الموضوع: مقارنه سريعه بين صيانة غبور و الوكلاء المعتمدين لديه

الساده اعضاء المنتدى
تحيه طيبه وبعد ,,,

فى سؤال محيرنى اوى و مش عارف اجبته هل صيانة غبور افضل ام احد وكلاءه المعتمدين و هل و الوكيل المعتمد عنده نفس الخبرات الفنيه و الايدى المدربه ام لا ؟؟؟؟

بالزحمه اللى الواحد بيروح يشوفها و الانتظار الممل و المعمله السيئه اللى الواحد بيلقيها لحد ميستلم عربيته من الاستقبال مع العلم ان عدم النظام عند غبور شئ عادى انك تدخل عربيتك فى الميعاد اللى حددوهولك وتقعد حنب عربيتك يوم كامل او نص يوم وتكتشف انها لسه مدخلتش اصلا ده غير مشوار ابو رواش اللى انا باعمله من التجمع الخامس علقه سخنه فى السواقه و مراوغة النقل و الميكروباصات و لو قلتوا لى ان
مركز قليوب اقرب ارد عليكم واقول لكم ان انا رحت هناك علشان اغير البوبينه علشان ضربت ونزلت كل السائل المخصص للتبريد منها و لقيتهم هناك تايهين و الفنين بستغلوا الظروف ديه ويطلعوا علشان ياخد العربيه من العميل و يقول له انا اللى حشتغل فيها يا بيه و ده طبعا علشان ياخد حاجه ويتوصى و قد كانت هذه التوصيه وبعد خناقه علشان يغيروا البوبينه وكانوا عايزين يربطوها كده وخلاص و يقوللى سليمه مافيهاش حاجه غيروها ولما روحت البيت و ركنت ربنا الهمنى افتح الكبوت و اشوف هما عملوا ايه لقيت ان سلك البوبينه اللى رايح على الاسبراتير على شعرة سلك واحده وطبعا ده ممكن يتقطع و لو رجعتلهم طبعا حينكروا انهم مايعرفوش حاجه و ان العربيه خارجه سليمه فطبعا رحت اشتريت سلك تانى وغيرته وريحت ماغى

فهل بعد كل هذا العذاب اللى الواحد بيشوفه عند الوكيل يروحله برضه ام يختار احد الوكلاء المعتمدين و يروحله وحايكون عند نظام شويه

فقط احجز دور مسبقا بالتليفون ( يفضل يكون دورك من 1 - 3 )
زميل لى حذرنى من ذلك ، و أخذت الدور الأول (بعد 4 أيام من تاريخ مكالمة الحجز) و عملت صيانة ال 1000 فى نصف ساعة .