السلام عليكم ورحمة الله وبركاته
برجاء من الأعضاء الكرام ممن جربوا الأنواع الثلاثة يوضحوا لنا رأيهم بالترتيب في أقوى صاج في السيارات الآتية: رينو لوجان، بروتون ساجا، سبرنزا a516
عرض للطباعة
السلام عليكم ورحمة الله وبركاته
برجاء من الأعضاء الكرام ممن جربوا الأنواع الثلاثة يوضحوا لنا رأيهم بالترتيب في أقوى صاج في السيارات الآتية: رينو لوجان، بروتون ساجا، سبرنزا a516
انت مختار ثلاثة صاجهم أقوى من بعض بس بصراحة مش عارف ترتيبهم
هتستغرب لو قلت لحضرتك ان الاسبيرانزا صاجها ناشف و محمل
بس الباقي معرفش نظام صاجهم ايه بالظبط بس اكيد كويس
موضوع الصاج لم يعد مزعج ومؤثر في قرار الشراء كل العربيات صاجها سميك ولا خفيف ساعة الحادث لا قدر الله بتتعجن .. بل بالعكس العربية كلما تخف بتريح الموتور وتديك سرعة اكثر
سبرنزا a516
طيب اسأل انهي واخده نجوم اكتر في اختبترات التصادم الاوروبية
صاج خفيف ايه وتقيل ايه بس ده فكر السبعينات
الدنيا بتتطور واحنا معاها
الصاج بيفرق بس لو تريحه و انت بتركن او علي سرعه بطيئه
حد رزل سندلك عليها جامد او قعد عليها
غير كده ربنا يسلمنا كله بيروح
516
لوجان
ساجا
ولكن الفروق بسيطة جدا جدا
يعني صاج الساجا قوي جدا
ولكن لسه السؤال ده ؟
لو علي ان الأقوي أأمن يبقي اتفرج علي الفيديو ده
http://www.youtube.com/watch?v=YRbwTutw-Hk
واضح من أرأكو انا الغلبية مشجعة السبيرانزا ... لو فعلا هى انشف كدى تبقى احسن من اللوجان بقى اوسع واقوى ولا برضو لسة فى فرق بنهم ؟؟؟:11:
اصلى محتار بنهم جدا سعرهم قريب بس الناس بتقول اللوجان احسن ... مش عارف بقى رأيكو اية
بص يا باشا انا ركبت العربيتين اللوجان بتاعتي و الاسبيرانزا كانت بتاعة جاري كان مسافر و كنت بعملوا فيها شوية حاجات
الاسبيرانزا فيها اوبشنز من الابرة للصاروخ يعني كاسيت تحفة سماعات حلوة شكل فخم شوية الزجاج من لمسة واحدة التكييف اوتو حاجات كدة بس لايزال الصيني صيني فتلاقي العربية مش عاملة 25000 كيلو و الراجل شبه مابيركبهاش و تلاقي الفتيس مثلا لونو بيج بس مقشر ، الزجاج في الطالع و النازل بيخبط حاجات كدة + ان كان فيه واحد في المنتدى عامل موضوع عليها ان الموتور لازم تقرص عليه علشان يستجيب معاك دي انا مقدرش افيد فيها لأني لما سقتها سقتها مسافة لا تذكر لما نيجي نقارن وسعها بوسع اللوجان هنلاقي ان الاثنين تقريبا واحد بس يمكن الاسبيرانزا في الكنبة اللي ورا مريحة سنة عن اللوجان، شنطة الاسبيرانزا واسعة و جميلة بس شنطة اللوجان اوسع، الاسبيرانزا فيها ميزة في حتة الشنطة دي عن اللوجان ان الكنبة ممكن تتني و تبقى مع الشنطة اللوجان مفيهاش دي بس شنطتها اوسع زي ما قلت
فرق الوسع الداخلي ده لما نيجي نقارنو بالحجم الخارجي هنلاقي ان اللوجان ملمومة اكثر و بالتالي في السواقة و الركن اسهل لأن الاسبيرانزا منفخة قوي و على الفاضي
نيجي للامان و هو ده اهم حاجة بالنسبالي اللوجان طبعا تكسب سواء الفل اوبشن اللي بايرباج او حتى الفاضية فهنلاقي ان الخبطة مش ممكن تأثر على الباب لأنهم عاملين اكثر من breaking point وقت الحادثة بحيث انها متأثرش على اللي جوة و بتتباع في اوروبا يعني معنى كدة انها امنة كفاية و معاك توكيل رينو EIM محمد نصير الله يرحمو مش ابو الفتوح
لو انا محتار حيرتك دي لوجان و انت مغمض
برتون ساجا
اوووعي وشك
[QUOTE=Eng.Geo;3872560481]516
لوجان
ساجا
ولكن الفروق بسيطة جدا جدا
يعني صاج الساجا قوي جدا
ولكن لسه السؤال ده ؟
لو علي ان الأقوي أأمن يبقي اتفرج علي الفيديو ده
الترتيب ده الترتيب الصحيح فعلا ال 516 صاج جامد قوى زى اللادا
لكن الامان اللوجان 3 نجوم للسائق
العفو يا باشا اهم حاجة راحتك النفسية للعربية و امانك انت و اللي هيبقى راكب معاك