لماذا هناك استهتار كبير باليابان هنا في المنتدى ؟!

**Kareem_A** · 15-04-2010 01:57 AM

السلام عليكم ,

دلوقتي يا جماعة الواحد لما بيشوف آراء الناس في قسم المقارانات و في اقسام السيارات الاوروبية

بلاقي ان الناس بتتكلم على اساس ان الاوروبين بوجه عام و الالمان بشكل خاص , هم الافضل بدون اي منازع و بدون اي اخطاء او هفوات

و ان المصريين بس هما البيشتروا الياباني لان دي ثقافة الشعب و انهم حافظين مش فاهمين

مع ان اليابانيين دول من افضل شعوب العالم من ناحية التكونولوجيا و التطوير و الجودة , في اي شئ مش السيارات بس

طب ليه بحس ان الكلام دة مش مفهوم هنا في المنتدى

طب دة اليابنيين انتجوا اول سيارة تعمل بالكهرباء و البنزين (تويوتا بريوس)
و اول سيارة تعمل بالكهرباء بالكامل (نيسان ليف)
Nissan LEAF (2011) with pictures and wallpapers

و انتجوا اول سيارة تعمل بالهيدروجين (هوندا اينسايت)
Honda Insight (2010) with pictures and wallpapers

و انتجوا احد اعظم السيارات الرياضية في التاريخ (نيسان GTR)
Nissan GT-R SpecV (2010) with pictures and wallpapers

و سيارات ذات شكل فخم و جميل و اداء رياضي (نيسان 370Z) - للعلم العربية تفوقت على الBMW Z4 في توب جير و في كذا review تاني
Nissan 370Z Roadster (2010) with pictures and wallpapers

و من احدث ما انتجوا و افضلهم في اليابان و العالم (لكزس LFA)
Lexus LFA (2011) with pictures and wallpapers

و طبعا طبعا مننساش الميتسوبيشي EVO10 - طبعا مش محتاج اتكلم عليها
Mitsubishi Lancer Evolution X FQ-400 (2010) with pictures and wallpapers

انا بحاول بالامثلة دي افكر الناس يعني ايه عربية ياباني

انا مش بحاول اعلي من قدرها زيادة , و لكن الناس هنا في المنتدى مقللة من قدرها جدا , و اظن ان دة راجع لانتشارها و دة دليل آخر على الكفائة الناس مش راضية تعترف بيه !!!!!

و طبعا انا مش بقلل من قدر السيارات الاوروبية ابدا و مقدرش اقول عليهم حاجة , و لكن لازم نعرف ان السيارات اليابانية تنافس الاوروبية و بشدة و لا تقل عنها في شئ

و بصراحة ان معرفش في ايه في "الالمان" زيادة عن اليابانيين يخلي سياراتهم بالتأكيد تتفوق على السيارات اليابانية

ياريت يا جماعة ناخد بالنا و نعرف ان مش عشان عربية اغلى تبقى احسن , و طبعا مش محتاج اقلكم على توكيلاتنا الجميلة

طبعا لو بنتكلم على فئة السيارات الاكثر مبيعا في مصر , فأكيد في نقاط تتفوق فيها السيارات الالمانية (مش في جميع المقارانات)

و لكن المبدأ الماشي هنا في المنتدى هو ان السيارات الالمانية افضل في "كل" شئ ماعدا اسعار الصيانات و "بعض" قطع الغيار , ودة مش صحيح

فالمميزات و العيوب مقسمة بالتساوي بين السيارتين و الاختيار يكون على اساس ميول المشتري و ظروفه

مستنس ارآء حضراتكم لأن الموضوع بالنسبالي مهم , و مستني وجهات النظر

و شكرا

**Scuderia.M** · 15-04-2010 02:06 AM

الموديلات اللي حضرتك ذكرتها دي لا خلاف عليها إنها عظيمة!
بس مش ده الياباني اللي بينزل مصر :(
هنا في مصر شايفين عظمة اليابان في اللانسر البومة!!!
يمكن كمان عشان التوكيلات بتبالغ ساعات فالاسعار عشان الاقبال كبير عالعربيات دي....
ف احنا في مصر مش راكبين ياباني, احنا راكبين أقل حاجة في الياباني.

**FunnyMickey** · 15-04-2010 02:09 AM

وهوا مين مبيحبش العربيات الياباني ولا بيعيب في العربيات الياباني
بس معلش انتا متقدرش تلوم حد في قسم السيارات الاوروبيه انه ميحبش الياباني
ماهو لازم ميحبوش
الركوبه مختلفه تماما
انا بحس مثلا ان اللي ركب بي ام او مرسيدس مثلا
ميرتاحش في التويوتا او اللانسر مهما عليت في الفئه بتاعتها

والعكس صحيح
انما اغلبيه الشعب المصري مثلا بيحب الياباني والدليل انك دايما تلاقي العربيات الشعبيه في مصر ايه
تويوتا ميتسوبيشي المازدا مش اوي وللاسف مش واخده حقها في مصر
وطبعا الكوري قبل كل دول عشان الاسعار

طب لو سألنا نفسنا سؤال بشكل تاني بقي

هل لو توفر للشعب المصري الرفاهيه الاجتماعيه والمستوي المادي المناسب
هل حيركب الماني او امريكي ولا حيفضل يجيب الياباني ؟؟؟
هنا بقي تعرف هل احنا فعلا بنحب الياباني ولا احنا مضطرين نحبه عشان مش قادرين نركب اوروبي

**M.Osman** · 15-04-2010 02:10 AM

المذبحة هتبدأ :d

**Kareem_A** · 15-04-2010 02:17 AM

المشاركة الأصلية كتبت بواسطة funnymickey

وهوا مين مبيحبش العربيات الياباني ولا بيعيب في العربيات الياباني
بس معلش انتا متقدرش تلوم حد في قسم السيارات الاوروبيه انه ميحبش الياباني
ماهو لازم ميحبوش
الركوبه مختلفه تماما
انا بحس مثلا ان اللي ركب بي ام او مرسيدس مثلا
ميرتاحش في التويوتا او اللانسر مهما عليت في الفئه بتاعتها

والعكس صحيح
انما اغلبيه الشعب المصري مثلا بيحب الياباني والدليل انك دايما تلاقي العربيات الشعبيه في مصر ايه
تويوتا ميتسوبيشي المازدا مش اوي وللاسف مش واخده حقها في مصر
وطبعا الكوري قبل كل دول عشان الاسعار

طب لو سألنا نفسنا سؤال بشكل تاني بقي

هل لو توفر للشعب المصري الرفاهيه الاجتماعيه والمستوي المادي المناسب
هل حيركب الماني او امريكي ولا حيفضل يجيب الياباني ؟؟؟
هنا بقي تعرف هل احنا فعلا بنحب الياباني ولا احنا مضطرين نحبه عشان مش قادرين نركب اوروبي

كلام جميل جدا

بس يا باشا لازم نقارن سيارات من نفس الفئة

يعني اكيد طبعا ركوبة المرسيدس و الbmw افضل من تويوتا و ميتسوبيشي

و لكن في منافسة جامدة جدا لو قارناهم باللكزس و الاكورا و في احيان كتير بيتفوقوا على المرسيدس و الBMW

و على فكرة في امريكا , العربيات الياباني محققة اعلى مبيعات و بيحبوها جدا

**Mostafa.Mahran** · 15-04-2010 02:17 AM

اليابانى=تويوتا كامرى+هوندا اكورد+نيسان ماكسيما+مازدا6+ميتسوبيشى جالانت مثلا

العربيات دى المفروض انها بداية اليابانى

انما فى مصر؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

**Scuderia.M** · 15-04-2010 02:19 AM

المشاركة الأصلية كتبت بواسطة Kareem_A

يا باشا طب ماهو احنا في مصر راكبين اقل حاجة في الالماني و الاوروبي

يعني هو احنا شايفين عظمة الصناعة الاوروبية هنا في مصر ؟؟

الهي الجيتا ؟؟ ارخص سيدان من فولكس فاجن ؟؟

و الفكترا الموجودة من 2008 لسه متبعتش , و نزل بدلها عربية افضل بمراحل (انسيجنا) و برده موصلتش عندنا و مش هتوصل

تمام حضرتك بتكلم صح, بس بالنسبة ل BMW و Mercedes ف احنا راكبين الموديلات اللي بتنزل بره... فين في مصر الLexus؟ ال Infinity؟ احنا أعلى حاجة عندنا في الToyota هي ال Avensis! و mitsubishi اخرها الLancer...

بالنسبة لحوار الVectra ده ف المشكلة دي بسبب منصور ربنا يخليهولنا

QUOTE=M.Osman;3872558567]المذبحة هتبدأ :d[/QUOTE]
لا يا باشا لا مذبحة ولا حاجة, أنا مش متحيز للألماني ولا الياباني, أنا شايف إن السوق في مصر وحش جدا وبيظلم عربيات كتير....

**Kareem_A** · 15-04-2010 02:20 AM

المشاركة الأصلية كتبت بواسطة m.osman

المذبحة هتبدأ :d

هههههههههه , من متابعتي لمواضيع مشابهة قبل كدة , توقعت الموضوع دة :)

و لكن لازم تعرفوا اني مش بدافع عن السيارات الياباني خالص , و لكني فقط مستغرب من ان الناس بتتعامل مع العربيات الياباني على انها عربيات درجة تانية تأتي بعد الاوروبي ايا كانت المقارنة

بس ياريت ميبقاش في تعصب و نتكلم بموضوعية