كلة ماشى طالما كلة سكتم بكوم يبقى كل حاجة ممكنة .....
عرض للطباعة
كلة ماشى طالما كلة سكتم بكوم يبقى كل حاجة ممكنة .....
فكرة ممتازة ياريت كمان يوم للرجالة ويوم للشباب ويوم للسيدات زي البسين كدا في النوادي الله دي هتبقي ميغة ربنا يصبرنا يارب
شوية شوية لما أنزل من بيتنا ألاقى أمن و بيقولى ممنوع تلمس أرض الشارع و اقولة ليه يا عم الحج يقولى أصله متباع و لو عايز تلمسه كل خطوة بأتنين جنيه و عشان أوفر الخطوات هننط زى الكانجارو حاجة والله تشل
زى محطة سيدى جابر لما أتباعت عشان تتعمل مول رغم أن أول ماعملوا قضيب فى أسكندرية المحطة دى زى ماهيا تعتبر من تاريخ أسكندرية
مافيش فايدة ... مافيش حل باين في الأفق ... ربنا يلطف بينا
ممكن سؤال بس بجد انتوا ازاي عايشين في القاهره ومعاكم عربيات
السلام عليكم ورحمة الله وبركاته,
والله الناس دي بتستهبل ... ده بدل ما يحلو المشكلة الاساسية بيدفنو رأسهم فالتراب ...
طيب نفترض:
1- إن تصادف إن كل الناس اللي بتنزل وسط البلد أرقام عربيتها فردي يبقى هنلاقي البلد واقفة في يوم وفاضية فاليوم التاني!!
2- كده كده أساسا في زيادة بنسبة كبيرة فالعربيات كل سنة,,, فـبعد 5 أو 10 سنين هنعمل إيه!!!
3- وبعدين ما أنا ممكن تكون عربيتي رقمها زوجي اقوم نازل شارلي واحدة ماروتي من سوق الجمعة يكون رقمها فردي... برده معملناش حاجة !!
طيب وإيه أفضل الحلول (حلول مش معالجة ):
أنا شايف يا جماعة إن المفروض إن كل الأجهزة الحكومية والخدمية لازم تبقى لامركزية .. يعني مينفعش وانا من بورسعيد مثلا عشان أعمل رخصة دولية لازم أنزل ل نادي السيارات في وسط البلد...أو أعمل حاجة في الباسبور أروح مجمع التحرير .. طب ليه مايبقاش في كل محافظة خدماتها كلها أو يا سيدي بلاش خالي الخدمات دي في أماكن بعيدا عن الكثافة المرورية وعجبي...
الله كريم,
دانتم مشكلتكم هينة لانكم يادوب بتروحوا تقضوا مصلحة من وسط البلد وترجعوا تانى امال اللى ساكنين فى وسط البلد زيى حايتعمل فيهم ايه ؟ يعنى اركن بعيد عن بيتى بحوالى ربع ساعة أو اكتر ولو حبيت ادخل وسط البلد كل مرة ادفع فلوس يا ماشاء الله على الافكار النيرة !!!اقتباس:
قال اللواء شريف جمعة مساعد وزير الداخلية للشرطة المتخصصة إن الوزارة بدأت التفكير في فرض رسوم على دخول السيارات في مناطق معينة بوسط القاهرة خاصة في أوقات الذروة
دا احنا جيران بقي :satelite:
اللي عرفته ان اللي ساكن في وسط البلد زي حالاتنا هايعفي من رسم المرور ده وهايدخل هو وعربيته وهايسمح له بالركن كمان (بس ده لو لقي مكان يركن فيه اصلا)
الكلام ده اتذاع امبارح من خلال مكالمة تليفونية بين شريف جمعة ومعتز الدمرداش في برنامج 90 دقيقة