الموضوع: لماذا هناك استهتار كبير باليابان هنا في المنتدى ؟!

المشاركة الأصلية كتبت بواسطة ahmed0nouh

المشكله بسيطه

احنا بنشوف من اليابانى بس الحاجات العائلى الرخيصه , وبنشوف دايما من الالمانى الحاجات العاليه الفخمه

لما نبقى نشوف الالمانى الاقتصادى واليابانى الفخم موجودين ممكن ساعتها نقارن انتاج البلاد نفسها , بس بشكل عام ودى حاجه عارفها اى حد متابع السوق العالمى

العربيات الامريكيه خلاص قعدت على الاحتياطى , الاوروبى واليابانى دلوقتى فى منافسه مشتعله فى كل الفئات من اول الهاتش باك لحد السيدان الفخم مرورا بالدفع الرباعى وحتى السوبر اداء واليابانى على قدر المنافسه فى كل الفئات وبيكسب كتير جدا

اى كلام تانى من بتاع جوده الالمانى اعلى والايطالى بيعدى من الحيط تحيز ملوش اى اساس من الصحه

المشاركة الأصلية كتبت بواسطة kareem_a

لو بنتكلم على مصر , فالكلام دة صحيح

و لكن ليه ؟!

لأن الفئة الخامسة مثلا بتتجمع هنا , و عشان كدة هي بنفس السعر بتاع الكامري المستوردة من اليابان

انا لو كانت الفئة الخامسة بتيجي من بره , كنا هنلاقي ان المعاه نص مليون جنيه بيجب كامري , و هتبتدي الفئات دي تنتشر

و بالتالي التصنيفات دي هتختلف تماما

يا باشا مبالغ في سعرها على اساس ايه ؟! مقارنة بايه ؟؟!!

لما تبقى الجيتا بتبتدي من 170 و الفانتازيا من 150

و الكورولا هاي لاين 160 و امبريزا هاي لاين ب155

يبقى مبالغ فيه ازاى ؟!

دايما ارآء حضرتك بتعجبني جدا :)

كلام حضرتك كله مظبوط تماما , و ياريت الناس تقرأ مشاركة الاستاذ احمد نوح كويس

برده كلام جميل و منطقي , و ممكن يكون سبب فعلا


يا باشا موضوع الاختيار الشخصي دة موضوع لوحده

و انا عن نفسي ممكن اختار عربية فاشلة بس لو عجباني و دتخلة دماغي

يعني مثلا في فئة الsmall family لو الهوندا جاز موجودة هختارها بدون اي تفكير

و لكن للاسف العربية مش موجودة هنا لظروف السعر

و لو بنتكلم في فئة الfamily سكودا سوبيرب , ولكن هل دة معناه ان التويوتا افنسيس وحشة ؟؟؟؟؟؟!!!!!! او لا تعلوا لمستوى السوبيرب او الباسات ؟؟؟؟!!!!
دة اختياري الشخصي

و لازم نراعي برده ان في عربيات تانية من اليابان في الفئة دي غير الافنسيس , ولكن للاسف برده مش بتنزل هنا

المشاركة الأصلية كتبت بواسطة ahmed0nouh

اسمحلى حضرتك متحيز بشكل مبالغ فيه , اليابان فى تكنولوجيا السيارات عالميا تناطح اوروبا بقوه فى عده مجالات

ويكفى ان اليابان حتى يومنا هذا متصدر تقنيات الهايبرد فى العالم ووصلت فى مجال انتاج سيارات تعمل بالهيدروجين الى نجاح تام وهو ما لم يستطع اى من عمالقه اوروبا الوصول اليه برغم محاولات bmw من خلال الفئه السابعه فتره طويله ولكن هوندا تعدت تلك المرحله لمرحله خلق جو يلائم استخدام تلك السيارات يوميا

فى الفورميلا 1 والليمانس الخبره هى كل شئ والتقنيه لا فائده لها بدون الخبره , فمثلا تصدر فيرارى للفرق حاليا لم يكن منذ بدايه ظهورها بالعكس فى ايام ما كان انزو فيرارى لابس شورت وبيروح المدرسه كان فى شركات تانيه متصدره الرياضيه ولكن اختفت وظهر من بعدها فيرارى وهو بطبيعه الحال اللى بيحصل دلوقتى اليابان اقل خبره فى الفورميلا من اوروبا ومازالت لم تكتسب من الخبره ما يؤهلها للأنتصار على اوروبا وده بقى اصعب فى المواسم الحاليه لأن القوانين بتتغير بشكل جذرى كل موسم , وبالرغم من كدا محرك تويوتا للفورميلا 1 من سنتين كان اقوى محرك على الحلبه اقوى من فيرارى ومرسيدس ورينو

نيسان gtr صاحبه المحرك السته سلندر الغلبان والسعر اللى زى ما حضرتك قولت يجيب منها 5 قصاد سعر الجلاردو استطاعت انها تلقن كل فئه دى درس لا ينسى على النربرجرنج وهو بالمناسبه مقياس كل شركات الاداء فى قدره العربيه ومن بعدها حاليا الليكزس ال lfa اللى تعتبر ثوره تقنيه هندسيه فى سيارات الاداء ومن قبلهم كانت السوبرا والسكاى لاين والسليفيا اللى كانت كل منهم بتعلم اوروبا معنى كلمه handling على تراك

فى جانب الامان كمان لا ننسى الابتكارات اللى ملهاش حصر اللى ظهرت مؤخرا من القاره الاسيويه واللى الكلام فيها يطول

الخلاصه , اليابان حاليا بتنافس على الصداره فى كل المجالات وبالفعل تفوقت فى كثير منها ولا يصح ابدا اننا نقول بشكل عام اليابانى اقل من الاوروبى

عربيات كتير اوروبيه كانت ملكه فئتها ودلوقتى بتجاهد ورا اليابانى علشان تلحقه

كلام اكثر من رائع واحييكم عليه
وياريت الناس تتابع الأخبار العالمية شويه وهيا تعرف علشان انا حاسس ان فيه عقدة اسمها االأوروبي زي دول شمال افريقيا كده
يعني من الأخر الأحتلال مأثر لحد الآن
اما باقي الدول اللي لم تحتل زي الخليج وامريكا مش هتلاقي فيها حاجه اسمها اوروبي دي
في الماني ايوه في ايطالي ايوه فيه انجليزي ايوه في امريكي في ياباني ايوه غير كده كلام عام مبسمعشي ولا بشوف كده

اكيد هناك انواع كتيره مش موجوده ف مصر

أولا ...في قواعد معرفة في عالم العربيات .... زي إن دول اوروبا عربيتها وحتى الشركات الاوروبية أكبر وأقوى من الياباني .... ده اقتصاديا....
أما ك عربيات فـاجمالا ...الاوروبي أحسن من الياباني وده لعدة أسباب وجيهة جدا
1- الشركة الاوروبي اغلبهم في كتل مع بعض فـاقتصاديا أقوى عندك مجموعة VW مجموعة BMW مجموعة مرسيدس...مجموعة renault-nissan مجموعة peuogot - citroen وماعتقدش في حاجة تانية ومعذرة لو نسيت ...أما اليابان فـهي مجموعة toyota بس ... فـكاقتصاد اوروبا أقوى ...
2- أكتر حاجة مخلية اوروبا هي نمرة واحد ...هي التكنولجيا ...هم اللي بيزقوا الصناعة دي ل قدام ... في حين إن اليابان مابتحبش تاخد risk التكنولجيا الجديدة... تلاقي الشركات الاوروبية بتنفس بعض في النقطة دي ...و اليابان بتاخد من بعضهم ... آه ممكن تطوره ويبقى أحسن من الاوروبي , بس ده بيكون في خلال من 5 إلى 8 سنين ....
3- اوروبا مهتمة بالمواتير وتطويرها... اليابان ممكن تشغل موتور 10 و 15 سنة , زي الصني هو نفس الموتور من 15 سنة ....
4 اوروبا دايما المواصفات بتاعتها دايما بتبقى أحسن .... شوف الفرق بين كود البيئة في اوروبا .... وأي حتة تانية ... وشوف ده نزل امتى و في باقي الدنيا امتى .... ال europncap وهكذا.....
5- الاسعار هنا في مصر مش مقياس لأي حاجة .... ومايتاخديش بيها ... سيبك من مصر في الموضوع ده ...شفت بره حتلاقي الاسعار آه أغلى شوية بس مش أغلى كتير ... وحتلاقي الاسعار مبررة..... أما هنا فـغبور منزل الالنترا ب 100 ألف .... ده كلام فارغ..... السيفك دي عربية الشباب في كل الدنيا ... في مصر يطلع عين اهلك علشان تجيب سفيك....
6- عادي جدا إن شركة ياباني تنزل عربية قوية .... يعني النيسان ال GTR أو ال lexus الجديدة اللي هي سوبر كار .... عادي ... دي شركات كبيرة وليها اسمها ..... مش صيني يا جماعة ..... آه الاوروبي سابق بكام خطوة ... بس الياباني لازق فيه على طول ....

المشاركة الأصلية كتبت بواسطة jeeqoub

الياباني في السعوديه ومعظم دول الخليج :: 80% من السيارات ياباني

ليه؟

لان تويوتا مثلا عندها اكثر من ٢٠ موديل
مصر عندها : ٤

اسماء كتيره مش موجوده هنا بمصر خالص دا السبب

في نقطة مهمة لازم تتوضح ... الخلايجة مش بيفهموا في العربيات إلى من رحم ربك ... ومش معنى إن معاهم فلوس يبقوا بيفهموا ....طبيعة البلاد دي إن الحجم هو المقياس ...وال امريكان بيعملوا مراكب مش عربيات ... فـمش معناه إن الامريكاني أحسن من الاوروبي ....
بالإضافة إلى كمية العمالة الوافدة اللي عايزة تجيب عربية رخيصة .... بس تستاهل ...بمعنى إني هنا في مصر لو راكب هيونداي ورايح السعودية مثلا مش حاروح أجيب هيونداي هناك برده ..الواحد عايز يعلى برده ....
و برده إنها ارخص عربيات هناك .... فـطبعا لازم يبقى ليهـا سوق ..... مع اعترافي بجودتها طبعا ....بس الواحد رايح هناك علشان يعمل قرشين مش علشان يركب مرسيدس ....

مناقشة جميلة وممتعة بس مع احترامي لجميع الاراء اليابان من اكتر بلاد الدنيا تقدم وخصوصا في مجال الالكترونيات والميكروتشيب وباقي العالم يجي بعديها بخطواط بعيدة العالم كلو مش بس اوربا او امريكا كمان في مجال الطيران اليابان بتنتج اغلب المكونات الالكترونية الحساسة للطيارات والمقاتلات الامريكية والشركات الي زي بوينج ولوكهيدمارتن بتجمع الاجزاء دي ومرة سمعت ان ميتسوبيشي عملت طيارة حربية ازهلت العالم واضطرت امريكا انها توقف المشروع دة علشان تقتل اي طموح عسكري لليابان لانها بتخاف من رجوع الروح الحربية لليابان لانها من الدول الي ممكن تعمل طفرة في وقت قليل جدا واليابان مفروض عليها النظام دة انها تكون بدون جيش فقط جيش دفاعي زيها زي كوريا الجنوبية والمانيا ودول كتير وللحديث بقية

المشاركة الأصلية كتبت بواسطة ehaballam

أولا ...في قواعد معرفة في عالم العربيات .... زي إن دول اوروبا عربيتها وحتى الشركات الاوروبية أكبر وأقوى من الياباني .... ده اقتصاديا....
أما ك عربيات فـاجمالا ...الاوروبي أحسن من الياباني وده لعدة أسباب وجيهة جدا
1- الشركة الاوروبي اغلبهم في كتل مع بعض فـاقتصاديا أقوى عندك مجموعة vw مجموعة bmw مجموعة مرسيدس...مجموعة renault-nissan مجموعة peuogot - citroen وماعتقدش في حاجة تانية ومعذرة لو نسيت ...أما اليابان فـهي مجموعة toyota بس ... فـكاقتصاد اوروبا أقوى ...
2- أكتر حاجة مخلية اوروبا هي نمرة واحد ...هي التكنولجيا ...هم اللي بيزقوا الصناعة دي ل قدام ... في حين إن اليابان مابتحبش تاخد risk التكنولجيا الجديدة... تلاقي الشركات الاوروبية بتنفس بعض في النقطة دي ...و اليابان بتاخد من بعضهم ... آه ممكن تطوره ويبقى أحسن من الاوروبي , بس ده بيكون في خلال من 5 إلى 8 سنين ....
3- اوروبا مهتمة بالمواتير وتطويرها... اليابان ممكن تشغل موتور 10 و 15 سنة , زي الصني هو نفس الموتور من 15 سنة ....
4 اوروبا دايما المواصفات بتاعتها دايما بتبقى أحسن .... شوف الفرق بين كود البيئة في اوروبا .... وأي حتة تانية ... وشوف ده نزل امتى و في باقي الدنيا امتى .... ال europncap وهكذا.....
5- الاسعار هنا في مصر مش مقياس لأي حاجة .... ومايتاخديش بيها ... سيبك من مصر في الموضوع ده ...شفت بره حتلاقي الاسعار آه أغلى شوية بس مش أغلى كتير ... وحتلاقي الاسعار مبررة..... أما هنا فـغبور منزل الالنترا ب 100 ألف .... ده كلام فارغ..... السيفك دي عربية الشباب في كل الدنيا ... في مصر يطلع عين اهلك علشان تجيب سفيك....
6- عادي جدا إن شركة ياباني تنزل عربية قوية .... يعني النيسان ال gtr أو ال lexus الجديدة اللي هي سوبر كار .... عادي ... دي شركات كبيرة وليها اسمها ..... مش صيني يا جماعة ..... آه الاوروبي سابق بكام خطوة ... بس الياباني لازق فيه على طول ....

1 - وبرغم ان الشركات الاوروبيه تشكل تحالفات قويه جدا وتضم عدد كبير من الماركات تحتها الا ان تويوتا الصانع اليابانى تحتل المرتبه الاولى عالميا كأكبر مصنع سيارات

2 - مين قال كدا ؟ , اليابان صاحبه النجاح الساحق فى الهايبرد وصاحبه اول ناقل حركه من 8 سرعات وصاحبه ابتكار الوسائد الهوائيه للأرجل وصاحبه اول نجاح حقيقى فى عالم المحركات العامله بالهيدروجين وحاجات كتير قوى بس للأسف لم تسعفنى الذاكره حاليا ودى بس اخر الابتكارات اللى ظهرت

تكنولوجيا اليابان هى اللى دفعتها لكن لو كانت صحيح مجرد بتستنسخ من اوروبا كانت بقت زى الصين بالظبط محلك سر

3 - مهى النيسان صنى والتويوتا افانزا والبومه اللى بقالها 20 سنه زيرو فى مصر هم اصحاب فكره ان اليابانى مضروب ولا ينافس الاوروبى , الصنى موديل يجمع ويسوق محلى فقط وانتهى اساسا من سجلات الشركه لا يصح نقارن بيه عربيات اوروبا الحديثه

محركات اليابان منها محرك ال lfa الجديد اللى من سرعه دورانه الشركه خصصت له عداد rpm الكترونى , وفى محرك ال gt-r اللى سعته لا تتعدى ال 3.8 لتر ومع ذلك قوته 480 حصان وعزمه 588 نيوتن / المتر , وكمان زى ما قولت فى رد سابق فى اقوى منافسه فى العالم للمحركات كان محرك تويوتا هو المنتصر بقوه اكبر من اى محرك لأى فريق اخر فى الفورميلا 1

وحتى بعيدا عن عالم السوبر اداء , تبقى السيفيك بمحركاتها من الثمانينات كمثال قوى على تفوق تقنيات المحركات اليابانيه

4 - كود البيئه ده اجراء حكومى للحفاظ على البيئه , ايه علاقته بمدى تطور صناعه السيارات فى اسيا واوروبا !!!

5 - السوق المحلى وضعه واسعار ملهاش اى علاقه بالمنافسه دى

المشاركة الأصلية كتبت بواسطة egytamer

مناقشة جميلة وممتعة بس مع احترامي لجميع الاراء اليابان من اكتر بلاد الدنيا تقدم وخصوصا في مجال الالكترونيات والميكروتشيب وباقي العالم يجي بعديها بخطواط بعيدة العالم كلو مش بس اوربا او امريكا كمان في مجال الطيران اليابان بتنتج اغلب المكونات الالكترونية الحساسة للطيارات والمقاتلات الامريكية والشركات الي زي بوينج ولوكهيدمارتن بتجمع الاجزاء دي ومرة سمعت ان ميتسوبيشي عملت طيارة حربية ازهلت العالم واضطرت امريكا انها توقف المشروع دة علشان تقتل اي طموح عسكري لليابان لانها بتخاف من رجوع الروح الحربية لليابان لانها من الدول الي ممكن تعمل طفرة في وقت قليل جدا واليابان مفروض عليها النظام دة انها تكون بدون جيش فقط جيش دفاعي زيها زي كوريا الجنوبية والمانيا ودول كتير وللحديث بقية

ده كلام مظبوط و صحيح و فعلا اثناء عملي علي سفن الحاويات بخط (شمال غرب أوروبا - شرق أسيا) كنا بنزور 3 مواني باليابان (كوبي - ناجويا - يوكوهاما) و أيامها كنت مستغرب جدا من اننا بننقل منتجات (ميتسوبيشي - سوني - باناسونيك) من دول اخري الي اليابان !!!
و كان الرد بأن اليابان توقفت تمامام و كليا عن أي صناعات تقليدية أو ملوثة للبيئة و أكتفت فقط بالصناعات الدقيقة و المتطورة جدا ( و خلوا بالكم من كلمة متطورة جدا دي)

لذا لو تلاحظوا في ازمة "تويوتا" الاخيرة أن معظم المصانع التي تعرضت للأغلاق أو كانت بها مشاكل فنية هي خارج اليابان لأن اليابان أصبحت لاتنتج هي هذه المنتجات

و قبل ذلك كنا نري علي أي منتج ياباني (مثلا سوني) كلمة made in Japan ثم تحولت الي made by SONY عرفتوا الفرق و ليه اليابان عملت كده ؟؟

و لكم خالص تحياتي
م/ سمير الشهاوي