أنا و الكورولا 2010 ( تقييم شخصى )

السلام عليكم و رحمة الله وبركاته

بقالى شهر فى الأمارات فى شغل و الحمد لله طلعت رخصة من 3 أيام بالظبط....و امبارح أجرت عربية عشان التاكسيات هنا غالية.

العربية كورولا 2010 أتوماتيك عادى مش mmt موتور 1.6

و التقييم ده تقييم مبسط شوية على ما أعمل موضوع تانى فى قسم "أخبار السيارات فى مصر" إن شاء الله

أنا أستملت العربية عاملة 7 كيلو......أيوة 7 كيلو مش 7 ألاف كيلو :120105~352:
الكلام ده كان أمبارح الساعة 6 بعد الظهر و النهاردة فحتت العربية مشاوير بصراحة
رحت من مكان أقامتى ( إمارة رأس الخيمة ) الى قبل حدود الأمارات مع عمان ب 14 كيلو بس.......و لو مكنش عندى شغل كنت رحت لحد الحدود اتفرج لأن المنطقة دى فيها جبال و بحر منتهى الروعة.....سبحان الله العظيم.
و بعد العودة الى رأس الخيمة رحت الشارقة و بعد كده دبى و بعد كده الشارقة تانى و بعد كده العودة الى رأس الخيمة.

العربية عاملة حالياً 414 كيلو متر.....يعنى أنا سقتها 407 كيلو فى يوم تقريباً.

1- التسارع : ممتاز
2- الفتيس : ممتاز و إن كان فى بعض الأحيان بتحس بالنقلة بس قليل قوى
3- العفشة : ممتازة.....ناعمة جداً بسم الله ما شاء الله و العربية ثابتة كويس لحد 160 كم تقريباً بس لما يكون فى هواء جامد أو بتعدى من جنب مقطورة العربية بتحدف بطريقة مش ظريفة.....جبت بيها سرعة 178 كم/س مرة واحدة بس على سبيل التجربة و كانت ممكن تجيب أكتر.
4- الفرامل : جيدة جداً
5- العزل : جيد.....فى عزل أحسن من كده بمراحل فى نفس الفئة
6- أستهلاك البنزين : جيد جداً.....عملت 350 كيلو ب 40 لتر بنزين 95 يعنى تقريباً 175 كيلو فى الصفيحة مع التكييف و طرق مفتوحة.
7- الخامات : جيدة جداً
8- التقفيل : جيد ( بصراحة فى حاجات فى التقفيل مش تمام قوى)
9- النظام الصوتى : جيد ( مع العلم انه راكب فيها كاسيت jvc ....مش عارف ده الطبيعى ولا لأ )

ده اللى فى دماغى حالياً.....و دول 3 صورعلى الماشى

http://i43.tinypic.com/spfbl1.jpg

http://i44.tinypic.com/ipobk1.jpg

http://i40.tinypic.com/148deg7.jpg

الف شكر ليك وربنا يوفقك......ممكن بقي مقارنه للحجات دي مع الميجان خصوصا العزل
وهل حاسس بفرق في التسارع؟
(طبعا معروف ان الميجان اقدم شويه بس مثلا الناس كلها كانت بتشكر في عزلها )

اقتباس:

---

المشاركة الأصلية كتبت بواسطة asaber

الف شكر ليك وربنا يوفقك......ممكن بقي مقارنه للحجات دي مع الميجان خصوصا العزل
وهل حاسس بفرق في التسارع؟
(طبعا معروف ان الميجان اقدم شويه بس مثلا الناس كلها كانت بتشكر في عزلها )

---

جزاك الله خيراً على الدعاء

عزل الميجان أحسن
تسارع الكورولا أحسن

طبعا يا احمد حسيت بنعومة اليابانى فى الطلعة عن الاوربى

الف شكر يا باشا على التقييم الجميل

شكرا جزيلا على نقل التجربة

بس انا شايف ان عزل الكورولا ممتاز , و دي حاجة حستها جدا

طب هل ممكن حضرتك تقولنا العزل مش كويس من ناحية ايه ؟

لازم بعد الغيبه الطويله دى عنى اشجعك و اقولك استمر يا أحمد متخافش ههههههههههههههههههههههههه ههه

بس إستهلاك البنزين مش كتير على عربية 1600 ؟؟؟؟

انا بعمل في ال20 لتر 310 كم (بدون تكييف)
اكيد الوزن بيفرق بس للدرجة دي ؟؟

واحشنى يا ابو حميد

شكراً للتقيم وسفرية سعيدة وان شاء الله ترجع بالسلامة

طيب إيه أخبار القاعده و الكراسي لأن كان معايا كامري و سقت الكورولا والكراسي مش مريحه بالمره ونصيحه لو هتشتري عربيه هناك
بلاش كامري وخليك في اكورد أو التيما

اقتباس:

---

المشاركة الأصلية كتبت بواسطة ahmed a.maksoud

2- الفتيس : ممتاز و إن كان فى بعض الأحيان بتحس بالنقلة بس قليل قوى
3- العفشة : ممتازة.....ناعمة جداً بسم الله ما شاء الله و العربية ثابتة كويس لحد 160 كم تقريباً بس لما يكون فى هواء جامد أو بتعدى من جنب مقطورة العربية بتحدف بطريقة مش ظريفة.....جبت بيها سرعة 178 كم/س مرة واحدة بس على سبيل التجربة و كانت ممكن تجيب أكتر.
5- العزل : جيد.....فى عزل أحسن من كده بمراحل فى نفس الفئة
8- التقفيل : جيد ( بصراحة فى حاجات فى التقفيل مش تمام قوى)

---

اولا الف شكر يا مان علي التقرير الوفي و المحايد
بس اظن يا مان العيوب دي المفروض متكنشي موجوده خالص في عربيه ب150 الف و بالزات الثبات و العزل انا بعتبرهم كارسه في السياره

اقتباس:

---

المشاركة الأصلية كتبت بواسطة sharky

طبعا يا احمد حسيت بنعومة اليابانى فى الطلعة عن الاوربى

---

دى حاجة أساسية يا شاركى....اليابانى يمتاز بنعومته عن الأوروبى

اقتباس:

---

المشاركة الأصلية كتبت بواسطة m.osman

الف شكر يا باشا على التقييم الجميل

---

العفو يا باشا

اقتباس:

---

المشاركة الأصلية كتبت بواسطة kareem_a

شكرا جزيلا على نقل التجربة

بس انا شايف ان عزل الكورولا ممتاز , و دي حاجة حستها جدا

طب هل ممكن حضرتك تقولنا العزل مش كويس من ناحية ايه ؟

---

بعد سرعة 100 أو 120 كم/س بسمع صوت هواء داخل الكابينة و أنا قافل الأزاز و مشغل التكييف و الأزاز أتأكدت أنه مقفول على الأخر

اقتباس:

---

المشاركة الأصلية كتبت بواسطة akmal_hamdi

لازم بعد الغيبه الطويله دى عنى اشجعك و اقولك استمر يا أحمد متخافش ههههههههههههههههههههههههه ههه

---

مفيش فايدة فيك......

اقتباس:

---

المشاركة الأصلية كتبت بواسطة m.osman

بس إستهلاك البنزين مش كتير على عربية 1600 ؟؟؟؟

انا بعمل في ال20 لتر 310 كم (بدون تكييف)
اكيد الوزن بيفرق بس للدرجة دي ؟؟

---

و الله مش هاقدر أحكم عليها دلوقتى عشان هيا لسه مكملتش 1000 كم حتى

اقتباس:

---

المشاركة الأصلية كتبت بواسطة human12

واحشنى يا ابو حميد

---

و أنت أكتر يا باتريوت :)

اقتباس:

---

المشاركة الأصلية كتبت بواسطة د.محمود صلاح

شكراً للتقيم وسفرية سعيدة وان شاء الله ترجع بالسلامة

---

الله يسلمك يا دكتور

اقتباس:

---

المشاركة الأصلية كتبت بواسطة hisham80

طيب إيه أخبار القاعده و الكراسي لأن كان معايا كامري و سقت الكورولا والكراسي مش مريحه بالمره ونصيحه لو هتشتري عربيه هناك
بلاش كامري وخليك في اكورد أو التيما

---

إن شاء الله أوروبى أو أمريكى حتى....بس يابانى مش بستريح فيه ( عارف أن هوندا أثبت من تويوتا فى العموم بس برضه مش بستريح فيها )

اقتباس:

---

المشاركة الأصلية كتبت بواسطة medoakef

اولا الف شكر يا مان علي التقرير الوفي و المحايد
بس اظن يا مان العيوب دي المفروض متكنشي موجوده خالص في عربيه ب150 الف و بالزات الثبات و العزل انا بعتبرهم كارسه في السياره

---

و الله يا باشا أنا بحكى اللى حصل معايا فى العربية......و هى خليجى طبعاً
معرفش اللى فى مصر مختلفة ولا هى هى .

شكرا يا باشا علي التقرير اللذيذ ده

وترجع بالسلامة ان شاء الله

هو مش المفروض برده العربيه كده تعتبر في التليين؟
ازاي بقي 170 وحاجات من دي؟

الف مبروك عليك العربيه وربنا يديك خيرها ويكفيك شرها
يا باشا معايا نفس عربيتك بس جنوب افريقى تتميز بالثبات ما شاء الله العالى والعزل التام لدرجة انى مش باسمع كلاكس العربيات اللى حواليا وده مش راى لوحدى ده راى صديق اخر لسه جايب العربيه من شهر واكتر حاجه عجباه الميزتين دل

اقتباس:

---

المشاركة الأصلية كتبت بواسطة shaddadfalcon1

هو مش المفروض برده العربيه كده تعتبر في التليين؟
ازاي بقي 170 وحاجات من دي؟

---

العربية أيجار زى ما وضحت فى أول مشاركة و حبت بيها 170 مرة واحدة عشان أجربها بس

اقتباس:

---

المشاركة الأصلية كتبت بواسطة oilman

الف مبروك عليك العربيه وربنا يديك خيرها ويكفيك شرها
يا باشا معايا نفس عربيتك بس جنوب افريقى تتميز بالثبات ما شاء الله العالى والعزل التام لدرجة انى مش باسمع كلاكس العربيات اللى حواليا وده مش راى لوحدى ده راى صديق اخر لسه جايب العربيه من شهر واكتر حاجه عجباه الميزتين دل

---

ربنا يباركلك فى عربيتك أنت وصاحبك يا باشا

سؤال بقى لخبراء تويوتا.......الكورولا الخليجى بتبقى صناعة أيه ؟؟؟

ما شاء الله 407 كم فى يوم
امال لو قعدت معاك اسبوع هتعمل فيها ايه
هههههههههههههه
بس حلوة العربية
افهم من كده انك هتغير الميجان:colsmil:

اقتباس:

---

المشاركة الأصلية كتبت بواسطة ahmed a.maksoud

سؤال بقى لخبراء تويوتا.......الكورولا الخليجى بتبقى صناعة أيه ؟؟؟

---

لغاية موديل 2009 هي ياباني , و من الاخبار المتناقلة في السوق ان 2010 تايلندي

و لكن في عضو او اتنين هنا في المنتدى عايشين في السعودية و صوروا عربياتهم (كورولا) موديل 2010 و مكتوب صنعت في اليابان

أنا معايا كرولا، الحقيقة عزل الميجان أفضل بكتير، لكن الكورولا تثبت تفوق في نظام الفرامل وفي التسارع

انا لما سوقت الكرولا mmt الخاصة بأحمد ابو سمرة وجدت فارق ملحوظ جدا فى العزل و الفرامل لصالح الميجان لكن الكرولا كانت تتفوق فى النعومة و التسارع

اقتباس:

---

المشاركة الأصلية كتبت بواسطة baskota

ما شاء الله 407 كم فى يوم
امال لو قعدت معاك اسبوع هتعمل فيها ايه
هههههههههههههه
بس حلوة العربية
افهم من كده انك هتغير الميجان:colsmil:

---

يا فندم مفيش هنا ميجان ii تقريباً بتتباع زيرو خلاص و كمان مفيش فلوانس لسه

اقتباس:

---

المشاركة الأصلية كتبت بواسطة kareem_a

لغاية موديل 2009 هي ياباني , و من الاخبار المتناقلة في السوق ان 2010 تايلندي

و لكن في عضو او اتنين هنا في المنتدى عايشين في السعودية و صوروا عربياتهم (كورولا) موديل 2010 و مكتوب صنعت في اليابان

---

شكراً على الرد......هحاول أدور على اللى معايا دى صناعة أيه

اقتباس:

---

المشاركة الأصلية كتبت بواسطة berlioz

أنا معايا كرولا، الحقيقة عزل الميجان أفضل بكتير، لكن الكورولا تثبت تفوق في نظام الفرامل وفي التسارع

---

الفرامل فى الميجان أحسن شوية من الكورولا و التسارع فى الكورولا أحسن من الميجان

اقتباس:

---

المشاركة الأصلية كتبت بواسطة sharky

انا لما سوقت الكرولا mmt الخاصة بأحمد ابو سمرة وجدت فارق ملحوظ جدا فى العزل و الفرامل لصالح الميجان لكن الكرولا كانت تتفوق فى النعومة و التسارع

---

أتفق معاك يا شاركى

اقتباس:

---

المشاركة الأصلية كتبت بواسطة ahmed a.maksoud

يا فندم مفيش هنا ميجان ii تقريباً بتتباع زيرو خلاص و كمان مفيش فلوانس لسه

---

يعني لو في فلوانس تفضلها عن الكورولا؟

الكورولا فى الامارات يابانى

اقتباس:

---

المشاركة الأصلية كتبت بواسطة asaber

يعني لو في فلوانس تفضلها عن الكورولا؟

---

بصراحة أيوه

اقتباس:

---

المشاركة الأصلية كتبت بواسطة eto_cairo

الكورولا فى الامارات يابانى

---

شكراً على الرد

أستكمالاً للتقيم

أمبارح كنت فى منطقة صحراوية فى أحدى ضواحى دبى و الهواء كان جامد جداً.....العربية كانت بتلعب على الطريق بطريقة مش طبيعية لدرجة أنى حسيت أنها فيها مشكلة والله

مش عارف ممكن يكون أيه السبب ....هحاول أراجع ضغط الهواء فى الكاوتش لعل و عسى

كورولا إية سيبك منها

عايزين صور المنطقة بتاع الحدود

اقتباس:

---

المشاركة الأصلية كتبت بواسطة pro_samir

كورولا إية سيبك منها

عايزين صور المنطقة بتاع الحدود

---

للأسف مكنتش معايا الكاميرا......بس فى أول فرصة هتلاقينى رايح مصور و عامل موضوع بيها إن شاء الله

أستكمال التقييم
شوفت ضغط الهوا فى الكاوتش لقيته زيادة فى الأربع عجلات كان 32 و 33 ظبطته على 30 زى ما المانيوال بيقول و لقيت شوية تحسن بس الموضوع لسه موجود و محسوس.

سألت واحد صاحبى كان مأجر كورولا من سنة أكدلى نفس الكلام.

اقتباس:

---

المشاركة الأصلية كتبت بواسطة ahmed a.maksoud

بصراحة أيوه


شكراً على الرد

أستكمالاً للتقيم

أمبارح كنت فى منطقة صحراوية فى أحدى ضواحى دبى و الهواء كان جامد جداً.....العربية كانت بتلعب على الطريق بطريقة مش طبيعية لدرجة أنى حسيت أنها فيها مشكلة والله

مش عارف ممكن يكون أيه السبب ....هحاول أراجع ضغط الهواء فى الكاوتش لعل و عسى

---

هي فعلا الكورولا من الجوانب بتاعت العربية مش مشتتة للهواء اللى بيخبط فيها وده بيبان علي السرعات العالية اكتر من 100-120كم\س وده انا اظن انه يرجع لأرتفاع السيارة والفجوة بين الأطارات والرفارف لكن في الظروف العادية الثبات عادي.

اقتباس:

---

المشاركة الأصلية كتبت بواسطة محمد محمد

هي فعلا الكورولا من الجوانب بتاعت العربية مش مشتتة للهواء اللى بيخبط فيها وده بيبان علي السرعات العالية اكتر من 100-120كم\س وده انا اظن انه يرجع لأرتفاع السيارة والفجوة بين الأطارات والرفارف لكن في الظروف العادية الثبات عادي.

---

فعلاً لو مفيش هواء جامد من جنب الطريق و مش بتعدى بجانب عربيات نقل كتير الثبات كويس لحد 160 كم/س

اقتباس:

---

المشاركة الأصلية كتبت بواسطة ahmed a.maksoud

فعلاً لو مفيش هواء جامد من جنب الطريق و مش بتعدى بجانب عربيات نقل كتير الثبات كويس لحد 160 كم/س

---

اديك عرفت اهه خللي بقي بالك يا طويل العمر.

إستكمالاً للموضوع

أيدى وقعت على عربية كورولا 2012 1.6 و بقالها معايا أسبوعين

العربية مشيت بيها لحد دلوقتى 2000 كيلو و شوية......و واخدها ماشية 16 كيلو فقط لا غير.

فرقها عن العربية اللى كنت مأجرها قبل كده الأتى:
1- الفرامل أحسن بشوية كويسين.
2- كاسيت مدمج فى التابلوه و شكلة ظريف و لكن الصوت فى الضياع.
3- العفشة أنشف بشكل ملحوظ و فى نفس الوقت الثبات بتاعها زى ما هو تقريباً......الهواء الجانبى بيلعب بيها جامد.
4- الدركسيون فيه أختلاف.....لما بتلف الدركسيون و تسيبه علشان يرجع فى مكانه مش بيرجع بسرعة و بياخد وقت......و التحكم فى العربية بقى أحسن شوية......بس التوجيه بتاع الدركسيون مش دقيق قوى فى بعض الأحيان.
5- الفتيس فيه تغيير......مش عارف للأحسن و لا للأوحش بس أنا فاكر اللى كانت موديل 2010 مكنتش بحس فيها بالنقلات و لكن ديه بحس فيها بالنقلات شوية......مش عارف ده عيب منى و لا أيه :).......طبعاً الفتيس اللى بينزل هنا هو الأوتو العادى من اول ما الموديل نزل لحد دلوقتى.
6- التكييف زى ما هو تلاجة :)


العربية صناعة تايوانى بالمناسبة

انا كنت فى الكويت وكان معايا ميجان وسوقت كورولا 2008 ماشية 12 الف كيلو بس اللى لاحظتة ان فرامل الميجان اقوى من الكورولا والكورولا احسن فى التسارع فعلا .. اخر موديل نزل للكورولا كانت 2010 فى الكويت والفايس ليفت ال 2011 تايوانى

مش عارف ليه مع احترامى لتويوتا العملاق اليابانى

الا انى مبطيقش شكل الكورولا الجديدة من برة خالص ، بحس ان فيها حاجة غلط

و شكرا على التقرير المميز

اقتباس:

---

المشاركة الأصلية كتبت بواسطة rs12

مش عارف ليه مع احترامى لتويوتا العملاق اليابانى

الا انى مبطيقش شكل الكورولا الجديدة من برة خالص ، بحس ان فيها حاجة غلط

و شكرا على التقرير المميز

---

وانا رأيي كده .. واحد صحبى كان معاه تويوتا وباعها وجاب A5 قالى التويوتا دى عاملة زى 128 :ilikeit: