه, بعيدا عن الشرح الهندسي الرخم...

الموضوع ببساطه من وجهة نظري و ده اللي انا عملته في عربيتي
و جربته أكتر من مره و هو و بالبلدي كده...

فتح العالي الأول (يعني من فوق) ابتداء من النقله الرابعه و هتعمل كالاتي...

تمشي على طريق هاي واي كويس كده, و اول ما العربيه تجيب الرابع, ابدأ زود (أكبسلها) بدون كيك داون, شويه لحد ما تجمع سرعه و خف رجلك على البنزين لحد ما تنزل لسرعه أقل (بداية الرابع مثلا) و أكبسلها تاني و هكذا... كام مره و ابدأ فتح الثالث و بعده الثاني.... بنفس الشكل

تغيير عدد لفات الموتور (بالزياده او بالنقصان) لنفس النقله هو ده معنى كلمة التفتيح من وجهة نظري...

طبعا مش من أول مره, هتحتاج كذا مره لأنك مش هتاخد وقت في المره الواحده أكتر من ساعه مثلا او ممكن أقل... 4-5 مرات لكل نقله في كل مره مثلا...

كده هتخللي سرعة استجابة الموتور و التجميع لكل الغيارات (النقلات) سريعه و ممتازه بجد

و يحبذ انك تسافر سفريه حلوه كده, الموضوع هيكون أفضل نظرا لأنك كده كده مسافر فماشي على هاي واي...

في ناس بتقول الأوتوماتيك مابيتفتحش, و في ناس بتقول مافيش حاجه اسمها تفتيح أصلا..
الموضوع ده مدارس, يعني بيختلف المفهوم و الأسلوب من شخص للتاني, بس المفروض ان الهدف واحد...

دي وجهة نظري ببساطه و أنا عملت ده بالفعل في السيراتو و غيرها و النتيجه 100%

يا رب أكون قدرت أشرح الموضوع بشكل مبسط و مفهوم...

و ده لينك الموضوع, و مواضيع اخرى عن التفتيح...

http://www.nilemotors.net/Nile/116812-sx-550-a.html

و ده عن التليين و التفتيح بردو...

http://www.nilemotors.net/Nile/129557-a.html

و يا رب اكون قدرت افيدك يا باشا...

المشاركة الأصلية كتبت بواسطة ghazy12

دي مشاركه ليا في موضوع عن التفتيح, فيها شرحي لطريقة التفتيح (من وجهة نظري) بشكل مفصل...

يا رب تفيدك...



و ده لينك الموضوع, و مواضيع اخرى عن التفتيح...

http://www.nilemotors.net/nile/116812-sx-550-a.html

و ده عن التليين و التفتيح بردو...

http://www.nilemotors.net/nile/129557-a.html

و يا رب اكون قدرت افيدك يا باشا...

باشمهندس غازي ! كفاية ردك والله نور الموضوع من غير حاجة :)

مشكور جداً عل معلومات المفيدة.. بس اه رأي حضرتك في موضوع التفتيح والعربية مرفوعة؟

المشاركة الأصلية كتبت بواسطة xshadow

باشمهندس غازي ! كفاية ردك والله نور الموضوع من غير حاجة :)

مشكور جداً عل معلومات المفيدة.. بس اه رأي حضرتك في موضوع التفتيح والعربية مرفوعة؟

العربية و هي مرفوعة ما بتحملش على الموتور زي وهي على الارض, الموتور بيبقى مطلوب منه انه يلف العجل و بس, حتى انت هتلاحظ ان السرعة بتزيد مع اقل دوسة بنزين بشكل سريع جدا.

بالتالي الموضوع مهواش خطير قوي من ناحية درجة الحرارة, وكدة كدة خلي عينك على العداد, لو حصل و زاد حبة مش حتبقى مشكلة.

نقطة تانية بخصوص امتى الواحد يقتح موتور العربية, انا مع المدرسة اللي بتقول اول ماتخدها من المعرض و قبل ماتروح اساسا, و تغير الزيت بدري بدري لاول مرة, عشان تخلص من الرايش وخلافه (ولو ان موضوع الرايش ده مش مشكلة اوي زي زمان, نتيجة تطور صناعة المواتير)