تشرفنى فى صيانة 5000 انا حاسس انى ندمت

انا رحت اعمل صيانة للالف فى العامرية واتصدمت لقيتها اتلغت . قابلنى راجل قصير مدير الاستقبال هناك وقولتله على مشكلة المياه الخضرا انها اتخلطت فى مياه عادية وعاوز اغيرها الراجل مرضاش اول صدمة. تانى حاجة قولتله على صوت اثناء المارشدير لم يهتم اصلا بكلامى وقال حكاية 3 ثوانى اللى انا مش مقتنع بيها صدمة تانية. قولتله طيب انا جاى من مسافة 150 كيلو عشان حتى تربطو على العفشة نفس اسلوبه مرضاش ولم يبدى اى اهتمام وده اللى يضايقنى جدا طريقة المعاملة سيئة جدا جدا . وانا راجع البيت كنت متضايق جدا قطعت مسافة 300 كيلو رايح جاى ومعملتش اى حاجة مفيش اهتمام بالكلام ولا باى شكوى. انا ممكن اروح لميكانيكى بربع جنيه ومروحش لتوكيل زى ده. والله لو فى توكيل تانى يرضى يكشف على العربية ممكن اروحله غير توكيل رينو ده. انا حاسس انى اتسرعت فى العربية دية وزهقان جدا . اخر كلمة قالهالى تشرفنا على ال 5000 وادانى ضهره ومشى.

يا استاذ عبد الجواد متزعلش . و بصراحة مش عارف اقول لك ايه . انا رحت في صيانة الأف في العامرية و لقيت مقابلة منهم في منتهي الأحترام . و شيكوا علي السوائل و عضة المرشيدير قلت . و اتصلوا بيه بعد عدة ايام ليسألوا علي مستوي الصيانة . فأكيد بعد زيادة عدد عربيات اللوجان كان السبب في الغاء صيانة الأف . عموما ده الرقم اللي اتصلوا به عليه حاول تكلمهم و تقول لهم علي اللي حصل معاك لعل و عسي الرقم 0103437504

هو كل واحد فى توكيل رينو بيشتغل وفقا لطبيعته الشخصيه
يعنى ناس اخلاق وناس قليله ذوق العميل هو وحظه
المفروض يكون فيه سيستم هو الى بيضبط طريقه التعامل مع العملاء ولو حصلت مخالفه من حد منهم بيكون فيه جزاء للمخطىء مش نسيب كل واحد هو واخلاقه
يعنى لو مهندس زى الاخ ده والعميل اشتكاه والإداره اتخذت معاه اجراء حازم أكيد مش هيكرر ده تانى بالرغم أنا مش معترض على الى قاله من حيث المضمون لكن معترض على الطريقه الى بيتعامل بيها
للأسف باين من كثره الشكاوىفى الفتره الاخيره أن توكيل رينوفى النازل والخوف أنه يبقى شبه التوكيلات التانيه

بس عاوز اسال هوا ليه رحت العامريه هوا مفيش في مصر؟

مش عارف اقولك ايه بصراحه
انا برضك كرهت التوكيل والمعامله اما روحت ليهم اول مره
وكانت اخر مره اساسآ
النصيبه ان اهم حاجه الانطباع الاول اللى بتاخده عن حاجه
بيفضل معلم فيك
يعنى انا رايح كمان يومين غصب عنى توكيل العامريه
لان العربيه يعتبر ظهر فيها عيوب صناعه
وبصراحه انا مش ناوى اعديها لو الكلام معجبنيش هناك
ومش هسيب حقى المره دى
اومال ضمان على انهو نصيبه ؟؟؟
الكاوتش ؟؟؟

انا رنيت عليك عشان كنت مضايق من اللى حصل معايا. الراجل بقوله اى حاجة اعملها ومش مشكلة الفلوس بيقول العربية مفيهاش حاجة واللى صدمنى انه مش عاوز يغير المية الخضرا. ده اللى حصل

اقرب مكان ليا

يا باشا اتصل برقم الخدمة المجانى بتاعهم واطلب منهم انهم يحولوك على قسم الشكاوى وياريت لو تكلم استاذة امانى تحديدا واشرحلها كل اللى حصل معاك وانتة فى خلال اقل من ربع ساعة هتلاقيهم بيتصلوا بيك يعتذرولك وتروحلهم تعمل كل اللى انتة عايزة طالما حضرتك عندك مشكلة من حقك تعملها فى اى وقت مش شرط معاد الصيانة الدورية
امال هوة اسمة ضمان لية ولا هية فلوس وبنرميها فى الارض

اقتباس:

---

المشاركة الأصلية كتبت بواسطة abdelgawadprof

انا رحت اعمل صيانة للالف فى العامرية واتصدمت لقيتها اتلغت . قابلنى راجل قصير مدير الاستقبال هناك وقولتله على مشكلة المياه الخضرا انها اتخلطت فى مياه عادية وعاوز اغيرها الراجل مرضاش اول صدمة. تانى حاجة قولتله على صوت اثناء المارشدير لم يهتم اصلا بكلامى وقال حكاية 3 ثوانى اللى انا مش مقتنع بيها صدمة تانية. قولتله طيب انا جاى من مسافة 150 كيلو عشان حتى تربطو على العفشة نفس اسلوبه مرضاش ولم يبدى اى اهتمام وده اللى يضايقنى جدا طريقة المعاملة سيئة جدا جدا . وانا راجع البيت كنت متضايق جدا قطعت مسافة 300 كيلو رايح جاى ومعملتش اى حاجة مفيش اهتمام بالكلام ولا باى شكوى. انا ممكن اروح لميكانيكى بربع جنيه ومروحش لتوكيل زى ده. والله لو فى توكيل تانى يرضى يكشف على العربية ممكن اروحله غير توكيل رينو ده. انا حاسس انى اتسرعت فى العربية دية وزهقان جدا . اخر كلمة قالهالى تشرفنا على ال 5000 وادانى ضهره ومشى.

---

غريبه مع انهم بيعملوا نسكافيه فاجر؟!!!!!!!!!!

اقتباس:

---

المشاركة الأصلية كتبت بواسطة zkralla

هو كل واحد فى توكيل رينو بيشتغل وفقا لطبيعته الشخصيه
يعنى ناس اخلاق وناس قليله ذوق العميل هو وحظه
المفروض يكون فيه سيستم هو الى بيضبط طريقه التعامل مع العملاء ولو حصلت مخالفه من حد منهم بيكون فيه جزاء للمخطىء مش نسيب كل واحد هو واخلاقه
يعنى لو مهندس زى الاخ ده والعميل اشتكاه والإداره اتخذت معاه اجراء حازم أكيد مش هيكرر ده تانى بالرغم أنا مش معترض على الى قاله من حيث المضمون لكن معترض على الطريقه الى بيتعامل بيها
للأسف باين من كثره الشكاوىفى الفتره الاخيره أن توكيل رينوفى النازل والخوف أنه يبقى شبه التوكيلات التانيه

---

يا هاني يا حبيبي علي ما الثوره علي ما

توكيل رينو ده كلهم ملايكه ميغلطوش اكيد العيب فينا احنا اللي ما نستاهلش غير كده:mahf(5):
وكفايه ان احنا قرايب الميجان والفلونس

احنا بتوع التاكسي :36_1_2[1]:يعني ملوك الاسفلت

انا بس عاوزك متزعلش الراجل القصيرالاسمرني قليل الذوق دة اسمة استاذ حمدي رغم ان خسارة فية كلمة استاذ دية اصلا بس نعمل اهلينا الحمد للة عرفو يربونا فاريت تعمل زي ما الاخوة قالوا وتكلم الاستاذة اماني الحريري وهي هتعمل اللازم ان شاء اللة.

ما ضاع حق وراءه مطالب . اتصل زي ما الأخوة قالوا لك و خذ حقك لأن الصيانات دي احنا دافعين حقها و علشان في الآخر تبقي مبسوط .

اقتباس:

---

المشاركة الأصلية كتبت بواسطة ahmedmostafa79

انا بس عاوزك متزعلش الراجل القصيرالاسمرني قليل الذوق دة اسمة استاذ حمدي رغم ان خسارة فية كلمة استاذ دية اصلا بس نعمل اهلينا الحمد للة عرفو يربونا فاريت تعمل زي ما الاخوة قالوا وتكلم الاستاذة اماني الحريري وهي هتعمل اللازم ان شاء اللة.

---

هو ده الى الى لازم تشتكيه شكوى تمام باسمه - بس طبعا لما تتأكد الاول أنه هوفعلا - حتى لو مشكلتك اتحلت بس عشان غيرك أنا بتكلم بصفه عامه وأنا من القاهره يعنى مش هاعمل حاجه فى فرع العامريه

الموضوع ده موجود في التوكيلات الكبيرة اللي عليها ضغط شغل ,,, بتبقى الناس قرفانة من كتر الشغل والحكاوي مع الزباين ... بس ده مش مبرر أبدأ لسوء المعاملة وعدم الدبلوماسية في الحوار

اقتباس:

---

المشاركة الأصلية كتبت بواسطة zkralla

هو ده الى الى لازم تشتكيه شكوى تمام باسمه - بس طبعا لما تتأكد الاول أنه هوفعلا - حتى لو مشكلتك اتحلت بس عشان غيرك أنا بتكلم بصفه عامه وأنا من القاهره يعنى مش هاعمل حاجه فى فرع العامريه

---

+11111

اقتباس:

---

المشاركة الأصلية كتبت بواسطة amrdiab

غريبه مع انهم بيعملوا نسكافيه فاجر؟!!!!!!!!!!

---

:dontudear:

اقتباس:

---

المشاركة الأصلية كتبت بواسطة abdelgawadprof

انا رحت اعمل صيانة للالف فى العامرية واتصدمت لقيتها اتلغت .
طبعا شيئ مؤسف انهم يلغوا صيانة الالف لكن ممكن اسأل حضرتك سؤال
فين كتيب الضمان بتاع حضرتك لانه بيكون مثبت فيه اول صيانة ليك ؟

قابلنى راجل قصير مدير الاستقبال هناك وقولتله على مشكلة المياه الخضرا انها اتخلطت فى مياه عادية وعاوز اغيرها الراجل مرضاش اول صدمة.
يعنى ايه مرضاش ... هى دى حاجة بمزاجه
انت داخل توكيل العربية وداخل تعمل فيها شغل على حسابك يبقى يعنى ايه مارضاش
بصراحة شيئ لا يعقل وفيه حاجة غلط او سوء تفاهم فى الموضوع

تانى حاجة قولتله على صوت اثناء المارشدير لم يهتم اصلا بكلامى وقال حكاية 3 ثوانى اللى انا مش مقتنع بيها صدمة تانية.
ماشى دى مبلوعة شوية وهو عايز يأجلك لصيانة ال 5000 ودة نتيجة ان صيانة الالف اتلغت

قولتله طيب انا جاى من مسافة 150 كيلو عشان حتى تربطو على العفشة نفس اسلوبه مرضاش ولم يبدى اى اهتمام وده اللى يضايقنى جدا طريقة المعاملة سيئة جدا جدا .
مافيش تربيط عفشة فى صيانة ال 1000 هل حضرتك حتربط عفشة على حسابك وليه ؟
العربية لسة زيرو عاملة 1000 كيلو حتربط عافشة ليه هى لحقت

وانا راجع البيت كنت متضايق جدا قطعت مسافة 300 كيلو رايح جاى ومعملتش اى حاجة مفيش اهتمام بالكلام ولا باى شكوى.
طبعا شيئ يحزن وانا زعلان عليك والله

انا ممكن اروح لميكانيكى بربع جنيه ومروحش لتوكيل زى ده.
يا باشا انت لسة ماعملتش صيانة علشان تحكم اصلا

والله لو فى توكيل تانى يرضى يكشف على العربية ممكن اروحله غير توكيل رينو ده.
حتلاقى الموضوع زى توكيل رينو وانيل

انا حاسس انى اتسرعت فى العربية دية وزهقان جدا .
يا باشا ايه علاقة العربية بالموضوع دلوقتى .. انت بتنتقد التوكيل
هل العربية قصرت معاك فى حاجة وحكمت عليها امتى دة حضرتك لسة ماخلصتش تليين ولا وصلت لافضل اداء للعربية

اخر كلمة قالهالى تشرفنا على ال 5000 وادانى ضهره ومشى.
نعم
بص انا لو مكانك كنت قلعت الجزمة وحدفته بيها .. سورى على اللفظ لكن هو دة اللى كان حيحصل

---

الراجل اللي بتقول عليه ده اسموا حمدي ده هناك من زمان اوي انا فاكر اني كنت بشوفوا سنه ٢٠٠٠

اقتباس:

---

المشاركة الأصلية كتبت بواسطة zkralla

هو كل واحد فى توكيل رينو بيشتغل وفقا لطبيعته الشخصيه
يعنى ناس اخلاق وناس قليله ذوق العميل هو وحظه
المفروض يكون فيه سيستم هو الى بيضبط طريقه التعامل مع العملاء ولو حصلت مخالفه من حد منهم بيكون فيه جزاء للمخطىء مش نسيب كل واحد هو واخلاقه
يعنى لو مهندس زى الاخ ده والعميل اشتكاه والإداره اتخذت معاه اجراء حازم أكيد مش هيكرر ده تانى بالرغم أنا مش معترض على الى قاله من حيث المضمون لكن معترض على الطريقه الى بيتعامل بيها
للأسف باين من كثره الشكاوىفى الفتره الاخيره أن توكيل رينوفى النازل والخوف أنه يبقى شبه التوكيلات التانيه

---

معاك تماما في الكلام و المفروض لاو حد تعرض لاي سوء معاملة ميسكوتش يرد بشدة و كمان يشتكي للادارة بجدية, علشان للأسف الناس القليلة الزوق دول كثير جدا و تخاف متختشيش.

اقتباس:

---

المشاركة الأصلية كتبت بواسطة د.محمود صلاح

الموضوع ده موجود في التوكيلات الكبيرة اللي عليها ضغط شغل ,,, بتبقى الناس قرفانة من كتر الشغل والحكاوي مع الزباين ... بس ده مش مبرر أبدأ لسوء المعاملة وعدم الدبلوماسية في الحوار

---

+11111111111111

اقتباس:

---

المشاركة الأصلية كتبت بواسطة hishammb

الراجل اللي بتقول عليه ده اسموا حمدي ده
هناك من زمان اوي انا فاكر اني كنت بشوفوا سنه ٢٠٠٠

---

من سنة 2000 وبيعامل الناس بالطريقة دية.

اقتباس:

---

المشاركة الأصلية كتبت بواسطة amrdiab

غريبه مع انهم بيعملوا نسكافيه فاجر؟!!!!!!!!!!

---

أنا مرة دخلت الأستراحة وروحت على الكافيتريا اللى جواها وطلبت من الراجل كوباية شاى بلاستيك علشان أشربها برة وأحبس معاها سيجارة بس فوجئت أن مفيش كوبايات بلاستيك. http://www.nilemotors.net/Nile/image...gr1%5B1%5D.gif ,وأمام ضيقى الا متناهى الراجل أدانى الشاى فى "ماج" وقاللى أشربة برة عادى, أنتهزتها فرصة ورحت بالماج على الورشة علشان أباشر التصليحات.