الموضوع: لماذا هناك استهتار كبير باليابان هنا في المنتدى ؟!

المشاركة الأصلية كتبت بواسطة Ahmed0Nouh

المشكله بسيطه

احنا بنشوف من اليابانى بس الحاجات العائلى الرخيصه , وبنشوف دايما من الالمانى الحاجات العاليه الفخمه

لما نبقى نشوف الالمانى الاقتصادى واليابانى الفخم موجودين ممكن ساعتها نقارن انتاج البلاد نفسها , بس بشكل عام ودى حاجه عارفها اى حد متابع السوق العالمى

العربيات الامريكيه خلاص قعدت على الاحتياطى , الاوروبى واليابانى دلوقتى فى منافسه مشتعله فى كل الفئات من اول الهاتش باك لحد السيدان الفخم مرورا بالدفع الرباعى وحتى السوبر اداء واليابانى على قدر المنافسه فى كل الفئات وبيكسب كتير جدا

اى كلام تانى من بتاع جوده الالمانى اعلى والايطالى بيعدى من الحيط تحيز ملوش اى اساس من الصحه

لقد أصبت كبد الحقيقه زى مابيقولوا

سوق السيارات بتاعنا ما بدأش يتطور الا فى التسعينات و كان قبل كده اللى كان بيجيب عربية بيبقا الناس الواصلة فمعظم الناس كانت بتشحن من اوروبا و طبعا كان للمرسيدس نصيب الاسد فى الفئة الفخمة و من هنا جت سمعة الالمانى و صناعة السينما كمان كانت دايما مطلعة المرسيدس رمز الفخامة طبعا المرسيدس تستحق بس ده اللى خلا الالمانى عندنا واخد السمعة و بعدها فى التسعينات بدانا نفتح شوية و دخل اليابانى بسمعته من الخليج و الناس اللى رجعت بعد حرب الخليج باليابانى الناس اتوهمت باليابانى و اما مشينا فى التسعينات شوية بدانا نشوف الكورى و النهاردة عندنا كل حاجة و لكل الشرائح التسعيرية
بس النهاردة لا عاد اليابانى يابانى و لا الالمانى المانى و كل الشركات عمالة تصنع فى العالم كله و تاخد من موردين من كل حتة فى كوكب الارض بقت العربية هيا اللى بتفرض نفسها مش الشركة اللى صنعتها
و عندك عربيات كتير سه الناس بتتهافت عليها و تشتريها مستعملة عشان سمعتها و الايام ديه بردك نفس الكلام

المشاركة الأصلية كتبت بواسطة M.Osman

كريم ...
هي بتكون وجهات نظر و انا شايف انها مش هتتغير

انا عن نفسي شايف ان مفيش حاجة مطلقة

انا شايف ان في حاجة اسمها عربيات في فئة سعرية معينة .. و هل دا يناسبني ولا لأ ... و في نفس الوقت شايف (بالنسبة لهنا في مصر) ان كل فئة سعرية .. افضل اني اشتري من بلد منشأ معين
مثلاً تحت الـ100 بتكلم في كوري او ماليزي
100-160 بتكلم في ياباني.. هوندا .. سوبارو... مش بس تويوتا ..

اكتر من كدا بتتكلم في اوروبي ... مع البعد عن الفرنسي اللي اللي مازلت مقتنع انه only good looking ..


عارف ان في إستثنائات عن التصنيفة دي... بس دي وجهة نظر عامة .. مع العلم اني اول حاجة ببص ليها هي نقطة الإعتمادي .. يعني عربية مستعملة صعب احطها في حساباتي إلا نادراً

لو بنتكلم على مصر , فالكلام دة صحيح

و لكن ليه ؟!

لأن الفئة الخامسة مثلا بتتجمع هنا , و عشان كدة هي بنفس السعر بتاع الكامري المستوردة من اليابان

انا لو كانت الفئة الخامسة بتيجي من بره , كنا هنلاقي ان المعاه نص مليون جنيه بيجب كامري , و هتبتدي الفئات دي تنتشر

و بالتالي التصنيفات دي هتختلف تماما

المشاركة الأصلية كتبت بواسطة Hosam_Optrawy

رأيى الشخصى

ان العربيات اليابانى ممتازه مفيهاش كلام

لكن المشكله الأكبر هو ان سعرها مبالغ فيه + الكورى قرب جدا من اليابانى من حيث الجوده والتكنولوجى والأوبشنز

عشان كدا مابيتنصفش كتير فى المقارنات

يعنى مثلا عربيات زى التيدا والبوما والسيتى بتبدأ من رنج 110 - 120 الف طبعا اول فئه

تطلع لفوق شويه تلاقى امبريزا وكورولا ومازدا 3 وسيفيك بتبدأ من 145 و 150 و 158

ليه ان شاء الله ؟

عربيات ممتازه على عينى وراسى بس السعر استهبال بصراحه

انا شخصيا مفيش حاليا عربيه يابانى داخله دماغى وعمرى ما هافكر اشترى يابانى بالاسعار دى

يا باشا مبالغ في سعرها على اساس ايه ؟! مقارنة بايه ؟؟!!

لما تبقى الجيتا بتبتدي من 170 و الفانتازيا من 150

و الكورولا هاي لاين 160 و امبريزا هاي لاين ب155

يبقى مبالغ فيه ازاى ؟!

المشاركة الأصلية كتبت بواسطة Ahmed0Nouh

المشكله بسيطه

احنا بنشوف من اليابانى بس الحاجات العائلى الرخيصه , وبنشوف دايما من الالمانى الحاجات العاليه الفخمه

لما نبقى نشوف الالمانى الاقتصادى واليابانى الفخم موجودين ممكن ساعتها نقارن انتاج البلاد نفسها , بس بشكل عام ودى حاجه عارفها اى حد متابع السوق العالمى

العربيات الامريكيه خلاص قعدت على الاحتياطى , الاوروبى واليابانى دلوقتى فى منافسه مشتعله فى كل الفئات من اول الهاتش باك لحد السيدان الفخم مرورا بالدفع الرباعى وحتى السوبر اداء واليابانى على قدر المنافسه فى كل الفئات وبيكسب كتير جدا

اى كلام تانى من بتاع جوده الالمانى اعلى والايطالى بيعدى من الحيط تحيز ملوش اى اساس من الصحه

دايما ارآء حضرتك بتعجبني جدا :)

كلام حضرتك كله مظبوط تماما , و ياريت الناس تقرأ مشاركة الاستاذ احمد نوح كويس

المشاركة الأصلية كتبت بواسطة Ahmed Galal

سوق السيارات بتاعنا ما بدأش يتطور الا فى التسعينات و كان قبل كده اللى كان بيجيب عربية بيبقا الناس الواصلة فمعظم الناس كانت بتشحن من اوروبا و طبعا كان للمرسيدس نصيب الاسد فى الفئة الفخمة و من هنا جت سمعة الالمانى و صناعة السينما كمان كانت دايما مطلعة المرسيدس رمز الفخامة طبعا المرسيدس تستحق بس ده اللى خلا الالمانى عندنا واخد السمعة و بعدها فى التسعينات بدانا نفتح شوية و دخل اليابانى بسمعته من الخليج و الناس اللى رجعت بعد حرب الخليج باليابانى الناس اتوهمت باليابانى و اما مشينا فى التسعينات شوية بدانا نشوف الكورى و النهاردة عندنا كل حاجة و لكل الشرائح التسعيرية
بس النهاردة لا عاد اليابانى يابانى و لا الالمانى المانى و كل الشركات عمالة تصنع فى العالم كله و تاخد من موردين من كل حتة فى كوكب الارض بقت العربية هيا اللى بتفرض نفسها مش الشركة اللى صنعتها
و عندك عربيات كتير سه الناس بتتهافت عليها و تشتريها مستعملة عشان سمعتها و الايام ديه بردك نفس الكلام

برده كلام جميل و منطقي , و ممكن يكون سبب فعلا

المشاركة الأصلية كتبت بواسطة Sharky

من الأخر عايز تعرف ليه الأوربى فى نظر اعضاء المنتدى افضل من اليابانى قولى انت تحيب تجيب ايه من الفئات دى لو معاك فلوسها :

فئة السيارات Small Family:
تويوتا كرولا - ميتسوبيشى لانسر - هوندا سيفيك - سوبارو امبريزا - مازدا 3 - فورد فوكس - بيجو 308 - رينو ميجان - فولكس جيتا/ جولف - فولفو S40 - أوبل استرا - سيات ليون - فيات برافو

فئة السيارات Family :
تويوتا أفنسيس - - فولكس باسات - فورد مونديو - رينو لاجونا - سكودا سوبيرب - بيجو 407

مع العلم ان السيارات دى كلها موجودة فى مصر

يا باشا موضوع الاختيار الشخصي دة موضوع لوحده

و انا عن نفسي ممكن اختار عربية فاشلة بس لو عجباني و دتخلة دماغي

يعني مثلا في فئة الsmall family لو الهوندا جاز موجودة هختارها بدون اي تفكير

و لكن للاسف العربية مش موجودة هنا لظروف السعر

و لو بنتكلم في فئة الfamily سكودا سوبيرب , ولكن هل دة معناه ان التويوتا افنسيس وحشة ؟؟؟؟؟؟!!!!!! او لا تعلوا لمستوى السوبيرب او الباسات ؟؟؟؟!!!!
دة اختياري الشخصي

و لازم نراعي برده ان في عربيات تانية من اليابان في الفئة دي غير الافنسيس , ولكن للاسف برده مش بتنزل هنا

تويوتا شركه محترمه جداا

المشاركة الأصلية كتبت بواسطة N.a.j.d

تويوتا شركه محترمه جداا

ايه دخل الجملة دي في الموضوع

المشاركة الأصلية كتبت بواسطة kareem_a

السلام عليكم ,

دلوقتي يا جماعة الواحد لما بيشوف آراء الناس في قسم المقارانات و في اقسام السيارات الاوروبية

بلاقي ان الناس بتتكلم على اساس ان الاوروبين بوجه عام و الالمان بشكل خاص , هم الافضل بدون اي منازع و بدون اي اخطاء او هفوات

و ان المصريين بس هما البيشتروا الياباني لان دي ثقافة الشعب و انهم حافظين مش فاهمين

مع ان اليابانيين دول من افضل شعوب العالم من ناحية التكونولوجيا و التطوير و الجودة , في اي شئ مش السيارات بس

طب ليه بحس ان الكلام دة مش مفهوم هنا في المنتدى

طب دة اليابنيين انتجوا اول سيارة تعمل بالكهرباء و البنزين (تويوتا بريوس)
و اول سيارة تعمل بالكهرباء بالكامل (نيسان ليف)
nissan leaf (2011) with pictures and wallpapers

و انتجوا اول سيارة تعمل بالهيدروجين (هوندا اينسايت)
honda insight (2010) with pictures and wallpapers

و انتجوا احد اعظم السيارات الرياضية في التاريخ (نيسان gtr)
nissan gt-r specv (2010) with pictures and wallpapers

و سيارات ذات شكل فخم و جميل و اداء رياضي (نيسان 370z) - للعلم العربية تفوقت على الbmw z4 في توب جير و في كذا review تاني
nissan 370z roadster (2010) with pictures and wallpapers

و من احدث ما انتجوا و افضلهم في اليابان و العالم (لكزس lfa)
lexus lfa (2011) with pictures and wallpapers

و طبعا طبعا مننساش الميتسوبيشي evo10 - طبعا مش محتاج اتكلم عليها
mitsubishi lancer evolution x fq-400 (2010) with pictures and wallpapers

انا بحاول بالامثلة دي افكر الناس يعني ايه عربية ياباني

انا مش بحاول اعلي من قدرها زيادة , و لكن الناس هنا في المنتدى مقللة من قدرها جدا , و اظن ان دة راجع لانتشارها و دة دليل آخر على الكفائة الناس مش راضية تعترف بيه !!!!!

و طبعا انا مش بقلل من قدر السيارات الاوروبية ابدا و مقدرش اقول عليهم حاجة , و لكن لازم نعرف ان السيارات اليابانية تنافس الاوروبية و بشدة و لا تقل عنها في شئ

و بصراحة ان معرفش في ايه في "الالمان" زيادة عن اليابانيين يخلي سياراتهم بالتأكيد تتفوق على السيارات اليابانية

ياريت يا جماعة ناخد بالنا و نعرف ان مش عشان عربية اغلى تبقى احسن , و طبعا مش محتاج اقلكم على توكيلاتنا الجميلة

طبعا لو بنتكلم على فئة السيارات الاكثر مبيعا في مصر , فأكيد في نقاط تتفوق فيها السيارات الالمانية (مش في جميع المقارانات)

و لكن المبدأ الماشي هنا في المنتدى هو ان السيارات الالمانية افضل في "كل" شئ ماعدا اسعار الصيانات و "بعض" قطع الغيار , ودة مش صحيح

فالمميزات و العيوب مقسمة بالتساوي بين السيارتين و الاختيار يكون على اساس ميول المشتري و ظروفه


مستنس ارآء حضراتكم لأن الموضوع بالنسبالي مهم , و مستني وجهات النظر


و شكرا

+1111111111111