إلحقونى يا جماعة ... العربية نزلت سائل أخضر

**M.Akef** · 15-04-2010 10:20 AM

من الكلام الي فات ده كله بص علي زيت البور تاني كدا
بس الخوف كله و هو المفروض مستبعد ان ده من تقفيل الفيتس لان مفيش زيت اخضر غيره لان زيت الموتور المفروض بيكون غمق خلاص من 4 شهور
افضل انك تروح تكشف علي العربيه في التوكيل لان الموضوع ده يخوف

**mameen** · 15-04-2010 04:08 PM

للامان روح التوكيل وان شاء الله خير
طالما قيلس كل الزيوت تمام يبقى خير ان شاء الله وابقى طمننا

**usama7499** · 15-04-2010 04:50 PM

ان شاء الله خير وربنا يطمنك واحنا نطمن كمان

**A.Saad** · 15-04-2010 06:15 PM

المشاركة الأصلية كتبت بواسطة sherif sharaf

أنا شفت زيت الموتور - كويس
زيت الفرامل - كويس
سائل التبريد - كويس
وزيت تانى لونه أحمر معرفش بتاع إيه
هو غالباً زيت الفتيس أو الباور لأنى معرفش الفرق بينهم ولسه مش عارف مكان كل واحد فيهم
ربنا يستر إن شاء الله
بس هو الزيت أكيد من عربيتى لأننا بنركن فى جراج خاص فى الشغل ومكانى ثابت لا يتغير
وشكراً ليكم كلكم على اهتمامكم

الفتيس بتكون ليه طبة تحت العربية
بص عليها
هتلاقيها بعد الموتور فى جسم كبير مدور
دى فتحة التفريغ
فتحة الملء مش عارف

**dr_romio25** · 15-04-2010 06:40 PM

ممكن تبقى مياة بتاعة المساحات الي بنضف بيها الازاز في المساحات

**krim** · 15-04-2010 08:43 PM

ان شاء الله خير وربنا يطمنك ، بس لازم تطمنا بعد ما تروح التوكيل

**chicobon** · 17-04-2010 10:19 PM

يارب العربية ميكنش فيها عيب طمنا عليك يا استاذ

**Sherif Sharaf** · 19-04-2010 11:36 AM

الحمد لله الموضوع طلع ميه الريداتير

العربية كانت اتخبطت من فترة (حوالى 3 أسابيع) ومكانش فيه أى مشكلة ومكنتش حاسس بحاجة (الكصدام بتاع العربية طرى جداً فرد لوضعه الطبيعى ومفيش أى جاجة باينة غير قطع صغير بالأكصدام والكبوت اتعوج حاجة بسيطة جداً)
المهم لما روحت التوكيل لقيت إن الخبطة كانت جامدة شوية فخبطت حديد الاكصدام ورجعته لورا فخبط سربنتينة التكييف والريداتير
طبعاً هما فى التوكيل قالولى إن كله لازم يتغير
الريداتير 1650
سربنتينة التكييف 2400
حديدة الإكصدام 750
ده طبعاً غير الضرائب والمصنعيات والذى منه
الغريبة إن الخبطة بقالها أكتر من 3 أسابيع، ولسه العربية منزله الميه دى. وده اللى أنا مش فاهمه إزاى بعد 3 أسابيع، ومحدش يقلوللى يمكن إنت مش واخد بالك، لأن أنا بركن كل يوم فى جراج الشغل فى نفس المكان ، والباركنج بتاعنا تحت الأرض يعنى مش مكشوف، ومفيش أى عربية ممكن تركن مكانى ، فلو كان فيه أى حاجة من قبل كده كنت أكيد هشوفها..
المهم أنا روحت يوم الجمعة بعد الصلاة لواحد بتاع ريداتير ظبطهولى ولحمه (ربنا يسهل ويطلع اللحام كويس بس أدينا جربنا لو طلع مش مزبوط نبقى نغير الريداتير وأمرنا لله) وكمان ظبطلى السربنتينة لإنها كانت اتعوجت شوية ، ورحت لواحد سمكرى عدلى الحديد بزرجينة وزبطلى الكبوت
الحمد لله جت سليمة :)

**mohamed_selim** · 19-04-2010 02:33 PM

الحمد لله انها على قد كده
على ذكر موضوع الاكصدام الطرى
مره بركن عمودى و دخلت جوه شويه الكصدام اتفعص من الكورنر فا قلت هيفضل كده على طول
تانى يوم الصبح رجع زى ما كان ... مجرد خدش