ليه متكونش مصر كلها منطقة حرة "برجاء النقاش فى الموضوع دة"

بسم الله الرحمن الرحيم
السلام عليكم ورحمة الله و بركاتة


سؤال تاعبنى نفسيا و عصبيا وكل مافكر فيه أتعب
ليه مصر متكونش كلها منطقة حرة ؟
ليه دايما المعوق فى مصر سعر سيارتة نصف السعر الطبيعى فى مصر ؟
مش بحقد عليهم طبعا ربنا يتولاهم و يتولانا جميعـــــا لكن العيب من المنظومة نفسها إلى احنا فيها
يعنى هوا أنا عشان أركب عربية بسعر معقول نسبيا لازم أعمل حادثة و يجيلى أعاقة !!؟
سؤال بجد بيتعبنى نفسيا

لو هنحسبها بالعقل و بعدم دراسة هنلاقى أن الجمارك والضرايب بتكسب من سيارات المعوقين
طيب السيارات العاديه بحس ليه إن فيها طمع و جشع !؟ عشان الوكيل بس !؟ مش معقول برضة
ساعات برمى كل الحمول على الوكيل لأنه بيكسب على الماروتى حوالى 14 ألف جنيه و دى تعتبر أرخص سيارة مابالك الحاجات الكبيرة هيكسب منها كام ألف !!!!!!!!؟
ساعات بشوف أسعار العربيات برة و سعرها بعد الجمرك و الضرايب بستعجب بحس أن الجمرك والضرايب دول ضد دايما مصلحة المواطن المصرى طيب أزاى !؟؟ الفلوس دى بتروح فين !؟
مش المفروض يظبطوا الطرق طيب بالملايين دى إلى بتتاخد كل سنه ؟
فين الخطة المستقبليه بتاعة الطرق فى مصر ؟ بنجيب ناس من المانيا و ايطاليا ياخدوا كام مليون عشان يعدلوا الطرق و ييجوا يتريقوا علينا و يمشوا
طيب لمؤاخذة كدة هوا احنا بقينا خلاص مش عارفين نقسم شوارع ؟
فكرونى بمسرحيه كدة بتاعة محمد صبحى لما كان بياكل و فيه واحدة واقفه بمنديل بتمسح بئة أفتكرته لما قال أنه عايز واحدة زيها فى الحمام و دا حال المنظومة بتاعتنا كلها يعتبر


و السؤال إلى بيطرح نفسه دلوقتى
أنا عشان أركب عربية كويسة و بسعر يعتبر معقول بالنسبه لبدى (مع أنه مش معقول بالنسبه لأى دولة) لازم أبقى معوق ؟
طبعا مفيش بنى ادم عاقل يقول كدة
طيب نخلينا عاقلين بقى يبقى أية الحل ؟ نعمل أية ؟ أضراب زى السعودية عن شراء الجديد ؟
يتهئ لى إلى هيكونوا معايا و بيقولولى مش هنشترى تانى يوم هيكون بيحجز عربيه !! لأن كل واحد بيقول مصلحتى فوق الجميع
طيب أية الحل !!!؟
و حسبى الله ونعم الوكيل فى المسؤلين عن الأسعار دى

لسبب بسيط جدا هو لو السعر رخص ... السيارات هتزيد جدا جدا ...

محدش هيعرف يمشى فى الشوارع ... البلد هتقفل ...

الجمارك تخفض ... بعد حل أزمة التخطيط ...

بعد حل أزمة الدخل القومى

اقتباس:

---

المشاركة الأصلية كتبت بواسطة seiffoz

لسبب بسيط جدا هو لو السعر رخص ... السيارات هتزيد جدا جدا ...

محدش هيعرف يمشى فى الشوارع ... البلد هتقفل ...

الجمارك تخفض ... بعد حل أزمة التخطيط ...

بعد حل أزمة الدخل القومى

---

موضوع الشوارع دة مش ذنبى ولا ذنب الناس إلى عايزة تشترى الذنب ذنب التخطيط الفاشل إلى بيعملوا فيه من أوائل الثمانينات وملايين بتتاخد من غير تغيير حتى أشارات العبور المدهونه فى الشارع لدرجة أن مبقاش فيه دلوقتى و لحد دلوقتى مش عارفين يعملوا طرق جديدة ولا حتى أسفلت العربيه تمشى عليه يعنى أنا مثلا ينفع أسوق عربيتين فى وقت واحد أمشى بيهم بجنب الشارع أكيد لأ و كمان يا سيدى انا عايز أجيب عربيه أركنها فوق سقف العماره حتى أو أنا واحد بدوى فى الصحرا عايز أمشى بيها فى الرمله يبقى أية ذنبى
و لو على تخطيط الشوارع ممكن أى طفل فى أبتدائى يخطط الشوارع و الطرق بس هاتلى أيد عامله حكوميه تنفذ و متكونش نايمه فى ماية البطيخ

اقتباس:

---

المشاركة الأصلية كتبت بواسطة ama

كل واحد بيقول مصلحتى فوق الجميع

---

هي دي كلمة السر
في كله
مستوردين , مسئولين , مستهلكين
و كل واحد بيبررها لنفسه بطريقته , و وارد تلاقي مبررات من دي في ردود الموضوع بتاعك هنا كمان , انا ما قريتش
في الآخر , الحال مش هايتصلح الا لما الثقافة الدنيئة دي تنتهي

اقتباس:

---

المشاركة الأصلية كتبت بواسطة tlrsiap

هي دي كلمة السر
في كله
مستوردين , مسئولين , مستهلكين
و كل واحد بيبررها لنفسه بطريقته , و وارد تلاقي مبررات من دي في ردود الموضوع بتاعك هنا كمان , انا ما قريتش
في الآخر , الحال مش هايتصلح الا لما الثقافة الدنيئة دي تنتهي

---

أقسملك بالله يا باشمهندس تامر انا ساعات بحس أننا عايش لوحدى فى حال تانى خالص
زى بالظبط إلى بيأذن فى مالطا رغم أن مالطا بقى فيها مسلمين

لو حد بيتفرج على automoto ساعات بيجيبوا عربيات مستعملة منطقة حرة, ال lanos بـ 18500 والNubira بـ22500 automatic f/o وطبعا كل دول موديل فوق ال2000
واحنا عندنا ال128 موديل 1980 من غير أي حاجة خالص من 16-22 ألف!!!
أنا من أسبوع كنت في بورسعيد, ما شاء الله كله هناك راكب civic و lancer ومفيش ولا عربية مهكعة هناك خالص.
طيب منفتح استيراد العربيات المستعملة من بره بس يكون بشروط (مش اقل من سنة معينة وكده) ونبدل العربيات القديمة بالعربيات اللي جاية من بره, ساعتها ممكن نطبق احلال الملاكي ونقلل اعداد العربيات القديمة, وسعتها العربيات مش هتزيد في الشارع ولا حاجة... لأن كل واحدة مستعمله من بره هيتشال قدامها واحدة قديمة.
ده بالنسبة للمستعمل بلاش نتكلم عالزيرو عشان بيقولك الجمارك دي عشان تحمي صناعة السيارات الوطنية!

الجمارك من موارد الدولة الأساسية وصعب يلغوها

البلد بايظه انت لو عشان اسعار العربيات تنزل زي دول العالم محتاج تغير نظام بأكمله

اقتباس:

---

المشاركة الأصلية كتبت بواسطة memo_p910

البلد بايظه انت لو عشان اسعار العربيات تنزل زي دول العالم محتاج تغير نظام بأكمله

---

احنا محتاجين نغير حجات كتييييييييييييييييييييييي يرر
اللبيب بالاشاره يفهمو

ربنا يصلح الحال وتتزبط

اقتباس:

---

المشاركة الأصلية كتبت بواسطة ama

أقسملك بالله يا باشمهندس تامر انا ساعات بحس أننا عايش لوحدى فى حال تانى خالص
زى بالظبط إلى بيأذن فى مالطا رغم أن مالطا بقى فيها مسلمين

---

انا حاسس بيك و الله
و باحسها اكتر في حاجات زي مقاطعة المنتجات الامريكية كده
انا مش متخيل ان فيه حد مش قادر يستبدل الكوكاكولا و البيبسي بالعصاير مثلا

هو في خلل بشكل عام في منظومة مصر والجمارك فعلا عشان حماية انتاج السيارات المحلي اللي هيا مليا شوارع مصر طبعا زي التويوتا وكيا و هيونداي ونيسان....

حرام عليك يا عم
عايز تكون البلد كلها زي بورسعيد
دي تبقي خربت بجد
بسبب المنطقه الحره حصل الاتي
كل من هب و دب بقي معاه عربيه
زحمه غير طبيعيه في الشوارع
مشاكل ملهاش عدد بسبب الزحمه
الخ الخ الخ
ده انا اول واحد نفسي المنطقه الحره تتلغي
و الحل الصحيح
ان الجمارك تتلغي

والله شايف احسن حل للموضوع ده ويطبق وهيريح الناس كلها

انا راجل عايز اشترى عربيه جديده زيرو اجى اشنرى عربيه عدى على انتاجها مثلا 30 سنه و اديهلهم يكهنوها واخد عربيه زيرو بدون جمارك كده العربيات القديمه هتقل و يبقى شيلنا عربيه مكان عربيه دى فى راى افضل كتير من النظام المعمول حاليا وخليها تجميع محلى كمان لو الحكومه عايزه

السلام عليكم و رحمة الله و بركاته,

اخي ama صاحب الموضوع, أنا طبعا متعاطف معاك جدا بس للأسف مش هينفع اللي حضرتك عايزه يحصل أبدًا.... وده لسبب بسيط جدا هو إن احنا في الاساس فشلنا فشل ذريع إن احنا نخلي بورسعيد (اللي هي أصلا مدينة صغيرة) منطقة حرة (أنظر دبي) فمابالك بقى في مصر كلها....

حضرتك اتكلمت عن الشركات اللي من بره عشان تخطط لينا البلد... طيب حضرتك تقدر تقولي شركات النظافة اللي جت البلد عملت إيه.... ! وده مش معناه إن في عيب في الشركات دي .. لأ... ده للأسف عشان النظام أساسا فاسد و مفسد و جاذب للفساد ... إذا كان النظام في مصر خلى مرسيدس بجلالة قدرها تفسد هي كمان وتدي رشاوي عشان تمشي شغلها !!

أما بخصوص العربيات في بورسعيد ارخص شوية عشان المنطقة الحرة.... فعلى اد ما الناس استفادت من المنطقة الحرة (لسوء التنفيذ الحكومي) زي ما الناس اتضرت منها (وده محتاج موضوع تاني عشان نسرد تفاصيله) ...

آه و على فكرة أنا من بورسعيد.

الله كريم,

من فترة كان د عبد المنعم سعيد كاتب مقال بنفس الفكرة فى الاهرام بيقول بالمعنى يعنى "مادام فى استفادة حصلت لبورسعيد من المنطقة الحرة فى مجالات مختلفة مش العربيات بس طبعا ليه ميكونش الحل ان احنا نعممها على باقى محافظات مصر ...""

بس طبعا تبعات الموضوع ده مش سهلة اولها انك زى ما حتستورد عربية من غير جمرك ممكن التجار يستوردو حديد من غير جمارك اجود وارخص من حديد عز
وممكن تجيب اسمنت ارخص واجود من اسمنت المصرية بتاع ساويرس و اسمنت سينا بتاع حسن راتب
وقياسا على ذلك باقى المنتجات ,,
طبعا ده حيفتح البلد بشكل غريب ومع الوقت حيتحول اغلب الموزعين لتجار ومستوردين والكيانات الكبيرة المسيطرة على الاسعار عن طريق الاحتكار مع الوقت حتختفى بسبب المنافسة

أسف أنى مقدرتش أرد على الناس كلها لكن بجد شكرا على التفاعل الجميل دة و يا ريت أشوف أقتراحاتكم إلى تخلى الحكومة تفتح مصر كلها منطقة حرة

اقتباس:

---

المشاركة الأصلية كتبت بواسطة kingaya

من فترة كان د عبد المنعم سعيد كاتب مقال بنفس الفكرة فى الاهرام بيقول بالمعنى يعنى "مادام فى استفادة حصلت لبورسعيد من المنطقة الحرة فى مجالات مختلفة مش العربيات بس طبعا ليه ميكونش الحل ان احنا نعممها على باقى محافظات مصر ...""

بس طبعا تبعات الموضوع ده مش سهلة اولها انك زى ما حتستورد عربية من غير جمرك ممكن التجار يستوردو حديد من غير جمارك اجود وارخص من حديد عز
وممكن تجيب اسمنت ارخص واجود من اسمنت المصرية بتاع ساويرس و اسمنت سينا بتاع حسن راتب
وقياسا على ذلك باقى المنتجات ,,
طبعا ده حيفتح البلد بشكل غريب ومع الوقت حيتحول اغلب الموزعين لتجار ومستوردين والكيانات الكبيرة المسيطرة على الاسعار عن طريق الاحتكار مع الوقت حتختفى بسبب المنافسة

---

يا باشا أنا معاك أن الجمارك و الضرايب المفروض تبقى على حاجات معينه لكن أية الهدف منها !؟
الهدف الأول والأساسى للجمارك حمايه المنتج المحلى المصنع داخل الدولة بخامات محليه 100%
طيب أحنا أية المنتج المحلى عندنا 100% شركة نصر دا تقفيل فيات الأيطاليه و شاهين مالهاش علاقة بمصر أصلا
طيب يبقى العربيات عندنا يتظبط حالها لأن مفيش منتج محلى نهااااااائى

اقتباس:

---

المشاركة الأصلية كتبت بواسطة ama

أسف أنى مقدرتش أرد على الناس كلها لكن بجد شكرا على التفاعل الجميل دة و يا ريت أشوف أقتراحاتكم إلى تخلى الحكومة تفتح مصر كلها منطقة حرة


يا باشا أنا معاك أن الجمارك و الضرايب المفروض تبقى على حاجات معينه لكن أية الهدف منها !؟
الهدف الأول والأساسى للجمارك حمايه المنتج المحلى المصنع داخل الدولة بخامات محليه 100%
طيب أحنا أية المنتج المحلى عندنا 100% شركة نصر دا تقفيل فيات الأيطاليه و شاهين مالهاش علاقة بمصر أصلا
طيب يبقى العربيات عندنا يتظبط حالها لأن مفيش منتج محلى نهااااااائى

---

رأيك معقول جدا ومتفق معاك
وموضوع حماية المنتج المحلى ده كانو من فترة بيقولو ان الحماية ليها وقت وحتخلص والمفروض ان كل المنتجين يطوروا نفسهم بسرعة بس للاسف كل هم المنتجين الاستفادة المادية لاقصى حد طول فترة الحماية
طبعا فى تخفيض 10 % على العربيات الاوروبى اتطبقت اول السنة دى محدش حس بيه تقريبا كانت 40% بقت 36%
المفروض ان فى تخفيض 10 % كمان السنة الجاية يعنى ال36% حيبقو 32% ولسه كتيييييييييير لحد ما نوصل ل0% جمارك
على العموم احنا كده كده فى اتفاقية الجات و الجمارك حتتلغى فى وقت ما لو مش انهارده يبقى بكرة

علشان لتر البنزين هيبقا ب 10 جم:POINTIy2[2]:

اقتباس:

---

المشاركة الأصلية كتبت بواسطة kingaya

رأيك معقول جدا ومتفق معاك
وموضوع حماية المنتج المحلى ده كانو من فترة بيقولو ان الحماية ليها وقت وحتخلص والمفروض ان كل المنتجين يطوروا نفسهم بسرعة بس للاسف كل هم المنتجين الاستفادة المادية لاقصى حد طول فترة الحماية
طبعا فى تخفيض 10 % على العربيات الاوروبى اتطبقت اول السنة دى محدش حس بيه تقريبا كانت 40% بقت 36%
المفروض ان فى تخفيض 10 % كمان السنة الجاية يعنى ال36% حيبقو 32% ولسه كتيييييييييير لحد ما نوصل ل0% جمارك
على العموم احنا كده كده فى اتفاقية الجات و الجمارك حتتلغى فى وقت ما لو مش انهارده يبقى بكرة

---

بص فى التوقيع هتلاقينى عامل حمله ضد 4 حاجات (الجمارك-الضرايب-المستورد-الوكلاء)
حسبى الله ونعم الوكيل فيهم
وليه السيارات الأوروبيه بس !! ولا عشان هيا غاليه أصلا كدة كدة خلقه و محدش بيقرب منها و يشتريها !!؟
ليه متتعملش فى العربيات الكورى والصينى !!؟
ولا هيا العمليه نصب و الماروتى هتفضل أرخص عربيه فى مصر !!؟

اقتباس:

---

المشاركة الأصلية كتبت بواسطة traple_m

علشان لتر البنزين هيبقا ب 10 جم:pointiy2[2]:

---

ماهو دة كمان إلى ناقص أنا عارف أنه هيغلى بس بجد مسيرهم يجيلهم يوم والله المسؤلين عن الشعب المطحون دة

رد لرفع الموضوع لانه عاجبني جدا
وخصوصا حاليا المفروض ان مفيش نظام فاشل

اقتباس:

---

المشاركة الأصلية كتبت بواسطة momo100010

رد لرفع الموضوع لانه عاجبني جدا
وخصوصا حاليا المفروض ان مفيش نظام فاشل

---

ألف شكر على ردك و فعلا أنا و أنا بعمل بحث فى مواضيعى لقيت الموضوع مرفوع و أستغربت
لكن نفسى بجد صوت حد فينا يوصل و يقدر يقول كل إلى نفسنا نقولة بخصوص الجمارك و الضرايب
و يا جماعة أقسم بالله العظيم مافيه منتج محلى من السيارات عشان يبقى فيه جمارك وضرايب
و إن شاء الله نقدر نعمل حمله حتى لو على الفيس بوك عشان المسؤلين ياخدوا بالهم و ربنا يكرمنا و يكرمهم