والدى رحمه الله عليه لما جه يعلمنى السواقه من حوالى 25 سنه استفدت جدا من نصايحه و علطول بادعيله بالرحمه كل ما الاقلى نفسى باعمل الى علمهولى و احب اشاركم فى بعض نصائحه:
1- ما تتعودش تسند قدمك على الدبرياج و انت سايق علشان ما تبوظش الاسطوانه و الديسك
2 - م تمشيش ورا تاكسى او ميكروباص(دى من عندى لان ساعتها ما كانش فيه ميكروباصات زى دلوقت)لان سواق الاجره عقله فى الزبون مش فى الطريق و ساعه ما حيشوف حد بيشاور حيقف بدون ما يبص وراه
3- لو سايق و فجاءه لقيت كوره بتعدى الشارع من ناحيه الرصيف هدئ سرعتك فورا لان الكوره غالبا يجى وراها طفل بيجرى وراها بدون ما يبص
4- و اخيرا كان الله يرحمه دايما يقول لى لما اسوق بسرعه ( عمر ما النص ساعه الى حتكسبها بالجرى تساوى الخطر الى بتعرض نفسك و غيرك ليه )
الف رحمه عليه
