نظافة السيارة من الداخل

**ahmedezzat78** · 21-01-2008 12:10 PM

المشاركة الأصلية كتبت بواسطة memo_hefnawy

و غير السفنجة أنا بتكلم كمان على Spray ده حلو جدا

المهــــــــــــــــم ماتستخدموش على التابلوه و العربية واقفة فى الشمس يعنى إعمله بليل أو الصبح بدرى

و خلى بالك مايجيش منك على الزجاج لأنه هايترك علامات تزييت عليه بايخة بتطلع عادى بس هاتضيقك كأنها زييت بليل و إنت ماشى فى إنعكاسات الضوء

انا جربت الاسبراى لاقيت التابلوه مزيت و بيلم تراب

**ahmedezzat78** · 21-01-2008 12:16 PM

المشاركة الأصلية كتبت بواسطة Ahmed Samy

أنا عندي مشكلة
من فترة لاقيت ريحة مش حلوة (بتيجي و تروح).
و دورت على السبب و مالاقتش حاجه
و بدأت الريحة تختفي (بس ساعات تشمها برضه)
من يومين و أنا باشحم الراجل بتاع التشحيم غسل الماتور - وأنا ما باغسلش الماتور عادة - المهم و هوا بينفض بالهوا لأقينا حاجات سودا بتطير ؟؟؟!؟!؟!؟!؟
جثة قطة صغيرة جدا كانت ميتة على الفتيس بس في حتى مزنوووقة
المهم أول ما شاف كدة الراجل كمل و أزال الأجزاء كلها و كب مكانها بنزين و ميه بصابون
بس الريحة أصبحت فظيييييعة
واضحة جدا و مؤذية و مفيش حاجة قادرة عليها
أعمل اييه ؟؟

انا مره فى عربيتى 128 اللى فاتت قعدت اربع شهور فى المشكله دى و فى الاخر لاقيت كتكوت ميت تحت الكرسى.... تخيل؟؟ والله هوه ده اللى حصلل

ما فيش حل غير انك تغسل كويس جدا و تحاول تفتح العربيه كام ساعة و اتوصى بالمعطرات....(ان و الله خلصت زجاجتين برفيوم لغايه ما راحت الريحة)

هههههههههه على العموم كلها شهر بالكتير و تتحل المشكله

ربنا معاك

**memo_hefnawy** · 21-01-2008 12:33 PM

ملاحظه إفتكرتها :

خلى بالك من المعطرات و فتحات التكييف ألـــــــــــف مره

المعطر لو من النوع إللى فيه زيت و رشيته على فتحات التكييف و الشمس ظبطت العربية الريش بتاعت الفتحات هاتجرب و لونها يبهت من الشياط من الحرارة مع المعطر

حاجة تانية برده العبوات المضغوطة إسبراى مضغوط (ذى Axe ) الحاجات دى فى الشمس ممكن تنفجر جوة العربية و تعملك مصيبه

**tito171** · 21-01-2008 12:41 PM

ya gama3aa hyaa happy care dy kowesaa

ya3ny mesh btdowr el tablowaa

asly 7'ayf la7san tkown bdowr el tablowaa

ow kaman armor all daa bylam3 lakn mesh bynadaf

**zozza** · 21-01-2008 01:10 PM

ماتقلقش يا تيفا

نضف بالمناديل و بعدين لمع بالسفنجه و هتشوف النضافه عامله ازاي

هو انت يابني لسه مستلمتش ليه لحد دلوقتي؟

**mohamed ismail** · 21-01-2008 01:41 PM

انا بجيب سبراي للتابلوه مالكراسي بخلي العامل بتاع البنزينه يغسلها بالفوم وهو بيغسل العربيه وبفوت له حاجة يعني فعلا الواحد لو العربيه من جوة مش نضيفه بحس ان هدومي هيا اللي مش نضيفة

**ahmedezzat78** · 22-01-2008 07:07 AM

المشاركة الأصلية كتبت بواسطة mohamed ismail

انا بجيب سبراي للتابلوه مالكراسي بخلي العامل بتاع البنزينه يغسلها بالفوم وهو بيغسل العربيه وبفوت له حاجة يعني فعلا الواحد لو العربيه من جوة مش نضيفه بحس ان هدومي هيا اللي مش نضيفة

والله عندك حق ده حتى النظافة من الايمان

لو حد يعرف منين نجيب مكنسه صعيره للعربيه تشتغل على الولاعة يا ريت يقول

و ربنا يكفيكم شر الكتاكيت

**douha_wise** · 22-01-2008 07:32 AM

المشاركة الأصلية كتبت بواسطة ahmedezzat78

والله عندك حق ده حتى النظافة من الايمان

لو حد يعرف منين نجيب مكنسه صعيره للعربيه تشتغل على الولاعة يا ريت يقول

و ربنا يكفيكم شر الكتاكيت

أخى انا عندى واحدة بلاك اند ديكر 12 فولت اشتريتها ب215 من محلات سلامة تحت جراج الاوبرا لكنى وجدتها بعد ذلك فى هايبر وان بنفس السعر و هية لونها رصاصى فى برتقالى و كويسة جدا و فية كمان مكنسة بالشحن شفتها فى كارفور برضة بلاك اند ديكر بس غالية شوية سعرها مقرب من 500 جنية لكنها قوية و لكن ليس بها الأجزاء التى بالمكنسة التى تعمل على ولاعة السيارة كالجزء الذى ينظف الأركان و الخرطوم و خلى بالك مكانس السيارة بتقاس بالفولت عشان فية حاجات 3 فولت و 7 فولت و 12 و هكذا